Ambarita

Ambarita ( Surat Batak : ᯀᯔ᯲ᯅᯒᯪᯖ ) i ma sada marga Batak Toba na tubu sian Simanindo, Samosir. Marga Ambarita i ma sada sian marga na adong di Horong Naimarata manang Borbor Marsada sian pinompar ni Silau Raja (anak palimahon ni Guru Tatea Bulan).

Tarombo

Sian Siraja Batak

Ompunta Si Raja Batak, dua ma anakna i ma:

1. Guru Tatea Bulan
2. Raja Isombaon

Tauduti ma sian ompunta anak siangkangan i ma Guru Tatea Bulan na manubuhon lima anak dohot 5 boru, i ma:

1. Raja Biakbiak
2. Tuan Sariburaja
3. Limbong Mulana
4. Sagala Raja
5. Silau Raja
6. Siboru Biding Laut
7. Siboru Pareme
8. Pungga Haomasan
9. Anting Haomasan
10. Nan Tinjo

Tauduti ma muse sian ompunta siampudan i ma Silau Raja na manubuhon opat anak, i ma:

1. Malau Raja
2. Manik Raja
3. Ambarita Raja
4. Gurning Raja

Tarombo Marga Ambarita

Ia Ompu i Ambarita Raja, anak sipaitolu ni Silau Raja, i ma sipungka marga Ambarita laos sude pinomparna marmargahon marga Ambarita. Tubu ma di ibana dua anak i ma:

1. Raja Jongok, pinomparna marmargahon Ambarita Lumban Pea;
2. Raja Naopat, pinomparna marmargahon Ambarita Lumban Pining.

Ianggo Raja Jonggok Lumban Pea, tubu ma dua anakna i ma:

1. Ompu Oborlan (Ompu Allagan)
2. Ompu Bonanihuta

Anggo Ompu Oborlan ndang marpinompari ibana, jadi sude marga Ambarita Lumban Pea na adong di portibi on pinompar ni Ompu Bonanihuta do. Ompu Bonanihuta sada ma anakna i ma Ompu Suhutnihuta, Ompu Suhutnihuta pe sada anakna i ma Ompu Tondolnihuta, jala ompu Tondolnihuta tubu ma opat anak di ibana i ma:

1. Martua Boni Raja (Ompu Mamontang Laut) na mangalap Boru Sinaga dohot Boru Sitio laos tubu ma di ibana tolu dakdanak i ma:
   1. Ompu Sohailoan na mangalap Boru Sinaga;
   2. Ompu Jaipul na mangalap Boru Sinaga;
   3. Ompu Sogara (Ompu Ujung Barita) na mangalap Boru Sirait.
2. Ompu Marhanang
3. Ompu Niumbol
4. Ompu Marihot

Ianggo Raja Naopat Lumban Pining, tubu ma dua anakna i ma:

1. Ompu Lampotnihuta na manubuhon dua anak, i ma:
   1. Ompu Tambok Raja, na manubuhon tolu anak, i ma:
      1. Raja Nagok (Ompu Birong)
      2. Guru Sinungkun
      3. Ompu Barita
   2. Datu Pulungan Taoar, na manubuhon tolu anak, i ma:
      1. Guru Humusor
      2. Datu Pagar Laut
      3. Raja Pardano
2. Ompu Panopa Somalate

Pangituai

Piga-piga angka pangituai na marmarga Ambarita i ma:

• Himsar Ambarita
• Ramos Ambarita