Aritonang

Aritonang (Surat Batak : ᯀᯒᯪᯖᯬᯉᯰ) i ma sisada marga Batak Toba na tubu di Desa Aritonang, Kecamatan Muara, Kabupaten Tapanuli Utara . Marga Aritonang i ma pinompar ni Toga Aritonang, anak paonomhon ni Raja Lontung.

Asal

Hombar tu partording ni partubuna, on ma anak ni si Aritonang na tolu i:

Sian sude pinompar ni marga Aritonang, gumodang sian nasida na mangingani angka huta na adong di luat Muara, na adong di topi pardangsina ni Tao Toba, laos adong na maringanan di Pulo Sibandang, Barus dohot Humbang Hasundutan di Sumatera Utara. Alai, di ruar ni angka luat i, nunga godang sian pinompar ni Aritonang naung mangaranto jala marserak do nasida disi sian tingki na jolo.

Huta Silando, Hutaginjang, dohot Tapian Nauli ima huta na gumodang diingani marga Aritonang. Nang pe dao sian Muara, alai marga Aritonang do na pasadahon tolu huta i asa masuk tu wilayah Kecamatan Muara.

Di luat Muara, gumodang sian sude pangisina na marmargahon marga Aritonang. Mangihuthon hasomalan na adong disi, nunga marmargahon marga sohena be do pinompar ni Aritonang na adong disi, i ma marga Ompusunggu, Rajagukguk, dohot Simaremare. Alai, molo di ruar ni luat Muara, angka pinompar ni Aritonang naung mangaranto tu parserahan sian tingki na jolo, dipangke nasida dope marga Aritonang i ma songon tanda na pataridahon hasadaon na mardongan tubu do nasida.

Alana masa songon parbadaan di angka pinompar ni Rajagukguk di tingki na jolo, gabe marsirang ma sian nasida pinompar ni sada parompuon. Dibahen nasida ma marga sandiri asa marga i ma na gabe marganasida i ma marga Haro (Rajagukguk). Nang pe ndang godang masida, alai nunga diokui be parjongjong ni marga on jala ditotophon gabe songon sada marga di tonga-tonga ni halak Batak, jala semi independen do status ni marga on.