Donna Strickland

Donna Strickland (tubu 27 Mei 1959) ima halak ahli fisika dohot peneliti markewarganegaraan Kanada di Universitas Waterloo na mandapothon pangargaan Nobel Fisika taon 2018 rap dohot Arthur Ashkin dohot Gérard Mourou di ginjang karya ni halaki di bagas mandapothon prinsip inovatif dohot terobosan mandasar di bidang fisika laser.

Donna Strickland ima barua na parjolo na meraih pangargaan Nobel saleleng 55 taon parpudi.

Latar Belakang

Donna Strickland marasal sian Guelph, Ontario, Kanada. Parjolo hian tarhait marsiajar tentang laser dohot elektronik jala mandapot gelar magisterna di Universitas Hamilton, Ontario. Imana malanjuthon tingkat doktoral di Amerika Serikat di Universitas Rochester, di inganan na imana mandapothon pangargaan Nobel pas imana karejo. Gelar PhD didapot imana di taon 1989. Saleleng ngoluna imana karejo di Universitas Princeton jala sian taon 1997 di Universitas Waterloo, Kanada.

Ulaon

Pas taon 1985, rap dohot Gérard Mourou, imana hasea marekkayasa pulsa laser ultrapendek timbo sopola manegai material panggogona. Parjolo hali halaki mangani gelombang sondang laser laho paturunhon daya puncakna, baru ma dipagogo, dohot dimampathon. Hasilna intesitas sinbar laser maningkat toppu. Metode on nga dipakke sahat tu saonari on, tarlumobi ma laho operasi laser simalolong.

Pangargaan

Pas taon 1999, imana hasea mandapot pangargaan Excellence Riset Ontario Premier.

Pas taon 2000, imana hasea mandapot pangargaan Cottrell Scholars, na didia imana tarmasuk pangargaan laho panilitian dohot hapimpinan akademis.

Pas taon 2008, imana digoari "fellow sian Optical Society of America" laho parkarejoanna di bidang laser dohot ilmu optik ultra na hatop.