Kawan Pustaha

Marsiajar Surat Batak

Punguan Kawan Pustaha ima sada parsaoran na fokus tu marparate-atehon dohot marsiajar akka Aksara Batak dohot Pustaha na di Pukka Natua tua parjolo halak Batak na targoar ima Pustaha Laklak. Hujalo hami do hamu asa dohot jala parsidohot di angka ulaon kolektif nami, na martujuan laho paturehon dohot mangaramoti tading tadingan ni ompu ta na jolo an on.

Sada na di parateatehon hami sian Punguan Kawan Pustaha ima padengganhon siingoton ni punguan parbinotoan di hita halak Batak. Porsea do hami, molo rap mangula, i ma rap jala mardomu, boi do lam denggan hita mangaramoti dohot pasahathon parbinotoan taringot tu perpustakaan i tu angka sundut na mangihut.

Punguan Kawan Pustaha mangatur ragam ni ulaon dohot rap udur mangulahon parsiajaran tu akka luat desa na ualu. Tarmasuk ma i ugasan mambahen pustaha, sesi manjaha dohot mangantusi pustaha, dohot pameran laho patandahon pustaha i tu natorop. Hutogihon hami do hamu asa dohot tu aksi kolektif on jala mangalehon sumbangan hombar tu minat dohot keahlianmuna di Aksara Batak