Misir

Republik Arab Misir
جمهورية مصر العربية
ϯⲙⲉⲑⲙⲏϣ ⲛ̀ⲭⲏⲙⲓ ⲛ̀ⲁⲣⲁⲃⲟⲥ

Mandera Partanda Logu habangsoan : Bilady, Bilady, Bilady (بلادي، بلادي، بلادي)

Peta ni Misir

Misir (Hata Arab : مصر, transliterasina : Miṣr ; Hata Koptik : ⲭⲏⲙⲓ, transliterasina : khêmi) manang goar resmina Republik Arab Misir (Hata Arab : جمهورية مصر العربية, transliterasina : Jumhuriyah Miṣr al-'Arabiyah, hata Arab Misir : Gomhoreyyet Maṣr el-ʿArabeyya; Hata Koptik : ϯⲙⲉⲑⲙⲏϣ ⲛ̀ⲭⲏⲙⲓ ⲛ̀ⲁⲣⲁⲃⲟⲥ, transliterasina : timethmêš khêmi narabos) i ma sada nagara transkontinental na maringanan di banua Afrika dohot banua Asia. Ia do Tanjung Sinai gabe luat ni Misir na maringanan di banua Asia jala marbalok dohot Gaza nang Israel. Huta sabungan ni Misir maringanan di Kairo.

Etimologi

Asal ni goar Misir di hata Batak Toba dohot Mesir di hata Indonesia i ma sian pandokan di hata Arab Miṣr (مِصر) na gabe goar resmi ni Misir, tagan pandokan Maṣr (Arab Misir : مَص) i ma jouan ni halak Misir di tingki manjou goar nagarana.
Guritan na tumua ni goar Misir targurit di hata Akkadia 𒆳 𒈪 𒄑 𒊒 KURmi-iṣ-ru miṣru, tarhubung dohot pandokan miṣru/miṣirru/miṣaru, na marlapatan "parbalokan" manang "luat suhasuha".