Perserikatan Bangso-Bangso
Perserikatan Bangso-Bangso (Hata Indonesia Perserikatan Bangsa-Bangsa dipajempek PBB, Hata Inggeris United Nations, dipajempek UN) i ma sada punguan manang organisasi internasional na dipajonjong tanggal 24 Oktober 1945, naeng mambahen kerjasama internasional. Organisasi on dipajonjong dung salpu ma Porang Portibi II, asa unang ro be porang di sude nagara di portibi on jala maminimalhon adong konplik di akka bangso-bangso.
Tingki parjolo dipajonjong, adong ma mar 51 nagara namargabung tu organisasi on. Dung saonnari, di taon 2022, nga adong 195 nagara anggota tetap. Angka marpiga nagara, gabe adong do tanggungjawab khusus na di PBB, ima gabe pamantau manang boha do organisasi mardalan dohot saling marhubungan.[1] Palestina dohot Vatikan ima dua nagara na so gabe anggota PBB, alai mandapot haperseaon gabe pangamat na marmarkas di PBB. Molo Vatikan, adong wakilna na permanen di PBB, dung i, Palestina adong kantorna permanen di PBB.[2]
Markas sanga pe kantor pusat ni PBB adong di New York, Amerika Serikat. Adong muse kantor na naasing di Jenewa, Nairobi, dohot Wina. Parhepengan ni Organisasi on rona sian sude anggota PBB, palehanon ni dang sipaksaon, artina sukarela manangna piga lehanon tu PBB.