Samudora
Samudora manang Lautan (basa inggris na: ocean, surat batak: ᯘᯔᯮᯑᯬᯒ) ima laut na bolak muse mampuna massa aek assim na torus-manorus manutupi sisik ni banua tonga, na diholangholangi dohot banua manangpe angka pulo-pulo na balga.[1]
Adong lima samudora i banua tonga:
- Samudora Dangsina (Samudora Antartika)
- Samudora Arktik
- Samudora Atlantik
- Samudora Hindia (Samudora India)
- Samudora Pasifik (Lautan na Menak)
Samudora manutupi 71% sisik banua tonga, dohot bolak hira-hira 361 juta km2, gari ini samudra on mampuna volume hira-hira 1.370 juta km3, dohot todolan hira-hira 3.790 meter (paretongan on dang dohot do pe Laut Kaspia). Bagian na ummetmet sian samudora ima laut, laut gonting, dohot londut.[2]
Bolat Samudora
[patota | patota mualna]Samudora Pasifik
[patota | patota mualna]Samudora Pasifik ima samudora na umbalga sian sude samudora, hira-hira 13 hali sian Samudora Arktik. Samudora Pasifik ima samudora tarbolak i portibi dohot bolak na 28% sian sude paraekon i banua tonga. Adong hira-hira 20.000-30.000 pulo di samudora on muse adong "Sissin Api" na manghaliangi na idia ponggolan tektonik banua tonga jotjot morot tu bagas bingkas samudora na mambahen dolok marapi dohot suhul portibi beraktipitas.[3] Luat na pandohot i samudora on ima Laut Bali, Laut Bering, Londut Bering, Laut Koral, Laut Cina Habinsaran, Laut Flores, Laut gonting Alaska, Londut Tonkin, Laut Jawa, Laut Filipina, Laut Savu, Laut Jepang, Laut Okhotsk, Laut Cina Dangsina, Laut Tasman, dohot Laut Timor.[2]
Samudora Atlantik
[patota | patota mualna]Samudora Atlantik ima samudora na umbalga paduahon i portibi na bolakna saparlima sian sude paraekan i banua tonga. Dolok na di toru ni samudora on digoari dolok Punggung Atlantik Tonga ala maringanan di tongatonga ni Samudora Atlantik. Terusan Panama manghubunghon Samudora Atlantik dohot Samudora Pasifik.[2] Luat i bagasan samudora on ima Laut Baltik, Laut Hitam, Laut, Karibia, Laut gonting Davis, Laut gonting Denmark, Londut Guinea, Londut Meksiko, Laut Labrador, Laut Tonga, Laut Hulu (Utara), Laut Norwegia, Laut Sargossa, dohot Laut Skotlandia.[3]
Samudora Hindia
[patota | patota mualna]Samudora Hindia ima samudora tarbolak patolu i portibi. Arus laut hulu na jotjot marganti arah marojahan tu parubahan musim, marhasak sian barat daya andorang pante Somalia i musim ngali utara dohot arah na maralo i musim mohop utara.[2] Luat i bagasan samudora on ima Laut Andaman, Laut Arab, Pante Benggala, Londut Australia na Balga, Londut Aden, Londut Oman, Londut Jawa, Londut Persia, dohot Laut gonting Malaka.[3]
Samudora Dangsina (Antartika)
[patota | patota mualna]I piga-piga negara dohot abahan i portibi, Samudora Dangsina daong iakui manjadi samudora na terpisah, tar lobi tarbagi manjadi Samudora Atlantik, Samudora Hindia, dohot Samudora Pasifik muse perbatasan dangsina ima pante Antartika. Piga-piga luat laut na ibagasan samudora on ima Laut Amunddsen, Laut Bellingshhausen, Laut Ross, dohot Laut Weddell.[4]
Samudora Arktik
[patota | patota mualna]Bagian tonga ni Samudora Arktik dihuphupi es na hot di musim ngali jala malear di musim mohop. Samudora on manggohi Londut Baffin, Laut Barents, Laut Beaufort, Laut Cukchi, Laut Siberia Purba, Laut Greenland, Laut gonting Hudson, Laut Kara Laptev, dohot Jalur Manabia.[4]
Pustaha
[patota | patota mualna]- ↑ Samudra KBBI Daring
- 1 2 3 4 Ocean. Encyclopaedia Britannica (dalam bahasa English). Diakses tanggal 2026-07-25.
- 1 2 3 Macquitty, Miranda (2010). Eyewitness Samudra : ensiklopedia tematis. Jakarta: Erlangga. hlm. 66. ISBN 978-979-075-838-4.
- 1 2 Exploration of the Oceans. Encyclopedia.com (dalam bahasa English). Diakses tanggal 2026-07-25.