Sortali

Sortali, ima pahean adat ni halak Batak Toba na marrumang tali na songon mahkota na diampehon di simanjujung ni boruboru di tingki ulaon adat Batak, baik di tingki prosesi adat pernikahan dohot ulaon ni namate.

Di patupa adat Batak, dianggap wajib do pangkeon ni Sortali on, ala tradisi na badia do i di pesta unjuk adat Batak na manggombarhon hadumaon dohot hagabeon tu penganten dohot paranak. Laos Sortali manggombarhon las ni roha na nihilala hinorhon ni pardomuan ni dua keluarga sian parsaripeon ni parboru dohot parboru.

Ragam

Sortali dibahen sian tombaga na dilapisi sere jala dibungkus dohot abit na rara na marrumang songon mahkota. Tombaga na dihiasi di sortali i marrumang segi lima jala boi do sahat tu 7 bilanganna, hombar tu ganjang ni sortali i. Rata-rata ganjang ni Sortali boi do sahat tu sekitar 50 cm – 65 cm.

Arti

Lapatan ni sortali on umumna ditafsirhon songon tanda ni keluarga di bagasan sada ikatan. Bagian sere ni Sortali manggombarhon hadumaon di parboru dohot paranak. Samantaro i, tali na di pudi manggombarhon hasadaon ni sandok keluarga di bagasan sada ikatan. Sementara i, warna na rara marlapatan do i hagogoon.

Jala i, ulu inganan ni Sortali i dianggap bagian na sangap, jadi manggombarhon hasangapon do i. Asing ni i, sortali pe boi do manambai keanggunan tu pengantin na mamangke i.

Sortali on dohot do na manggombarhon pardomuan ni dua keluarga, patuduhon hapolinon ni sada pernikahan adat Batak, jala gabe hasangapon dohot haulion di oroan na dirajumi sada hal na denggan di pasangan na patupahon pernikahan i dohot di sandok keluarga.

Adat

Asing ni na songon i bidang ni lapatanna, sortali pe tanda manang simbol na manggombarhon haulion do i. Gaya sortali, na ibaen mamake kain tonun, ima tanda utama bahaso budaya Batak ima budaya na manghalomohon tonun, i dia kain suku Batak najolo hasil ni tonun.

Alai, jarang do halak manonun sortali, ala prosesna agak rumit ala ni balga ni sortali na so tarpatudos tu alat tenun na agak balga do alat tenun i. Ala ni i, nuaeng on godang do sortali na dibentuk manang dijait sian kain jadi na ro sian pabrik.