Ulos Jugia

Ulos Jugia manang ulos na so ra pipot manang sinunsaan, ima sada ulos na adong di halak batak, tarlumobi ma di halak batak toba.

Somal na ulos Jogia on ima ulos homitan na di simpan di parmonang-monangan (holbung), songon na di haporseai halak batak, ia molo ulos on ima ulos na so boi di pakke marlomo-lomo, ia jolma naung saurmatua do na boi ma makke ulos on. na di dok sarumatua ima sada natua-tua na anak dohot boruna nungga sohot jala nungga adong pahompu na sian sude anak dohot boru na i, ima na idok na jolma naung saurmatua, holan jolma na songoni do na boi ma makke ulos jugia on, idok ma i jolma na gabe.

nang pe nungga adong godang pahompuna sian anak na, alai adong dope sahalak nai anak na manang boru na naung marhasohotan alai dang dope marianakkon, dang boi dope i dok i gabe sada halak naung saurmatua.

hatarida ni ulos di halak batak

ala ni maol ni aturan asa boi di pakke ulos on, ima ikkon jolma naung saurmatua, on ma umbahen ulos on dang pola somal di ida akka holma halak batak gabe jarang boi idaon jala godang do halak batak naso pola mananda ulos jugia on.

Ulos Jugia on gabe jotjot do dibahen songon barang panggati ni omas ala harga na, jala jotjot ma muse ibaen gabe barang tading tadingan ni sada natua-tua tu ianakkon na jala taringot tu balga ni harga ni ulos on di patudos ma dohot sitoppi (omas na di pakke ni akka parnijabu ni raja raja na jolo ditingki pesta).