Ulos Saput
Ulos Saput ima sada ulos na di pasahat tu na monding, somal na ulos on di pasahat tulang takkas tu na monding di tikki ulaon na di patupa, molo di paradaton ni bangso batak toba, ikkon adong do ulos saput on di ulaon na modding jala haroroni ulos on dos do tu Ulos Tujung ikkon adong di ulaon na monding.
jenis ni ulos saput
[patota | patota mualna]adong dua massam ni ulos saput, na parjolo ima ulos saput na di peakhon langsung du daging ni na monding, ulos saput na paduahon, ima ulos saput na di peakhon di atas ni poti ni namonding i, nion ma hatorangan na porlu ikkon sibotoan taringot tu ulos saput na dua i, na mangalehon ima tulang takkas ni na monding, molo "borua" na monding, na mangalehon ima tulang ni borua, molo na monding "bawa/dalahi", na mangalehon tulang ni si bawa. na manjjalo ulos i, na monding i sandiri, taringot tu ulos aha na aneng di lehon tu na monding, mangida "hagabeon" ni namonding i do, songon:
Jolma na mate makkar
ima na monding na adong dope anakkonna na ikkon si pabalgaon na, somal na ulos na dilehon gabe ulos saput ima Ulos Sibolang. mate pupur dohot na mate punu dipados do on tu na mate makkar anung pe sian umur nunnga matua.
Jolma na mate sarimatua
ima na monding na nunga adong anak na naung mangoli/muli alai dang dope gabe (dang adong dope pahompu na sian anak na i), di lehon ma Ulos Sibolang, alai molo nunga hira na matua na monding i, sonto na marumur 60 taon, somal na boi do i baen Ulos Ragihtang na gabe ulos saput na.
Jolma na mate saurmatua
ima na monding na nunga sude anak na mangali/muli jalan nunga adong pahompu na, na somal dilehon na gabe Ulos Saput na, ima Ulos Ragihotang manang Ulos Ragidup.
Jolma na mate saurmatua bulung (saurmauli bulung)
ima na monding naung sude anak na mangoli/muli jala sude sian sude anak na nunga adong pahompu na (adong do muse nunga marnini marnono), somal na, na gabe Ulos Saput ni na monding saurmatua bulung manang na monding saurauli bulung on dilehon ma Ulos Jugia, alai alani Ulos Jugia nunga maol luluon, boi ma di baen muse Ulos Ragihotang manang Ulos Ragidup.