Adaran Benteng (Medan)

Adaran Benteng i ma sada ruang tarbungka ijo na maringanan di pusok Kota Medan, Sumatera Utara. Inganan on tarbonggal gabe pusok siulaon masarakat dohot jotjot di pakke tu marragam acara, tingon olahraga sahat tu pansa seni.

Lapangan Benteng maringanan di Jl. Pengadilan, Kelurahan Petisah Tengah, Medan. Lokasi na mansai strategis jala mura didapot denggan dohot kendaraan pribadi jala angkutan umum. Sian Bandara Internasional Kualanamu, pardalanan tu lapangan on porlu hira-hira 45 menit.

Turiturian

Turiturian ni pembangunan benteng di Lapangan Benteng Medan dibuha hirahira taon 1918, tingki i bagian ni Kota Praja manang Gemeente dope luat i. Di tingki i, adong do opat huta luat i: Kesawan, Sungai Rengas, Petisah Hulu, dohot Petisah Hilir. I konteks partahanan dohot hadameon, di pajongjong sada benteng na marfungsi gabe pasilitas militer i lokasi on. Benteng na di pajongjong dang holan marpungsi gabe struktur partahanan, alai muse gabe simbol tingon hagogoon dohot eksistensi pamarentah penjajah maso i. Lam leleng, benteng on di pauba gabe jambar ni ruang tarbungka na ijo na nuaeng digoari Adaran Benteng. Saonari, adaran on dang holan gabe pusok angka ulaon masarakat dohot olahraga, Alai muse gabe inganan parpunguan ni masarakat tu marragam acara budaya dohot parpunguan.

Pasilitas

Adaran Benteng di pasilitasi dohot angka marragam pasilitas na boi mangolophon ulaon angka partandang, tarmasuk ma i :

• Sarana Olahraga : Tardapot dalan laho jogging, Adaran Futsal, Adaran Voli, dohot angka paralatan gym gratis.
• Area Parkir : Adong di bahen area parkir tu angka kendaraan.
• Toilet Umum : Patangkashon hamenakon partandang.
• Porlak Parmeaman : Area parmeam-meaman angka dakdanak, Dibahen do on asa boi inganan na aman jala tabo marmeam tu angka dakdanak, na mambahen on gabe pilitan denggan tu keluarga na ro tu adaran on.

Asing ni i, Adaran Benteng pe manawarhon daya tarik tu partandang, i ma:

• Olahraga Sonang : Godang do halak mamangke adaran on laho marjogging manang marlatik ringan di manogot dohot botari.
• Inganan parpunguan : Jotjot dipangke gabe inganan piknik keluarga dohot acara parpunguan.
• Acara Abahan : Patupahon konser musik dohot ragam ni ulaon seni na asing.

Angka Ulaon

Adaran Benteng Medan jotjot do inganan ni angka ulaon masyarakat na menarik jala marragam. Songon on ma pigapiga ulaon na jotjot dipatupa di adaran on:

• Konser Musik : I ma inganan ni marragam konser musik na marragam genre, na manarik marribu panonton laho mangatimi pertunjukan di suasana na tarbuka.
• Pasar UMKM : Acara pasar Usaha Mikro Kecil dohot Menengah (UKM) jotjot do dipatupa dison, na mangalehon tampahan tu usaha lokal laho pataridahon produkna jala tu angka partandang laho marbalanjo.
• Pestival Kuliner : Pamarenta Kota Medan jotjot mambahen pesta kuliner, songon na dijadwalhon di bulan September 2024, marratus penyewa menawarkan sipanganon khas Medan.
• Ulahon Olahraga : Marragam ulaon olahraga, tarmasuk senam massa dohot mardalan-dalan santai, juo jotjot ilaksanaon di Adaran Benteng. Songon acara Jalan ke PON XXI 2024 Jalan Santai na melibatkan marribu peserta.
• Patuduhon Seni : Adaran Benteng on jotjot gabe panggung laho patupahon patuduhon seni, tarmasuk ma i manortor dohot teater tradisional, na patuduhon hamoraon ni budaya lokal.
• Acara Politik dohot Parpunguon :pe dipangke do tu acara politik na ringkot dohot ulaon punguan na asing, gabe inganan parpunguan ni angka jolma laho paboahon angka cita-cita dohot mamestahon angka tingki na ringkot.

Jom Bungka

Lapangan i dibuka 24 jom sadari, jadi boi do ro angka partandang manang sadihari pe laho marlatik manang marnonang. Nang pe adong pigapiga inganan mangan na humaliangna boi ditutup sian jolo, alai tongtong do boi didapot inganan i ganup tingki.