Bagas Joro Bahal

Gombar ni Bagas Joro Bahal

Bagas Joro Bahal i ma sada bagas joro na adong di Huta Bahal, Kecamatan Padang Lawas Utara, Kabupaten Padang Lawas Utara, Propinsi Sumatera Utara, Indonesia. Bagas joro on, ima bagas joro ni na marhaporseaon Buddha. Nunga tung ganjang sarita taringot tu bagas joro on, Haadaongan ni Bagas Joro on, i ma gabe sada bukti nunga ro angka jolma na marhaporseahon tu Buddha mulai na jolo tu Indonesia. Bagas Joro Bahal on dipillit laho mangulahon sada pesta taringot tu pesta ni angka na marugamo Buddha, i ma pesta Waisak taon 2023 di taon naung salpu, bagas joro on dos ma i molo didok dohot Bagas Joro Bahal II.

Panggatian ni goar

Tingki na jolo, gora ni bagas joro on, sanga do didok Bagas Joro Portibi, ala di tingki i bagas joro on adong di Kecamatan Potibi, dung pe di taon 1991, Pamarenta Indonesia mangganti goar na, sian Bagas Joro Portibi, gabe Bagas Joro Bahal, alana bagas joro on maringanan di huta na jolok tu bagas joro on, ima Huta Bahal.

Sarita taringot tu haadongan ni bagas joro

Bagas Joro Bahal I di bot ni ari

Bagas Joro Bahal on dianggar dibahen hira hira abad pasampulutoluhon, bagas joro on dibahen sian batako dohot batu bata na rara, dipungka ma dohot bagak, gabe gogo ma bangunan ni bagas joro on, godang do angka ukiran di dorpina, patandahon nunga malo angka tungkang na na mambahen bangunan on. Molo diida sian angka na adong dibagas ni bagas joro on, adong do ihatan na do na marhaporseaon tu Hindu suang songoni Buddha, alan angka tadingtading nasida na adong di Indonesia mirip do dohot na adong di bagas joro on.

Anggaranggar ni angka na hea manaliti manang mamparsiajari Bagas joro on mandok, molo taringot tu ise na patindanghon bagas joro on, ndang dope diboto nasida, alai idok nasida, hirahira dibahen ma on di tingki di Harajaon Panai, songon angka sarita na jolo na mandok, Harajon Panai hea do gabe harajaon na diporangi Harajaon Sriwijaya dohot angka harajaon na asing, i ma alani gok ni arta ni Harajaon Panai taringot tu angka na ro sian luat na.

Tolu Bagas Joro Bahal

Bagas Joro Bahal I

Adong tolu Bagas Joro na tindang di bagasan inganan na bolak na hira hira mar 100 hektar on, tolunsa bagas joro on dibahen sian batu bata na rara jala dipagari, on ma tolu Bagas Joro Bahal na adong :

Bagas Joro Bahal I

Sian tolu bagas joro na adong, Bagas Joro Bahal I on, ima na gabe na umbalga sian na asing, dibahen ma pondasi na marukuran 7 hali 7 meter, adong do muse sahira tanda ni bangunan naung sega, ima bagas joro pandamping na pundasi na 3 meter hali 2 satongan meter. Pas di tonga tongan ni tangga lao masuk tu bagasan, adong do patung ni binatang na digoari Makara. (Binatang na adong di bagas sarita rupana songon moster aek).

Bagas Joro Bahal II

Sarupa dohot Bagas Joro Bahal I, di Bagas Joro Bahal II on pe adong do diida sahira tanda ni bangunan naung sega, bagas joro pandamping, jala di pintu masuk na di tangga i pe, adong do patung ni binatang na digoari Mahara, alai rupa na ndang sarupa dohot na adong di Bagas Joro Bahal I i.

Bagas Joro Bahal III

Molo balgana, Bagas Joro Bahal III on songon na sarupa ma dohot Bagas Joro Bahal II, adong do muse bongkasbongkas ni bangunan naung sega di jonokna, alai ndang songon Bagas Joro Bahal I dohot Bahal II, dison dang adong di tanggana Patung ni Binatang Makara i,

Pigapiga gombar taringot tu Bagas Joro Bahal

• 
  Bagas Joro Bahal
• 
  Bagas Joro Bahal
• 
  Bagas Joro Bahal I
• 
  Bagas Joro Bahal manang Bagas Joro Portibi

Pranala Ruar

• Website Resmi Pemerintah Provinsi Sumatera Utara
• Kompas