Bagas Joro Sipamutung

Bagas Joro Sipamutung manang Biaro Sipamutung

Bagas Joro Sipamutung ima sada Bagas Joro na maringanan di Huta Siparau, Kecamatan Barumung Tengah (Barteng), Kabupaten Padang Lawas (Palas), Provinsi Sumatera Utara, Indonesia, na gabe sada tanda tanda hahaadongan ni paradabon di abad na pa XI hon. Di dok di bahasa Batak Toba, Bagas Joro, alai molo di akka parhuta i, di dok ma i Biaro.

Sian akka piga piga palenitian na dibahen, di dok ma Bagas Joro Sipamutung on sada bagunan tading tading ni Harajaon Panai, ima sada harajaon ni na maragama Buddha na ro tu tano ni Bangso Indonesia na di bahen hira hira di antara ni abang pa XI sahat tu abang pa IVX.

Inganan ni Bagas Joro

Molo taringot tu inganan, Bagas Joro on maringanan di parbuhiton na gelleng, na adong di pinggir ni Sunge Barumun, ima sunge na mambola tano ni Kabupaten Palas, hira hira mar 40 kilometer ma dao na sian huta Sibuhuan, jala mar 100 Kilometer molo sian Kota Padang Sidempuan.

Molo aneng tu inganan on, adong do piga piga na ikkon si bolusan, pasar na di aspal hola sahat tu Huta binangan do, dungi ikkon mangalaosi dalan na somal ma muse hira hira mar tolu kilometer nai, mangalos ma muse hita marhite hite jambatan na adong di gijang ni sunge Barumun, dung sahat hita di bariba na, mardalan ma muse hita mar 250 meter nai, asa dapot ta inganan ni bagas Joro Sipamutung on.

Bolak ni inganan ni bagas joro on, hira hira 6.000 meter, jala adong do di bahen tembok na gabe pagar ni inganan on 74 hali 74 meter, adong do gapura na na gabe pintu laho masuk tu bagasan.

Haroro ni Goar ni Bagas Joro

Taringot tu goar ni bagas Joro, didok goar na i di bahen alani gaor ni huta na adong di luat i, ima Sipamutung, alai molo goar situtu ni bagas Joro on, datung adong ise sibotosa. Bagas Joro on di halilingi tembok na timbona hira hira sameter, di jolo na adong gapura, jala do tonga tongan ni alaman i adong bagas joro na utama, di pinginggiran na adong do akka bagas joro na gelleng gelleng mar piga piga bagas joro. akka bagas joro na gelleng gelleng i, dibahen ma goar na Perwara.

Sigararon laho tu Bagas joro

Molo aneng masuk laho mangida bagas Joro on, dang adong na ikkon sigararon, molo di dok di bahasa Indonesia, Gratis. Di ida sian na somal, adong do hira hira mar 300 sahat tu 400 halak ro tu inganan on setiap bulan na, jala di dok muse, molo bagas Joro on, dang nagabe inganan ni akka raja raja na adong hian na jolo, alai gabe laho inganan mar tangiang ni akka na marhaporsean manang ugamo Budha dohot Hindu do. Na adong nuaen holan pitu nama fragmen stupa na tading, akka na asing na nungga marsegaan alani tikki naung leleng,

Pranala Ruar

• MadinaPos
• DetikSumut
• Kompas
• NortSumateraInvers.id