Baktiraja, Humbang Hasundutan
Baktiraja (Bakara, Tipang, Janji Raja)
[patota | patota mualna]Dung adong pemekaran Kabupaten Humbang Hasundutan, gabe adong Kecamatan Baktiraja, na dipadomu sian tolu luat, ima Bakara, Tipang, dohot Janji Raja. Nata pe Janji Raja ndang masuk tu wilayah kecamatan Baktiraja, alai di Kecamatan Sitiotio, Samosir. Kantor Kecamatan Baktiraja di Marbun.
Bakara
[patota | patota mualna]Luat Bakara i ma punguan ni angka huta na margoar : Simangulampe, Sinambela, Simanullang, Bangunan, Pangaloan, Sionggang, Lumban Raja, Simamora, Siunong-unong Julu, Marbun, Tonga, Marbun Toruan, Batu Dingding, Lumban Batu,
Situs wisata na adong di Bakara ima :
- Istana Raja Sisingamangaraja, molo masuk tuson, jolo idaonmuna ma Tugu ni Si Raja Oloan di gerbang masuk na i. Jala di jolo ni tugu on, adong do batu siungkap-ungkapon.
- Paridian Aek Sitio-tio ima aek na marjullak-jullak sian toru ni tano, tio do torus mual on, dang hea litok. Boi do idaonmuna disi angka dengke na marlange-lange ala ni tiona
- Tombak Sulu-sulu ima inganan paranggir-anggiran ni inang ni Sisingamangara andorang so tubu dope ibana
- Hariara Tungkot, ima hau partanda parhutaan ni ompu i Sisingamagaraja na parjolo. Alai nuaeng dang adong be hau i, nunga marumpak. Na jolo hariara on ma gabe partanda di luat Bakara, molo adong mara na naeng ro tu luat i, marbalik ma sude bulungna. I ma gabe tanda tu pangisi ni luat i, paboa na naeng adong mara na naeng masa di luat i.
Simangulampe
[patota | patota mualna]Di Simangulampe adong do angka huta na margoar : Huta Godang, Sosor, Lumban Holbung, Sibuntuon, Huta Bagasan, Lumban Dolok.
Adong do sada parsikkolaan di luat on i ma na margoar SD Negeri 173353 Simangulampe. Jala adong sada gareja na margoar Gereja Katolik Santo Mikael.
Dung adong program ni pamarenta padengganhon pariwisata Tao Toba, gabe dohot ma huta on paradehon angka na porlu tu pariwisata. Jadi adong ma di huta on hotel bintang 3 na margoar Senior Bakara Hotel.
Dung i adong resto :
- Rosa Richvia dison boi hita mangan, mambahen acara keluarga manang punguan. Adong restona on di ginjang ni aek Tao Toba i, gabe resto tarapung goarna
- Resto dan Waterboom Anugerah Soambaton dison adong kolam renang dohot waterboom, boi ma maridi dison angka dakdanak na magodang, adong muse do inganan mambahen acara, jala nunga dibahen penginapan
- Resto Sosor Tungkup Nauli dison boi ma hita mangan, jala mambahen acara, adong muse resto terapung di aek Tao Toba i, jala adong kolam keramba di tonga-tongana, tabo ma mamereng dengke na marlange di keramba i.
Adong do inganan paridian Aek Sipangolu goarna. Tabo ma maridi dison, ai adong jongguran na metmet, alai nunga tung tabo padampol-dampol tanggurung, molo maridi di sampuran on. Adong muse kolam renangna, jala adong kamar mandi tartutup tu baoa, dohot borua.
Nunga adong nian manang piga jabu di huta on na dibahen gabe homestay :
- Homestay Paber di Sigaol-gaol, laos adong paridian dohot inganan panucian mobil dison
- Homestay Pirkamin di Lumban Dolok
Molo adong siurusonmuna taringot tu hutaon, laho ma hamu tu Kantor Kepala Desa Simangulampe