Batu Marhosa

Batu Marhosa, ima sada sada inganan na adong di huta Sorsortolong, Parmonangan, Kecamatan Simanindo, i Pulo Samosir.

Songon goar na, Batu Marhosa, inganan on dibaen alana adong na masa songon goar na i disi, ima sada batu na Marhosa, boi haruar hosa / alogo sian batu i, dang na saotik jolma ro tu inganan on lao pataruhon akka pelean na, godang dope akka bangso batak na ro jala porsea di ha adongan ni ingan na songonon, martangiang do nasida tu mula jadi nabolon di inganan on lao majjalo pangidoan ni roha nasida.

Dibahen pamaretta gabe inganan marwisata

Molo dirimangi, Batu Marhosa on gabe sada sukkun sukkun do di akka golma manisia na mangida, godang do na porse jala maddok molo Batu on boi marhosa alani adong lubang na tobbus sahat tu Tao Toba, Songon goar na i, Batu on boi do paharuar hon dohot pamasuhon alogo tu bagas na, di obbus batu i do alogo i jala di ossop do muse, tar songon jolma na somal molo marhosa, i do ubbahen digoari batu i gabe Batu Marhosa. Sialani ni, dibaen pamaretta Kabupaten Samosir do inganan on gabe inganan marwisata, godang do naro, jala jotjot do di ida akka jolma na ro tusi puttung ni sigaret songon na pataddahon na situtu marhosa do Batu i.Buat (teks wiki)

Inganan ni Batu Marhosa

Godang do akka na aneng ro tu inganan on lilu, jala maol dapot nasida inganan na, nian dang tarparsoada, molo aneng tu inganan ni Batu Marhosa on, olo do tutu ha lolosan hita, jala dang taboto idia inganan na molo dang tae jala nanget ta ida inganan na on. Asa ura jala takkas taboto inganan on, on ma boa boa na, na boi gabe si ihuttonon ta tu inganan ni batu on :

• haluar ma hita sian Hasadaran ni hapal Tomok
• Tapatorus ma pardalanan tu habbirang, mangihutton tanda bosi / plang na adong di dalan
• Mamolus ma hita sian Sampuran ni Namboru langgat br Situmorang
• Di siaumun, dang dao dung lewat hita sian Sampuran ni Namboru i, di si ma Batu Marhosa on
• Dang adong sada tanda guretan dibaen disi, ikkon tae do hita mangida asa dapot ta ingan on
• Adong otik inganan lao pasohon motor (na opat ban na)

Pranala ruar

1. OkeZone
2. TravelingMedan
3. MudaNews
4. GoogleMaps