Bendungan Lausimeme
Bendungan Lausimeme ima sada Bendungan na adong jala maringanan di Kecamatan Biru-biru, Kabupaten Deli Serdang, Provinsi Sumatera Utara, Indonesia.[1]
Leleng ni Pembangunan
[patota | patota mualna]Pembagunan ni Bendungan Lausimeme na adong di Deli Serdang on mamakke hepeng ni pamaretta na godang na Rp. 1,76 Triliun, jala di baen ma pembangunan on na di mulai sian taon 2017 sahat tu taon 2024 jadi pitu taon ma leleng ni pambangunan ni Bendungan Lausimeme on, Bolak na mar 125 Hektar, jala siat ma aek di bagasan hira hira 21,07 juta meter kubik, Kontruksi ni Bendungan on di karejohon PT Wijaya Karya dohot PT Bumi Karsa ima na idok nasida Paket 1. Jala Paket 2 na, di karejohon PT Pembangunan Perumahan (PP) dohot PT Andesmont Sakti.[2]
Diojakhon Presiden Joko Widodo
[patota | patota mualna]
Dung salpu Pembangunan ni Bendungan Lausimeme on, diojakhon Presiden ma Bendungan on ima na di tanggal 16 Oktober 2024, retta do ro disi Pj ni Bupati Deli Serdang, Amang Ir Wiriya Alrahman MM dohot Pj Gubernur Sumatera Utara (Gubsu), Dr Drs H Agus Fatoni MSi dohot Dandim 0204/DS, Dandim 0204/DS, Letkol Inf Alex Sandri SHub MHI; songoni nang sian Forum Koordinasi Pimpinan Daerah (Forkopimda) Deli Serdang, Pj Sekretaris Daerah (Sekda) Deli Serdang, Dr Drs H Citra Effendi Capah MSP nang Ketua ni organisasi perangkat daerah (OPD), laos dohot do muse ro di pangojakan ni Bendungan on Camat Biru Biru, ima amang Rahmat Hidayat SIP suang songoni dohot akka pejabat nasing na na hombar tu pesta pangojakan i. Di tingki Pesta Pengojakan i, di dok Presiden Joko Widodo ma: "On ma bendungan na pa 47 hon na hu paojak, ima selalang 10 taon au gabe presiden, sai anggiat ma nian marimpola ma haroro ni Bendungan on tu Provinsi Sumatera Utara".[3]
Parbadaan Alani Pembangunan Bendungan
[patota | patota mualna]Angan angan taringot tu Pembanguanan ni Bendungan Lausimeme di anggar anggar nungga adong mulai sian taon 1991 sahat tu taon 1992, haroro ni angan angan laho pembangunan Bendungan on ima dung ditikki adong ulaon na di patupa ni par ITB (Institut Teknologi Bandung) di luat i, di uduti ma muse di tikki ro piga piga halak na sian USU (Universitas Sumatera Utara) ima nasida na sian anggota ni AMDAL (Analisis Mengenai Dampak Lingkungan).
Adong di piga piga huta na gabe dohot mangarasahon naso tabo di haroro ni angan angan pembangunan Bendungan on, Ima Huta Kuala Dekah, Huta Sari Laba Jahe, Huta Rumah Gerat, Huta Mardingding Julu, Huta Siria-ria nang dohot huta Penen, sangan do tikkin di dang adong hatorangan taringot tu gatti rugi ni tano nasida na lahon dipakke mabbaen Bendungan on.
Dibahen i, na di tanggal 20 Desember 2018, Punguan Bantuan Hukum dan Advokasi Rakyat Sumatera Utara (Bakumsu) dohot piga piga halak na sian Diakonia Gareja GBKP dohot Yayasan Ate Keleng nang dohot BPMK (Badan Pemberdayaan Masyarakat Kampung) Medan, marpungu lao marhatai taringot tu mangalului dalan na denggan asa boi dapot ni akka nasida hak hak nasida.[4]
Impola ni Bendungan Lausimeme
[patota | patota mualna]Songon pandok ni Presiden Joko Widodo, haroro ni Pembangunan Bendungan Lausimeme on, sai anggiat ma tutu boi moru banjir di Kota Medan nang di Deli Serdang, jala boi ma muse aek na dibagasan Bendungan on lao gabe Aek ni hauma ni akka jolma na adong di luat i.[5]
Pranala Ruar
[patota | patota mualna]- Detik.com : Resmikan Bendungan Lausimeme Jokowi Bisa Kurangi Banjir Medan Deli Serdang
- Bakumsu.or.id : Pembangungan Bendungan Lau Simeme Meresahkan Warga
Daptar Pustaha
[patota | patota mualna]- ↑ SetKab.go.id (16 Oktober 2024). Presiden Jokowi Resmikan Bendungan Lausimeme di Deli Serdang. (Diida: 21 November 2024 - 09.50 Wib)
- ↑ Menpan.go.id (20 Maret 2024). PUPR Targetkan Bendungan Lau Simeme Rampung Juli 2024 (Diida: 21 November 2024 - 10.05 Wib)
- ↑ DeliSerdangKab.go.id (16 Oktober 2024). Presiden Resmikan Bendungan Lau Simeme. (Diida: 21 November 2024 - 10.13 Wib)
- ↑ Bakumsu.or.id. Pembangunan Bendungan Lau Simeme Meresahkan Warga(Diida: 21 November 2024 - 10.36 Wib)
- ↑ Detik.com (16 Oktober 2024). Resmikan Bendungan Lau Simeme, Jokowi: Bisa Kurangi Banjir Medan-Deli Serdang. (Diida: 21 November 2024 - 10.40 Wib)