Bontean Sibolga
Bontean Sibolga, na maringanan di Kota Sibolga, Sumatera Utara, ima sala sada bonetan na strategis di Indonesia. Bontean on do pe mandalani pembangunan balga, na sae di taon 2019, jala diresmihon Presiden Joko Widodo tanggal 17 Maret 2019. marihut on i ma piga-piga isurirang ringkot Olap bontean Sibolga.
Pasilitas
[patota | patota mualna]- Dermaga : Bontean Sibolga dilongkapi dohot dermaga na serbaguna, ganjang na 153 meter jala bidangna 31,5 meter na boi manampung opat kapal na balga sahat tu 6.000 GT balga na.Total ganjang ni tambatan on sahat tu 450 meter.[1]
- Container Yard : Tardapot do alaman panumpukan wadah na markapasitas 20.000 TEUs sataon na manggalang siulaon pamuatan dohot pambongkaran.[1][2]
- Terminal Panimpang : Terminal panumpang na modern on adong dua lante jala boi do di isi 500 halak. Pasilitas di son pe dipaihut rap dohot luas atap na 2.786 meter persegi.[1]
- Paralatan Bongkar Muat : Bontean on dilengkapi dohot ulaula derek na markapasitas 40 ton asa boi lam denggan mamuat dohot mambongkar.
- Dermaga Multipurpose : Dermaga on marganjang total 153 meter dohot bidang na 31,5 meter, dohot ganjang ni dermaga 405 meter. Dermaga on boi manampung opat kapal na balga na marukuran sahat tu 6.000 GT.
- Patoguhon Struktur : Pasilitas tambahan pe adong do patugohon tiang dohot lumba-lumba na marsusu laho mangolophon operasi bontean.[1]
Pangambangon
[patota | patota mualna]Pangambangan Bontean Sibolga dibuha sian taon 2016 jala martujuan laho paturehon pangurupion logistik dohot transportasi di luat i. Dung sidung pangambangan on, diharaphon boi do i mangurangi biaya logistik jala mangolophon partumbuhan ekonomi lokal dohot nasional. Mangihuthon laporan, godang ni kontainer pamuatan dohot pambongkaran di bontean on lam tamba sian 6.739 TEUs di taon 2017 gabe 7.105 TEUs di taon 2018 .[2][3]
Tu joloan on, Bontean Sibolga ndang holan mangurupi panumpang dohot mambagihon barang, alai direncanahon do muse laho pajongjonghon pasilitas bontean massal cair, na mambahan lam mura distribusi ni angka komoditas songon Minyak Sawit Mentah (CPO). Desain bontean na unik mambahen angka siulahon pamuaton, pambongkaron jala pangurupion panumpang boi marlangsung jonok, mangurangi tingki paimahon jala manambai hamenakon tu angka pamangke pangurupian.[3][4]
Bontean Sibolga diharaphon boi gabe ikon na imbaru tu Kota Sibolga jala mangolophon paningkatan di sektor pariwisata, padohot Kabupaten Tapanuli Tengah dohot Nias.[4]
Dampakna tu ekonomi lokal
[patota | patota mualna]Pangambangon Bontean Sibolga marpanghorhon do tu ekonomi lokal dohot daerah. Di toru on ma pigapiga aspek ni panghorhon on:
Paningkatan Kapasitas Logistik
- Episiensi Biaya : Dohot pasilitas na imbaru i, diharphon do Bontean Sibolga on boi mangorui ongkos logistik, di najolo gabe pangambati tu angka parlakku usaha lokal.On mambahen lam tamba daya saing ni produk lokal di pasar nasional dohot internasional.[3][5]
- Paningkatan Volume Bongkar Muat : Dung di parluas, kapasitas pamuatan dohot pambongkaran konteiner martamba sian 7.000 TEUs gabe 20.000 TEUs sataon, mambahen godang barang na boi di perdagangkon. Di taon 2018, godang ni pamuatan dohot pambongkaran sahat tu 7.105 TEU, na patuduhon hasil na denggan.[5]
Pangambangon Sektor Wisata
- Pintu Herbangan Wisata : Bontean on marpotensi gabe ikon na imbaru tu Kota Sibolga dohot mangolophon sektor pariwisata. Dohot desain na modern na mamboan guitan etnik, bonetan on boi manarik lobi godang turis tu luat i, na mardampak denggan tu ekonomi lokal.[6][3]
- Aksesibilitas : Pasilitas terminal panumpang na dumenggan boi mambahen lam denggan aksesibilitas ni angka wisatawan, mambahen sibolga gabe tujuan na lam manarik.[7]
Songkongan tu Sektor Perikanan
- Tamba ni Paningkatan Hasil Perikanan : Bontean Sibolga ditanda gabe posuk siulaon ekspor-impor komoditas perikanan.Dohot pasilitas na imbaru boi do lam denggan diulahon pembagian hasil perikanan, mangolophi pandapotan ni angka nelayan dohot industri na mardumo tusi.[5][6]
- Pangambangon Komoditas Imbaru : Rencana laho pajongjonghon pasilitas tu bontean massal cair pe boi do mangurupi parbagian ni angka komoditas songon Minyak Sawit Mentah (CPO), na pagandahon potensi ekspor ni luat on.[7]
Panopaon adaran Karejo
- Peluang Kerejo na Baru: Dohot tamba ni siulaon di bontean, diperkirahon adong do panompaon ni angka adaran karejo na imbaru di sektor transportasi, logistik dohot pariwisata, na mambahen lam moru angka pengangguran di luat i.[6][3]
Haunggulon
[patota | patota mualna]- Desain na Umuli : Bontean Sibolga mandapot panghargaan desain bontean na umuli di Asia Pasifik. Desain on padomuhon inganan pamuatan dohot pambongkaran dohot terminal panumpang dohot cara na efisien, meminimalhon interaksi holangholang na dua i laho manuhe hadameon dohot hamenakon.[8]
- Pasilitas Modern : Dohot pambangunan dermaga serbaguna na ganjangna 153 meter dohot terminal panumpang na boi manampung sahat tu 500 halak, bonetan on dilengkapi dohot prasarana na mangalophi marbagai siulaon logistik dohot transportasi.[7]
Pustaha
[patota | patota mualna]- ↑ 1.0 1.1 1.2 1.3 Kompas (18 Maret 2019).Ini Tampilan Pelabuhan Sibolga yang Diklaim Terbaik se-Asia Pasifik portal kompas.com diakses pada 18 November 2024
- ↑ 2.0 2.1 Direktorat Jendral Perhubungan Laut (12 Februari 2019). PENGEMBANGAN PELABUHAN SIBOLGA SELESAI DAN SEGERA MELAYANI MASYARAKAT 1 portal dephub.go.id diakses pada 18 November 2024
- ↑ 3.0 3.1 3.2 3.3 3.4 Direktorat Jendral Perhubungan Darat.Pelabuhan Sibolgaportal dephub.go.id diakses pada 18 November 2024
- ↑ 4.0 4.1 Kementerian Perhubungan Republik Indonesia (16 Maret 2019).Tinjau Pelabuhan Sibolga, Menhub: Ini Pelabuhan Terbaik di Bagian Barat Sumatera portal kemenhub.go.id diakses pada 18 November 2024
- ↑ 5.0 5.1 5.2 Tempo(18 Maret 2019). Diresmikan Jokowi, Begini Fasilitas Pelabuhan Sibolga Saat Ini portal tempo.co diakses pada 18 November 2024
- ↑ 6.0 6.1 6.2 Sibolgakota.Potensi Ekonomiportal sibolgakota.go.id diaskes pada 18 November 2024
- ↑ 7.0 7.1 7.2 Kementerian Perhubungan Republik Indonesia (16 Maret 2019). Tinjau Pelabuhan Sibolga, Menhub: Ini Pelabuhan Terbaik di Bagian Barat Sumatera portal dephu.go.id diakses pada 18 November 2024
- ↑ Media Indonesia(17 Maret 2019).Desain Pelabuhan Sibolga Terbaik se-Asia Pasifikportal mediaindonesia.com