Bontean Simanindo
Bontean Simanindo i ma sala sada bontean tunggul na maringanan di Desa Simanindo, Kabupaten Samosir, Sumatera Utara. Bontean on marpungsi ansiat akses (dalan) transportasi na ringkot tu Polu Samosir dohot maragam objek wisata di lambung ni Tao Toba.
Pasilitas
[patota | patota mualna]Bontean Simanindo dipasingkop dohot angka pasilitas modern na mangolophon hamenakon panumpang. Piga-piga sian pasilitasi i, i ma :
- Anjungan Listrik Mandiri (ALMA) : Diresmihon di bulan Mei 2022, ALMA paradehon sumber ni listrik na margogo 23 KVA tu Kapal tingki marlabuh, songon ni nang haporluon ni listrik dermaga dohot masarakat na humailang. On ma sada langka na ringkot laho mangolophon listrik di sektor maritim dohot pariwisata.
- Paningkatan Dermaga : Tahi laho padengganhon dermaga i, i ma mambahen harbangan, papan sulusulu, paturehon godung ruang paimahon, dohot mencat dermaga i. On martujuan laho manambai hamenakon dohot parhorasan ni panumpang.
- Ruang Paimahon dohot Toilet : Nunga di parade pasilitas ruang lao paimahon na menak dohot toilet na laho tu paturehon bitik ni panumpang tingki paimahon paborhatann ni kapal.
- Lampu Dermaga Wisata : Pamasangan lampu di dermaga martujuan laho manambahi hadameon dohot hamenakon tingki borngin ni ari.
- Inganan Panduduran Lobilobi : Pasilitas na di bahen laho mangaramoti haiason humailang di bontean.
- Terminal Panumpang : Boi manere arus panumpang.
- Mushola : Pasilitas maribadah tu angka panumpang.
- Ruang Hasehaton : Di manangani haadongon darurat hagompison.[1][2]
Pembangunan Bontean
[patota | patota mualna]Proses pembangunan Bontean Simanindo sian taon 2017 sahat tu sae, adong do piga-piga tahapan na dibahen laho paturehon pasilitas pangurupion dohot hadameon di luat Tao Toba. Di toru on ma rincian prosesna:
2017 : Partahian dohot Mula Pembangunan
- Boaboa Proyek : Di taon 2017, Kementerian Perhubunngan (Kemenhub) mambahen boaboa tahian laho pamajuhon angka bontean, tarmasuk Bontean Simanindo, songon jambar ni ulahon lao paturehon konektivitas di luat Stategis Pariwisata Nasional (KSPN) Tao Toba. Padengganan on tarmasuk do i mambahen lam denggan dermaga dohot pasilitas penyebrangan.
- Pembangunan Pasilitas : Tahi di mula mambahen herbangan, papan sulusulu, padengganhon ruang lao paimahon, dohot mengecat dermaga.[1][3]
2018-2021 : Pembangunan Marundutundut
- Revitalisasi Dermaga : Di periode on, piga-piga dermaga di humaliang ni Tao Toba dipangolu muse, tarmasuk ma i Simanindo. Proyek on martujuan laho paturehon infrastruktur di bontean asa lam dame jala menak di angka panumpang.[3]
- Pangaradeon Kapal Imbaru : Asing ni bontean, kemenhub marinvestasi di bagas pangadongon kapal na imbaru laho paturehon pangurupion transportasi. Di taon 2021, diresmihon ma opat kapal feri laho mangurupi rute di Tao Toba, tarmasuk na maroperasi sian Bontean Simanindo.[4]
2022 : Pasaeon dohot Pangojakan
- Pangojakon Pasilitas : Di bulan pebruari 2022, Presiden Joko Widodo maresmihon Bontean Simanindo rap dohot onom bontean na asing di luat Tao Toba. Pangojakan on gabe tanda sidung ni pembangunan pasilitas na direncanahon jala dipanjongjong saleleng pigapiga taon na salpu.[4]
- Paningkatan Pangurupion : Dohot pasilitas na baru jala kapal na lobi modern, Bontean Simanindo boi mangalehan pangurupan lobi denggan tu angka masarakat dohot wisatawan, jala mangolophon partumbuhan pariwisata di luat i.
Dalan Transportasi
[patota | patota mualna]Bontean Simanindo pe gabe titik parmulaan ni pigapiga jalur kapal feri, na manghubunghon marragam luat di humailang ni Tao Toba. Sala sada dalan na baru na di bahen ima rute Tongging-Silalahi-Simanindo, na martujuan manambai aksesibiltas jala mangolophon pariwisata di luat i. Kapal Motor Panumpang (KMP) songon jurungjurang dohot Asa asa na mangurupi rure on dohot denggan. malehan hamuraon tu wisatawan dolok halak na tading di si.[5] Di toru on ma dalan ni kapal na adong:
Simanindo - Tigaras
- Kapal na mangurupi : KMP Sumut I dohot KMP Sumut II
- Perekuensi : Ganup jom, dohot 12 pardalanan ganup ari. Di ari libur dohot akhir pekan, boi tamba godang pardalana gabe 14 pardalanan
- Jadual Haborhaton Sian Simanindo : jom 07.00 WIB sahat tu 19.30 WIB dohot panambahan haborhaton di botari di akhir pekan.[6]
Simanindo - Silalahi - Tongging
- Kapal na mangurupi : KMP Jurung-Jurung dan KMP Asa-Asa.[5]
- Jadual Haborhaton :
| Sian | Jom |
|---|---|
| Tongging tu Silalahi | 07.00 WIB |
| Silalahi tu Simanindo | 08.00 WIB |
| Simanindo tu Silalahi | 12.00 WIB |
| Silalahi tu Tongging | 16.00 WIB |
Baktiraja - Sipinggan
Dalan on pe dibungka laho manambai aksesibilitas antar luat on dohot mangolophon pariwisata di Tao Toba.[5]
Pariwisata
[patota | patota mualna]Alana bagian sian Kawasan Pariwisata Nasional (KSPN) Tao Toba, Bontean Simanindo dohot marperan ringkot laho manambai lonsam tandangan wisatawan tu objek wisata na humailang. Songkongan sian pamarentah daerah pe mansai ringkot dibagasan pangombangon bontean on asa boi memaksimalhon potensi pariwisata.[5][7]
Pustaha
[patota | patota mualna]- ↑ 1.0 1.1 Antara sumut (12 Mei 2022). Pelabuhan Simanindo Samosir dilengkapi anjungan listrik mandiriportal antaranews.com diakses pada 18 November 2024
- ↑ Kabupaten Samosir (11 Mei 2022).BUPATI SAMOSIR RESMIKAN PENYALAAN ANJUNGAN LISTRIK MANDIRI (ALMA) PELABUHAN SIMANINDOportal samosirkab.go.id diakses pada 18 November 2024
- ↑ 3.0 3.1 Kementerian Perhubungan Indonesia (1 Juli 2018). 5 Dermaga Di Danau Toba Akan Di Revitalisasiportal dephub.go.id
- ↑ 4.0 4.1 Dinas Perhubungan Republik Indonesia (2 Februari 2022). Presiden Resmikan 7 Pelabuhan Penyeberangan dan 4 Kapal di Kawasan Danau Tobaportal dephub.go.id diakses pada 18 November 2024
- ↑ 5.0 5.1 5.2 5.3 Direktorat Jendral Perhubungan Darat (22 Maret 2024).Kabar Gembira! ASDP Buka Lintasan Baru Silalahi-Simanindo, Besok Pelayaran Perdanaportal dephub.go.id diakses pada 18 November 2024
- ↑ Detik sumut (4 Agustus 2024). Jadwal Penyeberangan Kapal Ferry di Danau Toba Agustus 2024 portal detik.com diakses pada 19 November 2024
- ↑ Direktorat Jendral Perhubungan Darat.Pelabuhan Danau Simanindoportal dephub.go.id diakses pada 19 November 2024