Boras

Boras manang Harbue (Indonesia: beras; Inggeris: rice) ima parbue ni eme naung dipurpur sian lapung na. Sara dipangke mamurpur parbue sian lapungna boi diduda dibagasan losung, sanga di jaman sonari umbahatan digiling mamangke mesin panggiling eme.

Boras hatopanna sada suansuanan na sahali tubu, molo dung dipanen, dang boi dipanen be padua halina, molo di hata bahasa Indonesia didokma i tumbuhan semusim manang tanaman tahunan. Timbo ni eme boi sahat 1 - 1,8 meter. Bulungna ganjang dohot lihi, ganjangna boi 50 – 100 cm dohot bidangna 2 - 2,5 cm. Boras na somal gabe sipanganon ima ganjangna 5 – 12 mm dohot hapalna 2 – 3 mm.

Anatomi ni boras[patota | patota mualna]

Molo dibasan parsiajaran biologi, boras tarmasuk biji ni eme. Turpuk ni boras ima:

Aleuron, lapis ruar ni boras, jotjot tarambolonghon tingki dipurpur,
Endosperma, inganan ni pati dohot protein ni boras,
Embrio, nagiot gabe eme naimbaru, embrio ni boras dijou mata beras.

Ragam dohot uarna ni boras[patota | patota mualna]

Uarna ni boras marragam-ragam somalna alani genetik, beda gen na mangatur uarna aleuron ni boras, uarna endospermia, dohot komposisi pati na adong di endospermia eme. Angka ragam ni boras na somal adong di Indonesia, ima:

Boras nabontar (Beras putih). Boras on sarupo tu goarna, uarna ni boras on ima nabontar, adong saotik aleuron, kandungan amilosa na hira-hira 20%. Boras na songon on ma nabahat dipangke jolma jala bahat dijual di onan (pasar).
Boras narara (Beras merah). Boras narara on adong aleuronna, gen mamproduksi antosianin haroro ni uarna narara manang ungu.
Boras nabirong (Beras hitam). Boras nabirong on pala lingka. Haroro ni uarna na birong, alana aleuron dohot endospermia bahat mamproduksi antosianin ima mambahen uarna ni boras on gabe ungu haira nabirong.
Sipulut (Ketan) manang boras sipulut. Uarna ni sipulut ima nabontar, dang transparan, hampir sude pati ni boras on bagian ni amilopektin.
Sipulut na birong (Ketan hitam), ima boras sipulut na birong uarna na.

Produksi boras indonesia (bilangan ribuan ton)[patota | patota mualna]

Produksi boras diprediksi 63,2% sian produksi Gabah Kering Giling (GKG):

Tahun	Produksi (kilo ton)	Taon	Produksi (kilo ton)	Taon	Produksi (kilo ton)	Taon	Produksi (kilo ton)
1983	25.932	1992	31,356	2001	31,891	2009	40,656
1984	24,006	1993	31,318	2002	32,130	2010	42,43**
1985	26.542⁺	1994	30,317	2003	32,950	2011	41,32 ^[1]
1986	27,014⁺	1995	32,334	2004 ^[2]	33,490	2012	43,6 ^[3] / 40 ^[4]
1987	27,253⁺	1996	33,216	2005	34,120	2013	41
1988	28,340	1997	31,206	2006	34,600⁺	2014	41
1989	29,072	1998	31,118	2007	36,970⁺^§	2015	43
1990	29,366	1999	31,294	2008	38,078⁺^#	2016	46
1991	29,047	2000	32,130	2008	40,34^*	2017	47,29⁺^[5]

10 besar nagara produksi eme 2018[patota | patota mualna]

Produksi eme per nagara — 2018 (ton)^[6]
Sina	214.078.796
India	172.580.000
Indonesia	83.037.000
Bangladesh	56.417.319
Pietnam	44.046.250
Thailand	32.192.087
Myanmar	25.418.142
Pilipina	19.066.094
Brasil	11.749.192
Pakistan	10.802.949
Sumber: fao.org^[7]