Buhit Lawang

Bodat di Buhit Lawang - Taon 2016

Buhit Lawang ima sada sada inganan na adong di Porlak Nasional Dolok Lauser, di Kecamatan Bahorok, Kabupaten Langkat , Provinsi Sumatera Utara. Na umbahen Buhit on gabe asing sian akka na asing, ima hahaadongan ni sada binatang naung langka alani saotik nama haadongan na di Portibi on on, ima Bodat Sumatra. Ha adongan na nungga lam otik, ala godang jolma na mamburu binatang on.

Inganan ni Buhit Lawang

Buhit Lawang maringanan di Huta Bahorok, di Langkat, dao na hira hira mar 80 sahat tu 90 kilometer molo sian kota Medan, hira hira 2,5 jom ma Sian kota Medan, jala mar 3 jom ma molo sian Bandara Kuala Namu.

Na adong dibagasan Buhit Lawang

Lubang ni Haluang di Buhit Lawang

Molo taringot tu hahaadongan dibagasan inganan on, tung marragam do na boi si idaon, songon Bodat Sumatera, Inganan Mar Arum Jeram, mangida Haluang, Mangida akka Bunga naung otik di portibi, dohot mar borgin dibagasan Tenda.

Akka jolma na ro tu inganan on, tarlumobi ma akka na ro sian huta naribur, tung massai las si tutu do rohana di inganan on, ala gok do na so boi di ida di kota, boi ta ida di inganan on, songon Haluang, adong do sada sada inganan di Buhit Lawang on, ima Lubang Ni Haluang, Molo lao hita tu inganan on, boi do ta ida adong sape mar ribu ribu haluang na margantuangan di lubang na i, molo pas tikki na, boi ma taida akka haluang i marhabangan, tottu on sada sada tikkin na jarang do dapot ta, alai tutu lao mangida i, ikkon barani do dirinta, adong do piga piga jolma gabe mabiar molo mangida haluang na habang mar ribu ribu godang na.

Longsor dohot Banjir di Buhit Lawang

Sunge Bahorok

Barita dok ni roha taringot tu inganan Buhit Lawang ima na adong di taon 2003 naung salpu, adong do 240 halak na modding di tikki i, mar 1.400 halak na hamagoan jabu alani namasa di tikki i. Godang do anggar anggar na madok, haroro ni banjir dohot longsor namasa i, ima alani godang ni akka namanaba akka hau na di harangan naso adong izin na.

Banjir on ima na di tanggal 2 bulan sabolas taon 2003 borngin, adong na maddok, haroro ni banjir i, alani naung tikki na do, alai godangan do muse akka jolma na mandok, dang gabe adong na masa molo so adong ula ula naso denggan na binahen ni akka jolma, gok do maddok alani akka na manaba hau na di harangan do umbahen gabe masa akka na masa i.

Sigararon na biasa di Buhit Lawang

Buhit Lawang marbukka do tiap ari, mulai ari senen sahat tu ari minggu, mulai jam 07.00 sahat tu 16.00 WIB. Nion ma piga piga boa boa taringot tu balga ni sigararon di Buhit Lawang, songon uang masuk, marborngin, dohot akka na asing na porlu ta boto :

Sigararon Laho Masuk

• Laho masuk di ari biasa par Bangsong Indonesia : Rp. 5.000 / sada jolma
• Laho masuk di ujung ni minggu par Bangsong Indonesia : Rp. 7.500 / sada jolma
• Laho masuk di ari biasa par Bangsong Na asing: Rp. 150.000 / sada jolma
• Laho masuk di ujung ni minggu par Bangsong Na Asing: Rp. 225.000 / sada jolma

Bodat di Pinggir ni Sunge di Buhit Lawang

Singararon Parkir

• Parkir kareta (Na Dua Ban na) di ari biasa : Rp. 2.000
• Parkir kareta (Na Dua Ban na) di Ujung ni Minggu : Rp. 5.000
• Parkir Motor (Na Opat Ban na), Bus (Na onom manang lobi sian onom ban na) di ari biasa : Rp. 5.000
• Parkir Motor (Na Opat Ban na), Bus (Na onom manang lobi sian onom ban na) di Ujung Ni Minggu : Rp. 10.000

Sigararon Mar Borngin i Tenda

• Na Somal (Umum) : Rp. 5.000 / Sadari
• Rombongan : Rp. 2.500 / Sadari

Sigararon Na asing

• Mangida Lubang / Gua di Ari Biasa : Rp. 5.000
• Mangida Lubang / Gua di Ujung ni Minggu : Rp. 10.000
• Mangida Satwa Liar di Ari Biasa  : Rp. 15.000
• Mangida Satwa Liar di Ujung ni Minggu : Rp. 25.000

Piga piga gombar taringot tu Buhit Lawang

• 
  Wisata aek di Buhit Lawang
• 
  Bodat di Buhit Lawang
• 
  Bunga Asok di Buhit Lawang
• 
  Borong borong di Buhit Lawang
• 
  Satwa di Buhit Lawang
• 
  Gua di Buhit Lawang

Pranala Ruar

• Jadesta.com
• Detik Sumut
• BukitLawang.com
• BukitLawangTrust.org