Jump to content

Buku 3 Johannes

Sian Wikipedia

3 Johannes ᯐᯂᯉ᯲ᯉᯘᯩ᯲ 1[patota | patota mualna]

1:1 Ahu surat ni sintua i mandapothon si Gayus, haholongan i, na huhaholongi situtu. ᯀᯂᯮ ᯘᯮᯒᯖ᯲ ᯉᯪ ᯘᯉᯪ᯲ᯖᯮᯀ ᯤ ᯔᯉ᯲ᯑᯇᯖᯬ᯲ᯂᯉᯬ᯲ ᯘᯪ ᯎᯛᯘᯮ᯲ ᯂᯂᯬᯞᯬᯝᯉ᯲ ᯤ ᯉ ᯂᯮᯂᯂᯬᯞᯬᯝᯪ ᯘᯪᯖᯮᯖᯮ

1:2 Ale anggia, sandok dipangido rohangku, naeng horas ho jala hipas, hombar tu horas ni tondim! ᯀᯞᯩ ᯀᯰᯎᯪᯀ ᯘᯉ᯲ᯑᯄ᯦ᯬ᯲ ᯑᯪᯇᯝᯪᯑᯬ ᯒᯬᯂᯰᯄ᯦ᯮ ᯉᯀᯰᯩ ᯂᯬᯒᯘ᯲ ᯂᯬ ᯐᯞ ᯂᯪᯇᯘ᯲ ᯂᯔᯬ᯲ᯅᯒ᯲ ᯖᯮ ᯂᯬᯒᯘ᯲ ᯉᯪ ᯖᯉᯬᯑᯔᯪ᯲

1:3 Tarhilas situtu do rohangku, di na ro angka dongan i mangkatindangkon hasintongan na di ho ro di parangem, na di bagasan hasintongan. ᯖᯒ᯲ᯂᯪᯞᯘ᯲ ᯘᯪᯖᯮᯖᯮ ᯑᯬ ᯒᯬᯂᯰᯄ᯦ᯮ ᯑᯪ ᯉ ᯒᯬ ᯀᯰᯄ᯦ ᯑᯬᯝᯉ᯲ ᯤ ᯔᯰᯄ᯦ᯖᯉᯪ᯲ᯑᯰᯄ᯦ᯉᯬ᯲ ᯂᯘᯉᯪ᯲ᯖᯬᯝᯉ᯲ ᯉ ᯑᯪ ᯂᯬ ᯒᯬ ᯑᯪ ᯇᯒᯝᯔᯩ᯲ ᯉ ᯑᯪ ᯅᯎᯘᯉ᯲ ᯂᯘᯉᯪ᯲ᯖᯬᯝᯉ᯲

1:4 On do las ni rohangku na umbolon: Molo hubege, diparangehon angka anakkonku hasintongan i. ᯀᯉᯬ᯲ ᯑᯬ ᯞᯘ᯲ ᯉᯪ ᯒᯬᯂᯰᯄ᯦ᯮ ᯉ ᯀᯔᯮ᯲ᯅᯬᯞᯉᯬ᯲ ᯔᯬᯞᯬ ᯂᯮᯅᯩᯎᯩ ᯑᯪᯇᯒᯝᯩᯂᯉᯬ᯲ ᯀᯰᯄ᯦ ᯀᯉᯄ᯦᯲ᯄ᯦ᯉᯬ᯲ᯄ᯦ᯮ

1:5 Na denggan do pambahenmi, anggia, na tu angka dongan, nang tu angka tamue. ᯉ ᯑᯰᯩᯎᯉ᯲ ᯑᯬ ᯇᯔ᯲ᯅᯂᯉᯩ᯲ᯔᯪ ᯀᯰᯎᯪᯀ ᯉ ᯖᯮ ᯀᯰᯄ᯦ ᯑᯬᯝᯉ᯲ ᯉᯰ ᯖᯮ ᯀᯰᯄ᯦ ᯖᯔᯮᯀᯩ

1:6 Dihatindangkon nasida do holong ni roham, di jolo ni huria i. Denggan ma paborhatonmu nasida, marguru tu na tama di Debata. ᯑᯪᯂᯖᯉᯪ᯲ᯑᯰᯄ᯦ᯉᯬ᯲ ᯉᯘᯬᯑ ᯑᯬ ᯂᯬᯞᯰᯬ ᯉᯪ ᯒᯬᯂᯔ᯲ ᯑᯪ ᯐᯬᯞᯬ ᯉᯪ ᯂᯮᯒᯪᯀ ᯤ ᯑᯰᯩᯎᯉ᯲ ᯔ ᯇᯅᯒᯬ᯲ᯂᯖᯉᯬ᯲ᯔᯮ ᯉᯘᯪᯑ ᯔᯒ᯲ᯎᯮᯒᯮ ᯖᯮ ᯉ ᯖᯔ ᯑᯪ ᯑᯩᯅᯖ

1:7 Ai ala ni Goar i do nasida borhat; ndang adong dijalo nasida agia aha sian angka parbegu. ᯀᯤ ᯀᯞ ᯉᯪ ᯎᯬᯀᯒ᯲ ᯤ ᯑᯬ ᯉᯘᯪᯑ ᯅᯒᯬ᯲ᯂᯖ᯲ ᯉ᯲ᯑᯰ ᯀᯑᯰᯬ ᯑᯪᯐᯞᯬ ᯉᯘᯪᯑ ᯀᯎᯪᯀ ᯀᯂ ᯘᯪᯀᯉ᯲ ᯀᯰᯄ᯦ ᯇᯒ᯲ᯅᯩᯎᯮ

1:8 Dibahen i, tama ma hita manjangkon angka na songon i, asa gabe dongan pangula hita, pajongjong hasintongan i. ᯑᯪᯅᯂᯉᯩ᯲ ᯤ ᯖᯔ ᯔ ᯂᯪᯖ ᯔᯉ᯲ᯐᯰᯄᯉᯬ᯲ ᯀᯰᯄ᯦ ᯉ ᯘᯬᯝᯉᯬ᯲ ᯤ ᯀᯘ ᯎᯅᯩ ᯑᯬᯝᯉ᯲ ᯇᯝᯮᯞ ᯂᯪᯖ ᯇᯐᯰᯬᯐᯰᯬ ᯂᯘᯉᯪ᯲ᯖᯬᯝᯉ᯲ ᯤ

1:9 Hubahen do surat tu huria i; alai ndang dijangkon si Diotrepes hami, ai naeng ibana do na guminjang. ᯂᯮᯅᯂᯉᯩ᯲ ᯑᯬ ᯘᯮᯒᯖ᯲ ᯖᯮ ᯂᯮᯒᯪᯀ ᯤ ᯀᯞᯤ ᯉ᯲ᯑᯰ ᯑᯪᯐᯰᯄ᯦ᯉᯬ᯲ᯘᯪ ᯑᯪᯀᯬᯖ᯲ᯒᯩᯇᯘᯩ᯲ ᯂᯔᯪ ᯀᯤ ᯉᯀᯰᯩ ᯤᯅᯉ ᯑᯬ ᯉ ᯎᯮᯔᯉᯪ᯲ᯐᯰ

1:10 Dibahen i, anggo dung ro ahu, taringotanku ma pambahenna i, na niulana manihasnihasi hami marhitehite angka hata na roa. Jala ndang sombu dope rohana disi; ai laos so dijangkon do angka dongan i, diambat do angka na ringkot roha jala dipabali do sian huria. ᯑᯪᯅᯂᯉᯩ᯲ ᯤ ᯀᯰᯎᯬ ᯑᯮᯰ ᯒᯬ ᯀᯂᯮ ᯖᯒᯪᯝᯬᯖᯉ᯲ᯄ᯦ᯮ ᯔ ᯇᯔ᯲ᯅᯂᯩᯉᯉ᯲ᯉ ᯤ ᯉ ᯉᯪ ᯥᯞᯉ ᯔᯉᯪᯂᯘ᯲ᯉᯪᯂᯘᯪ ᯂᯔᯪ ᯔᯒ᯲ᯂᯪᯖᯩᯂᯪᯖᯩ ᯀᯰᯄ᯦ ᯂᯖ ᯉ ᯒᯬᯀ ᯐᯞ ᯉ᯲ᯑᯰ ᯘᯔᯬ᯲ᯅᯮ ᯑᯬᯇᯩ ᯒᯬᯂᯉ ᯑᯪᯘᯪ ᯀᯤ ᯞᯀᯘᯬ᯲ ᯘᯬ ᯑᯪᯐᯰᯄ᯦ᯉᯬ᯲ ᯑᯬ ᯀᯰᯄ᯦ ᯑᯬᯝᯉ᯲ ᯤ ᯑᯪᯀᯔ᯲ᯅᯖ᯲ ᯑᯬ ᯀᯰᯄ᯦ ᯉ ᯒᯰᯪᯄ᯦ᯖᯬ᯲ ᯒᯬᯂ ᯐᯞ ᯑᯪᯇᯅᯞᯪ ᯑᯬ ᯘᯪᯀᯉ᯲ ᯂᯮᯒᯪᯀ

1:11 Unang ihuthon na roa, anggia; na denggan i ma! Sian Debata do halak na mangulahon na denggan; ia siula na roa, ndang dung diida i Debata. ᯥᯉᯰ ᯤᯂᯖᯮ᯲ᯂᯉᯬ᯲ ᯉ ᯒᯬᯀ ᯀᯰᯎᯪᯀ ᯉ ᯑᯰᯩᯎᯉ᯲ ᯤ ᯔ ᯘᯪᯀᯉ᯲ ᯑᯩᯅᯖ ᯑᯬ ᯂᯞᯄ᯦᯲ ᯉ ᯔᯝᯮᯞᯂᯉᯬ᯲ ᯉ ᯑᯰᯩᯎᯉ᯲ ᯤᯀ ᯘᯪᯥᯞ ᯉ ᯒᯬᯀ ᯉ᯲ᯑᯰ ᯑᯪᯤᯑ ᯤ ᯑᯩᯅᯖ

1:12 Dapotan panindangion do si Demetrius sian saluhutna, nang sian hasintongan sandiri; songon i do nang sian hami, jala diboto ho do, na sintong do anggo panindangion na sian hami. ᯑᯇᯬᯖᯉ᯲ ᯇᯉᯉᯪ᯲ᯑᯝᯪᯀᯉᯬ᯲ ᯑᯬ ᯘᯪ ᯑᯩᯔᯩᯖ᯲ᯒᯪᯀᯘᯮ᯲ ᯘᯪᯀᯉ᯲ ᯘᯞᯮᯂᯖᯮ᯲ᯉ ᯉᯰ ᯘᯪᯀᯉ᯲ ᯂᯘᯉᯪ᯲ᯖᯬᯝᯉ᯲ ᯘᯉ᯲ᯑᯪᯒᯪ ᯘᯬᯝᯉᯬ᯲ ᯤ ᯑᯬ ᯉᯰ ᯘᯪᯀᯉ᯲ ᯂᯔᯪ ᯐᯞ ᯑᯪᯅᯬᯖᯬ ᯂᯬ ᯑᯬ ᯉ ᯘᯉᯪ᯲ᯖᯰᯬ ᯑᯬ ᯀᯰᯎᯬ ᯇᯉᯉᯪ᯲ᯑᯝᯪᯀᯉᯬ᯲ ᯉ ᯘᯪᯀᯉ᯲ ᯂᯔᯪ

1:13 Godang do nian sisurathononku tu ho; alai ndang une rohangku, manurat tu ho marhitehite tinta dohot panurat. ᯎᯬᯑᯰ ᯑᯬ ᯉᯪᯀᯉ᯲ ᯘᯪᯘᯮᯒᯖ᯲ᯂᯬᯉᯉᯬ᯲ᯄ᯦ᯮ ᯖᯮ ᯂᯬ ᯀᯞᯤ ᯉ᯲ᯑᯰ ᯥᯉᯩ ᯒᯬᯂᯰᯄ᯦ᯮ ᯔᯉᯮᯒᯖ᯲ ᯖᯮ ᯂᯬ ᯔᯖ᯲ᯂᯪᯖᯩᯂᯪᯖᯩ ᯖᯉᯪ᯲ᯖ ᯑᯬᯂᯖᯬ᯲ ᯇᯉᯮᯒᯖ᯲

1:14 Alai dihirim rohangku, naeng tibu ho idaonku, dung i mangkatai ma hita adop bohi be. ᯀᯞᯤ ᯑᯪᯂᯪᯒᯔᯪ᯲ ᯒᯬᯂᯰᯄ᯦ᯮ ᯉᯀᯰᯩ ᯖᯪᯅᯮ ᯂᯬ ᯤᯑᯀᯉᯬ᯲ᯄ᯦ᯮ ᯑᯮᯰ ᯤ ᯔᯰᯂᯖᯤ ᯔ ᯂᯪᯖ ᯀᯑᯇᯬ᯲ ᯅᯬᯂᯪ ᯅᯩ

1:15 Dame ma di ho! Na manongos tabi do tu ho angka dongan. Pasahat ma tabingku tu angka dongan sadasada! ᯑᯔᯩ ᯔ ᯑᯪ ᯂᯬ ᯉ ᯔᯉᯬᯝᯘᯬ᯲ ᯖᯅᯪ ᯑᯬ ᯖᯮ ᯂᯬ ᯀᯰᯄ᯦ ᯑᯬᯝᯉ᯲ ᯇᯘᯂᯖ ᯔ ᯖᯅᯰᯪᯄ᯦ᯮ ᯖᯮ ᯀᯰᯄ᯦ ᯑᯬᯝᯉ᯲ ᯘᯑᯘᯑ