Dolok Holbung

Dolok Holbung (Surat Batak: ᯑᯬᯞᯬᯂ᯲ᯂᯬᯞ᯲ᯅᯮᯰ ima sada inganan na gabe inganan sidalanon ni angka wisatawan jala di halomohon roha ni nasida, Dolok Holbung on maringanan di Huta Holbung, Kecamatan Sitiotio, Kabupaten Samosir, Sumatera Utara. Molo di ida sian na dao di tingki haroro pari udan, soi nama uli ni Dolok on, rata ma rupa na jala sonang ma pakkilalaan mangida dolok on.^[1]

Pardalanan laho tu Dolok Holbung

Taringot tu dalan, adong do piga piga barita na boi tabaen lao si ihuttononta asa boi sahat hita tu Dolok na uli on, on ma piga piga barita na

Sian Medan tu Kabenjahe, di patorus sian timpang Tele di Sidikalang
Sian Medan tu Siantar, di patorus tu Parapat, di Nunut tu Tomok

Wisata na boi di ulahon di Dolok Holbung

Molo mangkatai wisata, tontu ma ingkon adong na boi si ulahononton di luat na aneng si dalanon ta, Molo di Dolok Holbung, on ma piga piga na somal di ulahon angka wisatawan na ro tu luat i, Mannake dolok, ima na parjolo, sian angka piga piga naro, gumodang ma nasida ro tu Dolok Holbung on na aneng mannakke dolok, alani rupa ni dolok on dang pala tongam jala tabo do lao nakkeon, ido umbaen godang angka jolma na marlomo ni roha mannakke dolok, ro tu Dolok Holbung on.

Napaduahon, marborngin pake tedda, Dolok holbung on tung mansai tabo do dibahen gabe sada inganan lao modom di tingki loja pikkirian alani parkarejoan, sonang ma pikkirian alani bagak ni si idaon disi, songoni nang alani tonang na molo morborngin hita disi dibagasan tenda, godang do na ro sian angka huta na ribur laho modom dibagasan tenda di dolok holbung on. Alai sahat tu nuaeng, bulan sabolas taon 2024 on, dang dope piga halak na pasewahon angka alat alat tenda di luat on, asa tonang na aneng modom di dolok on, bagak ma molo diboan sandiri angka nahombar tu na aneng marulaon marborngin di dolok holbung on.^[2]

Sigararon molo tu bagasan Dolok Holbung

Molo taringot tu sigararon, boi dohonon lao tu bagasan Dolok Holbung on, ura do. On do muse umbahen gabe lam godang angka jolma na marwisata ro tu Dolok Holbung on, bagak do inganan na, hape ura do gararon. On ma boa boa taringot tu Sigararon molo masuk hita tu Dolok Holbung :

Tikket hubagas sada Jolma : Rp. 5.000
Hepeng Parkir ni Kareta (Na dua ban na) : Rp. 5.000
Hepeng Parkir ni Motor (Na opat ban na) : Rp. 10.000
Molo Marborngin ibagas tenda Jala ro Markareta : Rp. 10.000
Molo Marborngin ibagas tenda jala ro marmotor : Rp. 20.000. ^[3]

Wisata laho margombar gombar

angka na marnolo ni roha tu na margombar gombar, Dolok Holbung on ma sada sian angka na adong laho inganan margombar gombar, unang dang i dihot hamu mabboan HP manang kamera munang, asa boi tamas molo aneng margombar gombar, gok do inganan na bagak di Dolok Holbung on lao margombar gombar, molo pas tingki na, boi ma hamu margombar gombar di pudi muna angka duhut na rata jala uli. Boi do muse hamu margombar gombbar di si, mamudihon Tao Toba na mambahen gombar muna lam bagak.

Hea Gabe Inganan masuting pilim

Adong do sada Pilim na goar ni pilim i "Ngeri - Ngeri Sedap" ima pilim na marseritahon sada angka na sajabu na maringanan di luat jonok ni Tao Toba. Godang do mar marnolo ni roha mangida Pilim i, taringot tusi, Pilim i di suting nasida ma di Dolok Holbung on.^[4]