Dolok Sibayak

Dolok Sibayak (Bahasa Batak Karo: Deleng Sibayak) ima sada dolok na maringanan di Kabupaten Karo, Sumatera Utara, Indonesia. Molo di Halak karo jotjot do di dok nasida maddok goar ni Dolok on, Dolok Raja.^[1]^[2] Dolok Sibayak on ima dolok marapi, jala na hea di boto, mapultak ma on hira hira di na taon 1881 Masehi, Inganan na hira hira mar 50 kilometer ma sian Kota Medan.

Pardalan laho tu Dolok Sibayak

Molo aneng sahat tu inganan on molo sian Kota Medan, dao na hira hira dua jom pardalan, dalan laho masuk ima sian Huta Berastagi na di Kabupaten Karo, Molo sian Huta Berastagi, mar 1,5 kilometer nai ma pardalan asa sahat tu dalan lao manakke Dolok Sibayak, Leleng ni manake Dolok on, somal na 2 sampe 3 jom ma asa sahat. Jala adong do dibahe piga piga aturan taringot tu akka na aneng ro manakke Dolok on, ima aturan ni pamarettea marhite punguan Pokdarwis na manguluhon molo adong akka na ro tu inganan on. Nion ma aturan atur na di baen nasida :^[3]

Na boi dohot Mannake Dolok saotik otik na marumur 17 taon

Molo aneng dohot mannake Dolok Sibayak on, saotik otik na ikkon naung mar umur 17 taon, alai molo tung pe dang dope 17 taon boi dohot alai ikkon di dongani natoran na manang adong pemandu na namadongani, dihaen pe aturan on laho manjaga asa unang adong namasa naso dihalomohon ni roha.

Mabbayar Pendaftaran Laho Manake

Akka jolma manang wisatawan na ro na aneng mannake, Mabbayar ma nasida Rp. 10.000 sahalak jolma (Molo Wisatawan Lokal), jala Mabbayar ma Rp. 25.000 Molo Wisatawan sian Bangso na asing, di ruar ni i, mabbayar parkir do muse, Rp. 15.000 Kareta (Na dua ban na) dohot Rp. 20.000 na marmotor (Na opat Ban na).

Inganan Wisata Populer

Boi di dok, gumodang an do akka na marwisata tu Dolok on daripada Dolok Sinabung, alai nang pe songoni ikkon do sai tong majjaga diri molo aneng mannake dolok on, dang na piga piga hali be adong jolma na ro tu Dolok on, alai dang boi mulak jala dang habotoa tudia lao na, ala mago.^[1]

Molo di tanggal 17 Agustus, ima di hari merdeka ni Bangso Indonesia, jotjot do dibaen ulaon mannake di son, ima na di uluhon Pokdarwis, on do muse umbahen lam godang akka jolma na ro tu inganan on.^[4]

Piga piga gombar ni Dolok Sibayak

Dolok Sibayak - Kabupaten Karo
Dolok Sibayak di ida sian Sidebuk-debuk
Dolok Sibayak
Gombar ni Dolok Sibayak Taon 2009

Pranala Ruar

Pustaha

[:0-1] 1.0 ^1.1 https://www.inilah.com/mengenal-gunung-sibayak-fakta-menarik-hingga-jalur-pendakian

[2] ttps://www.detik.com/sumut/wisata/d-7204674/gunung-sibayak-3-jalur-pendakian-dan-fakta-menariknya

[3] ttps://www.liputan6.com/lifestyle/read/5425029/6-fakta-menarik-gunung-sibayak-di-sumatera-utara-yang-belum-meletus-lagi-setelah-400-tahun?page=4

[4] ttps://www.liputan6.com/regional/read/5340422/mengupas-sejarah-tersembunyi-gunung-sibayak-hingga-menjadi-wisata-populer?page=2

[1]

[2]

[3]

[4]