Gareja Maria Annai Velangkani

Gareja Maria Annai Velangkani

Gareja Maria Annai Velangkani ima sada Gareja na adong di Porlak Sakura Indah, di Tanjung Selamat Medan, Sumatera Utara, Indonesia, na di bahen ima na di taon 2005 naung salpu.

Rupa ni Gareja

Ta ida sian rupa ni Gareja, molo Gareja Maria Annai Velangkani on songon na pulik do rupa na dohot akka gareja somal na, ia molo gareja on ima na di pa domu do arsitektur ni bagunan Indo-Mughal, akka simbol ni haporseaon godang do adong di bagunan ni gareja on, songon na homi jala sangap do molo bagunan ni gareja on. Pastor James Bharataputra S.J ima pastor na nuaeng manguluhon gareja on manghalohon gareja on gabe gareja na "Merdeka" na lao pabaritahon barita taringot tu Jesus dohot Devosi tu inang si Maria. Di haroppon roha ni Pastor James do asa sude jolma, na mora nang na pogos, sian bangso manang aha pe taho, dohot sian agama aha pe taho mandok Gareja on gabe "Jabu" lao mangalului ha dameon, pagobation dohot mangalului Tuhan.

Gok Ni Hepeng lao Mabbaen Gareja

Gombar ni Gareja Maria Annai Velangkani di Medan

Songon nipi alai dang nipi, dang adong na boi na aneng lao di anggar hon di tikki aneng pambagunan ni gareja on, alai Tuhan do na karejo di tikki na aneng makkarejoi bagunan ni gareja on, ai so adong manang ise na boi dianggar hon taringot tu parhepengon, manang jolma na boi mabbaen gombar ni bagunan, so adong kontraktor na balga na maniop pambangunan ni bagunan on, holan sahal jolma do tikki i na mangalean diri na dang pala di garar lao makkarejohon struktur dohot paniroi pambangunan ni gareja on, ima sahalan Insiniur Katolik na margoar Dr. Ir. Johannes Tarigan.

Parjolo sahali, di tikki aneng di baen bagunan ni gareja on, hepeng na adong ima $ 12,000, alai dang marnaso hepeng na ro ima na laho di pakke mabbaen bagunan ni gareja on, sahat tu rodi na sae bagunan on, hira hira mar $ 500,000 ma godang ni hepeng na habis, molo di hepeng ni Bangso Indonesia hira hira mar Rp. 4 milliar ma i sude. Molo di paetong etong do nian, 4 Milliar i hepeng na otik do i molo taringot tu balga ni bagunan ni Gareja on, alai ima basa baga ni Tuha, boi do sukkup hepeng i sampe tu sae pambangunan ni Gareja on. Ia dung sae pambangunan ni gareja on, hepeng na ro pe di pas ma, jala dang be di jalo. Sian hepeng na $ 500,000 i manang Rp. 4 Milliar i, 60% ma i haroro na sian Donatur ni Bangso Indonesia, 10% ma i sian India, Singapura dohot Malaysia, jala 30% nai, ima sian keluarga ni halak cina na maringanan di Singapura, amang Philip Tong Guan Beng & Grace Tong-Lam Chi Lian.

Daptar Pustaha

• VenengKanni.com - Sejarah Kami - (Diida: 27 November 2024 - 15.56 Wib)