Geopark Kaldera Toba

Geopark Kaldera Toba ima sada tading tading ni portibi on naung di akkui sada punguan na balga, ima punguan na margoar The United Nations Educational Scientific And Cultural Organization molo dibahasa bangso Inggris, manang jotjot ma idok goar ni punguan on UNESCO, diakkui nasida ma inganan on mulai 21 bulan walu taon 2020 naung salpu.

Hata Kaldera

Somal na Molo idok Kadera, ima sada inganan lubang na balga hahaadongan na alani dolok api na mapulta gabe marlubang ma inganan i, jala somal na muse, olo do sahat bagas ni lubang i sampe mar 2 kilometer. Molo di Bangso Indonesia, adong do piga piga Kadera, alai sampe hu nuaeng Kadera na umbalga sian akka na asing na adong ima Kadera Toba.

Sarita hahaadongan ni Kaldera Toba

Molo taringot tu hahadaongan ni Kaldera Toba, ikkon takkasa do ta hatahon hata manang barita na boi sitiopon ni akka jolma na adong di portibion, Barita taringot hahaadongan ni Kaldera Toba, adong do sarita ni akka bangso batak na sarita na holan mitos sajo. Molo taringot tu akka barita sarita ni akka siboto bukku, Kaldera Toba on adong ma alani Na pultak do Dolok Toba sampe tolu hali, Parpultak ni Dolok Toba na parjolo, gabe ma i sada kaldera na nuaeng di dok Kaldera Porsea, mangihut ma muse par pultak ni na paduahon, Gabe ma i Kadera Haranggaol, jala di uduti ma muse Parpultak ni na patoluhon, jala gabe ma i Kadera Sibandang.

Akka barita on, di parsiajari akka sibotosa sutar ma, ima Knight on di taon 1986, jala adong muse si boto surat na margoar Rose di taon 1991^[1]

Kaldera Porsea

Kaldera Porsea, manang idok ma on di bahasa Inggris: Old Toba Tuff (OTT), ima parpultak ni Dolok Toba na parjolo, hira hira 800.000 sahat tu 900.000 taon naung salpu, ima na gabe Kadera di Anggoni ni Tao Toba, dohot ma i dibagas na huta Parapat nang Huta Porsea, on ma na i dok na Kaldera Porsea. Bolak ni kaldera on, sahat ma hira hira 1.220 Km na maringanan di Kabupaten Tobasa, Tapanuli Utara, dohot Kabupaten Simalungun.

Kaldera Haranggaol

Par Pultak Ni Dolok Toba na paduahon, hira hita 500.000 taon naung salpu, di dok ma muse on di bahasa Inggris: Middle Toba Tuff (MTT), bolak na hira hira 585,6 km, dibagasan ni Kabupaten Simalungun, Karo nang dohot Kabupaten Dairi, ima na di Huta Silalahi. On ma na idok na Kaldera Haranggaol.

Kaldera Sibandang

Molo Kaldera on, on ma par pultak ni Dolok Toba na pa toluhon jala na parpudi na iboto ni akka siboto surat, hira hira 74.000 taon naung salpu ma on adong, molo di bahasa Inggris: idok ma on Youngest Toba Tuff (YTT). Bolak na hira hira 497 Km, di parpultak ni Dolok Toba na patluhon on leleng na sampe tu pitu ari, jala on ma na umbalga parpultak ni dolok na adong di portibion sian sasude na iboto siakka siboto surat na hea adong.

Boa boa taringot tu dang be di akkui

Songon na di pabotohon tu hita akka bangsong Indonesia, Kaldera on diakkui do gabe sada tading tading ni portibi, ima na di akkui ni punguan UNESCO, alai na di taon 2023, dibaen punguan i ma sada boa boa namaddok, olo do dang be diakkui Kaldera on gabe sada tading tadingan, sialani i, di laen nasida ma sada hartu na hunik ima songon na gabe sada boa boa asa marsitutu hita marhite pamaretta ni bangso on laho padengganhon akka na hobbar tu pangidoan ni punguan i.

Gabe sada parsiajaraon do hartu na hunik na di lehon ni paunguan UNESCO i tu akka parkarejo ni pamaretta, Sialani i, ikon mar situtu do asa boi muse Kaldera on gabe sada sada inganan manang sada sada tading tading ni portibi na di akkui punguan i.^[2]

Tao Naumbalga di Asia Anggoni

Molo di Asia Anggoni, Tao na dibagasan ni Kaldera Toba on, ima Tao Toba, ima tao naumbalga jala gabe sada luat na jotjot do on dibaen gabe Inganan laho marwisata, bolak ni tao on, hira hira mar 1.130 kilometer, jala bagas ni tao on hira hira 505 meter.

Halak Namaringanan Di Kaldera Toba

Molo hita ida, halak namaringanan di Kaldera Toba on, adong ma i akka Bangsong Batak Toba, Simalungun, Karo dohot Bangso Pakpak. ^[3] , Tung massai godang do akka tading tading ni si jolo jolo tubu di luat ni Kaldera Toba on, on ma piga piga akka tading tadingan na adong di luat Kaldera Toba on :

Tambak Ni Raja Sisingamangaraja
Museum Huta Bolon Simanindo
Jabu Bolon Pamatang Purba
Porlak Wisata Iman Dairi
Batu Sigadap dan Batu Sijonjong
Batu Parorot Dairi
Museum TB Silalahi Center
Huta Tenun Parbaba
Tambak Raja Silahisabungan Dairi
Sampuran Siringo

Bahen bahen ni Pamaretta lao pabaritahon Kaldera Toba

Laho pabaritahon tu sude luat portibion taringot hu hahaadongan ni Wisata di Kaldera Toba, tong massai godang do akka bahen bahen ni Pamaretta ni bangso on, adong do piga piga akka bahen bahen ni nasida asa lam di tadda akka jolma jala reta roha nasida laho ro marwisata tu Kaldera Toba on, on piga piga bahen bahen nasida di kaldera Toba :