Jump to content

Geosite Sipinsur

Tamba pangait
Sian Wikipedia

Geosit Sipinsur ima salah sada inganan edang alam di topi Danau Toba di Sumatera Utara, na maringan di huta Pearung, Kecamatan Paranginan, Kabupaten Humbang Hasundutan, Sumatera Utara.[1] Jarakna hira-hira 18 km sian bandara silangit, i ma bandara na gabe pintu masuk utama dohot pesawat tu Danau Toba, I ma salah sada sian lima kawasan wisata na diutamahon, na jolo diarahhon presiden ke 7 RI, Joko Widodo.[2]Asa sahat tu inganan on, boi do angka partandang mardalani na porlu hirahira 6 jom sian Kota Medan.

Geosite Sipinsur

Haunggulan

[patota | patota mualna]

Geosite Sipinsur paradehon panggung na tarbuka ala inganan patidahon pentas seni manang parpunguan, Asing ni i, adong muse restoran na boi dinikmati angka halak na ro di san.[3] Di taon 2018 Geosite Sipinsur monang juara sada Anugrah Pesona Indonesia (API) saringkat adaran timbo tarbarita.[4]

Sala sada daya tarik na lopok Geosite Sipinsur i ma panatapan Tao Toba na mansai uli sian hatimboon. Boi do di ida angka partandang panorama na mansai uli, tarlumobi tingki sundut ni mataniari.[5] Asing ni i, luat on dihaliangi angka hau pinus na mangalehon suasana na lamo jala menak. Geosite on jou jotjot ipinangke gabe lokasi tu acara na ringkot dohot foto pra-parbagason alani hajengeson alamna.[5]

Pasilitas

[patota | patota mualna]

Geosite Sipinsur manawarhon maramansam pasilitas laho mangolopi hamenakon partandang na ro. Tarsongon on ma pasilitas na adong di Geosite Sipinsur:

  • Toilet Umum : Di bahen asa mura angka partandang manjaga haiason tingki ro.
  • Pondok dohot Gazebo : Inganan laho marnonang huhut mangatimi panatapan Tao Toba sian ginjang.
  • Inganan Parmeaman Dakdanak : Adong do pasilitas parmeaman songon abalambal dohot jungkatjungkit, na pas tu dakdanak
  • Parkir : Adong do inganan parkir na pas tu kendaraan angka partandang.
  • Sewa Amak : Boi do di sewa tamu amak i laho marnonang, jala argana hirahira 10.000 rupiah per amak.
  • Free Wifi : Di parade do hobason Wifi gratis tu angka partandang, na mambahen lam sonang tingki marnonang di inganan i.[3][5]

Pangambangon

[patota | patota mualna]

Geosite Sipinsur gabe jambar sian pengambangan luat Tao Toba ansiat Geopark Global UNESCO di taon 2019. Pamarenta Indonesia nunga markomitmen mengembangkon 16 luat geosite di luat i, tarmasuk Sipinsur, dohot fokus tu paningkatan infrastruktur dohot manambai pasilitas pariwisata.[3]

Ulaon di Geosite Sipinsur

[patota | patota mualna]

Di Geosite Sipinsur angka partandang boi mangatimi ragam ni ulaon na manarik na mamparhaseanghon hajengeson alam dohot suasana na humailang. On ma pigapiga ulaon na boi diulahon:

  • Marburu Foto : Geosite Sipinsur manawarhon panatapan na mansai uli, mambahen i gabe inganan foto na tarbarita. Godang partandang na ro laho mambuat momen na marlatarbelakang Tao Toba dohot tambak pinus na manaban.[5]
  • Markemah : Di luat on adong do inganan laho markemah, asa boi angka partandang mangalami modom di inganan na tedak huhut mangatimi alogo na jenges di dolok.[5][3]
  • Marmeam di Area Parmeaman Dakdanak : Adong do inganan marmeam songon abalambal na boi dipangke dakdanak, asa boi tondong lap marlas ni roha di inganan na dame jala tabo.[6]
  • Mangatim Panatapan Alam : Angka na ro boi marnonang jala boi mangida panatapan, na mansai uli sian ginjang, tarmasuk ma i mangida mata ni ari na mansai uli di ginjang ni Tao Toba dohot angka pulo na humaliang songon Pulo Samosir dohot Pulo Sibandang.[5][3]
  • Manganamnam Sipanganan Lokal : Di humaliang ni luat i, adong do pusat penjaja na diulahon halak na adong disan, na mangalehon marragam hidangan lokal dohot arga na mura.[6]
  • Ulaon Santai: Boi do muse tamu marnonang di gazebo manang pondok na adong, mambahen inganan on denggan laho marnonang huhut mangatimi hinauli ni alam.[5]

Acara

[patota | patota mualna]

Geosit Sipinsur ima inganan na menarik tu angka ulaon dohot pesta na marragam. On ma pigapiga acara khusus na hea masa manang na direncanahon laho masa di luat i:

  • Lake Toba Fashion Week (LTFW) : Taon 2023, direncanahon do Geosite Sipinsur gabe inganan ni ulaon Lake Toba Fashion Week. Acara on martujuan laho mampromosihon potensi budaya dohot pariwisata di humailang Tao Toba marhite fashion dohot seni.
  • Tamba ni Kunjungan di Ari Libur : Di tingki ari raya Idul Fitri, Geosit Sipinsur mandalani lonjakan na balga di angka partandang,marribu halak na ro laho mangatimi hajengeson alam.Nang pe ndang pesta resmi, lonjakan on patuduhon na tarbarita do luat i gabe tujuan wisata.
  • Acara dohot Parpunguan ni Masyarakat: Geosite Sipinsur jotjot dipangke gabe inganan parpunguan ni masyarakat dohot angka ulaon na ringkot na asing, tarmasuk ma i kunjungan ni angka pejabat negara.Panatapan na uli mambahen inganan na pas laho mangulahon ulaon sisongon i.

Pustaha

[patota | patota mualna]
  1. ↑ IND TIMES SUMUT (5 November 2022). Geosite Sipinsur, Tempat Terbaik Memandangi Keindahan Danau Tobaportal idntimes.com diakses pada 5 November 2024
  2. ↑ Kementerian Pariwisata dan Ekonomi Kreatif (2 Februari 2021). Infografik: 5 Destinasi Super Prioritas portal kemenparekraf.go.id diakses pada 11 November 2024
  3. ↑ 3.0 3.1 3.2 3.3 3.4 Wonderful Indonesia. GEOSITE SIPINSUR portal humbanghasundutankab.go.id diakses pada 11 November 2024
  4. ↑ https://ito.humbanghasundutankab.go.id/go/to/panoramasipinsur
  5. ↑ 5.0 5.1 5.2 5.3 5.4 5.5 5.6 Ipmdinamika (5 Desember 2023).The Kaldera dan Geosite Sipinsur, Wisata Keindahan Danau Toba dari Ketinggianportal Ipmdinamika.co diakses pada 19 November 2024
  6. ↑ 6.0 6.1 detik sumut (9 April 2022). Ingin Berlibur? ke Sipinsur Saja portal detik.com diakses pada 19 November 2024
Dijalo sian "https://bbc.wikipedia.org/w/index.php?title=Geosite_Sipinsur&oldid=10780"