Horas
Horas (Hata Batak Toba: ᯂᯬᯒᯘ᯲) ima sada hata pangondong manang siseon ni halak Batak. Molo dibagasan Kamus Besar Bahasa Indonesia didok astuanna ima "ucapan selamat".[1]
Astuan[patota | patota mualna]
Di halak Batak Toba, hata Horas marpadan ma i tu hasangapon, hamoraon, dohot hagabeon. Lapatan ni Horas marpadan muse ima "holong marsihaholongan, on do sada dalan nadumenggan, rap tu dolok tu toruan, asa taruli pasu-pasu, saleleng dihangoluan". Pusok ni Horas on, asa rap marsihaholongan tu sude jolma, marsiurupan, dohot rap mangangkupi.[2]
Hasangapon, Hamoraon, Hagabeon[patota | patota mualna]
Muara ni hangoluan halak Batak, ima tolu hata: Hamoraon, Hagabeon, Hasangapan.[3]
Hasangapon[patota | patota mualna]
Dihalak Batak, ponting do marhasapaon di jolo ni jolma. Astuan ni hasangapon dihata Indonesia ima "kemuliaan, kehormatan, kewibawaan".[3]
Hamoraon[patota | patota mualna]
Hamoraon (Hata Indonesia: kekayaan) ima kekayaan, harta, manang boi didok tu saonari marhepeng.[3] Hamoraon gabe sada posuk ni hangoluan halak Batak. Asa marhepeng, ingkon situtu karejo, mangalului hepeng.
Hagabeon[patota | patota mualna]
Hagabeon astuanna ima pomparanna manang gellengna. Sada posuk ni Batak, anak i gabe ponting sajo. Hata nasomal didok halak Batak, "anakkon hi do hamoraon diau". On museng gabe dalan asa martamba hasangapon ni sada jolma di halak Batak, molo adong gellengna.[3]
Pustaha[patota | patota mualna]
- ↑ Arti Kata Horas, www.kbbi.co.id, diakses tanggal 15 Juni 2023
- ↑ Arti Sapaan Horas Khas Suku Batak dan Falsafahnya, www.medan.kompas.com, diakses tanggal 15 Juni 2023
- ↑ 3.0 3.1 3.2 3.3 Horas Bukan Hanya Milik Orang Batak, www.indonesia.go.id, diakses tanggal 15 Juni 2023