Kobun Binatang Medan

Kobun Binatang Medan na dumenggan ditanda Medan Zoo i ma kobun binatang na adong di Medan, Sumatera Utara. Luat na di Simalingkar B, Kecamatan Medan Tuntungan. Kobun binatang on diresmihon di tanggal 14 April 2005 angkup Abdillah ima wali kota Medan di tingki i.

Kobun Binatang Medan

Masala

Kobun Binatang Medan godang mandapot bulaling sian natorop alani nasip angka pinahan disan mansai mangharingkothon, songon hajadian i harimo sumatera na mate dang sa dia leleng on. Ditamba dohot parorot kobun binatang na hurang diparatehateon sian lante handang na markerak, inganan ni aek marlumut, handang na so adong tarup lao marlinggom.

Piga piga pananganon nga dibuat songon na diulahon Direktorat Jendaral Konservasi Sumber Daya Alam dohot Ekositem (KSDAE) nasida nunga mambahen Pangaramotion tu kobun binatang, rutin mamareso tu angka pinahan, dohot mangutamahon parhorasan ni angka pinahan na adong di kobun binatang.

Marragam Binatang

• Adong do ragam ni binatang na unggul na menarik idaon. Dison adong pigapiga binatang ikonik na boi didapot di kobun binatang on :
• Gaja: Kobun Binatang Medan adong dua gaja na gabe sala sada daya tarik na utama tu angka partandang.
• Harimau Sumatera: Adong opat harimau sumatera, ima spesies na lingka huhut diondihon.
• Harimau Benggala: Kebun binatang on pe mangurus opat harimau Benggala.
• Orangutan : Dua orangutan boi diida angka na ro, mambahen lam godang primata di kobun binatang.
• Beruang Madu: Adong onom ursa beruang madu, na tarbarita alani parange na unik jala menarik.
• Huting mas: Kebun Binatang Medan pe adong do tolu huting mas, na menarik gabe binatang na gelleng na manganhon.
• Merak dohot Kakatua: Marragam do jenis ni pidong, tarmasuk ma i merak dohot kakatua, na mambahen lam uli kobun binatang on.

Kobun Binatang Medan adong 57 ragam binatang dohot hirahira 167 binatang marsada-sada. Kobun binatang on marusaha maningkatkon bitik partandang dohot rangrangan dungdungon malua, i dia piga-piga binatang inda be i kandang na sompit, mambaen alai bisa lobi bebas marpinda-pinda dot donok tu kondisi lung.

Pasilitas

• Kobun Binatang Medan paradehon pigapiga pasilitas khusus tu dakdanak, mambahen inganan i gabe inganan na pas tu keluarga. Songon on ma pasilitas na boi diatimi dakdanak di Kebun Binatang Medan:
• Area Parmeaman Dakdanak: Adong do area khusus na dipapungu dohot marragam wahana parmeaman, na mambahen dakdanak boi marmeam sahat tu na puas jala mangatimi tingkina di kobun binatang.
• Edukasi Satwa : Kobun binatang on pe marpungsi do songon pasilitas pendidikan, di si dakdanak boi marsiajar taringot marragam jenis binatang dohot usaha pelestarian na diulahon. Rade do angka pemandu wisata mangalehon hatorangan taringot tu hasurungan ni ganup binatang.
• Inganan Piknik dohot Gazebo: Pasilitas on mambahen keluarga boi marnonang jala rap mangan dung diida nasida angka binatang.