Mangarontas
Mangarontas ima sada anggalang manang ritual na bahat dipadalan angka parhauma haminjon sian halak Batak Toba molo naeng mangguris haminjon.[1] Ritual on bahat dipadalan di Kabupaten Humbang Hasundutan (Humbahas), propinsi Sumatera Utara, alana bahat do parhauma haminjon di kabupaten on.
Turiturian[patota | patota mualna]
Adong sarita di halak Batak na adong di Humbang Hasundutan, namambahen adong ritual Mangarontas on. Pandok ni turiturian na adong, ritual on rona sian sada tondong. Di tingki i, damang di parjabu i maminjam hepeng tu raja parhuta di huta hombar jabu. Hape, dung do dilehon maminjam hepeng, si damang parjabu dang boi paulakhon hepeng i.[1]
Ujungna, ingkon adongma boru naposo bulung ni parjabu i. Dipangido si raja huta ma asa boi marbogas dohot boru nai, gonti ni hepeng na pinjam. Mambege pangidoan i, muruk ma boru ni parjabu, jala morot homur lao tu harangan. Di harangan i ma, boru ni parjabu i mangido tu Debata, asa dipauba ibana gabe sada hau na boi malehon hepeng tu amangna. Maruba ma ibana gabe hau haminjon, hau na adong gota na jala angur gota nai. Gota ni hau i ma na boi mangelohon hepeng tu amangna.[1]
Pusaka abahan[patota | patota mualna]
Di taon 2018, Mangarontas gabe sada pusaka abahan sian ualu pusaka sian Sumatera Utara ditotophon gabe Warisan Budaya Takbenda Indonesia 2018.[2] Ganup taon, Kementerian Pendidikan dan Kebudayaan (kemdikbud) mmanontuhon ragama ni pustaka di Indonesia gabe pustaka abahan, na dipillit sian ganup propinsi di Indonesia. Adong pe sangkap ni mamillit ganup taon, asa tarjago sude pustaka di Indonesia tu joloan.[2]
Haminjon di Sumatera Utara[patota | patota mualna]
Di Sumatra Utara, komoditas parhauma hau haminjon adong di 6 Kabupaten bahat na hira-hira 22.912,13 hektare (taon 2017). Parhauma haminjon, adong di kabupaten Tapanuli Utara (16.174,75 ha), Humbang Hasundutan (4.888,10 ha), Pakpak Bharat (1.271,04 ha), Toba Samosir (423,14 ha), Dairi (144,00 ha), jala adong saotik di Tapanuli Tonga hira-hira 11,10 ha.[3]
Pustaha[patota | patota mualna]
- ↑ 1.0 1.1 1.2 Mangarontas Ritual Wajib Sebelum Menggarap Pohon Haminjon, www.kebudayaan.kemdikbud.go.id, diakses 10 Agustus 2021
- ↑ 2.0 2.1 Delapan Budaya Sumut Ditetapkan sebagai Warisan Budaya Takbenda 2018, www.waspadamedan.com, diakses 10 Agustus 2021
- ↑ Provinsi Sumatra Utara Dalam Angka 2018 (pdf), BPS Provinsi Sumatra Utara, diakses 10 Agustuss 2021