Manulangi natua-tua
Manulangi Natua-Tua (Indonesia: Menyuapi makan orangtua) ima sada upacara adat ni halak Batak na mangelehan sipanganon tu natorasna manang natua-tuana. Manulangi natua-tua on dibahen tingki natua-tua nungga adong di umur naung matobang hian, hira-hira diginjang ni umur 70 taon.[1] Selain ditingki natua-tua adong diumur naung matobang, adat on boi muse diulahon, tingki natua-tau adong diparsahitan naeng jonok tu hamatean.[1][2] Alai, upacara manulangi natua-tua boi dipadalan, molo dung adong pahompu na.[3] Jotjot adat on diulahon angka pangaranto na maradong manang na halak namora, tingki mulak tu huta na.
Latar Belakang[patota | patota mualna]
Marhobas ni halak Batak di bagasan maradat dohot budaya, gabe sintongsintong jambar sian ngolu dohot hangoluon ni halak Batak.[4] Padalanhon adat Batak tongtong dipadalan marhitehite haporseaan dohot hapatuton huhut tu hasomalan ni masyarakat Batak.[4] Sude paradataon na diulahon di bangso Batak, ingkon adong astuan na, jala boi dihaporseai angkup nasida na padalanhon.[4]
Sian bahat ni adat halak Batak, ingkon adat "manulangi" (Indonesia: menyuapi manang memberi makan) on ma sada na dihaporseai halak Batak, adong astuanna di bagasan tondong na padalanhon.[4] Upacara adat manulangi on dipadalan sada anak tu natua-tuana naung matobang hian (manulangi natua-tua) naeng mangido pasu-pasu sian natorasna.[3]
Upacara "manulangi" on tarpadalan marsingot tu marpiga namasa di sada tondong. Sioloanna, sada boruboru sandang (Indonesia: hamil) parjolo loni.[3] Dungi, boi ma muse dipadalan tingki sada boruboru naung leleng ndada sandang,gabe lao dohot amangamangna tu jabu ni natua-tuana naeng manulangi, mangido pasu-pasu asa boi sandang mangido dakdanak, asa dilehan Debata banua ginjang.[3][5]
Makna[patota | patota mualna]
Adat "manulangi natua-tua", na dipadalan huhut mangalean panganon na boi muse didai angkup tabo jala mahap natorasna ansiat mangalehon onjaran tu natua-tua.[1] Dungi, padalan adat on boi dimaknahon asa natua-tua mandao sian angka sahit dohot mandao sian sude sidangolon.[5] Tu angka pahompu na, adat on gabe sada tingki di angka dakdanak boi mangatim pasupasu natua-tua na, na naung di lehon Debata tu tondongna i.[5]
Pustaha[patota | patota mualna]
- ↑ 1.0 1.1 1.2 Gens G. Malau. 2000. Aneka Ragam Ilmu Pengetahuan Budaya Batak. Jakarta: Yayasan Bina Budaya Nusantara. Alaman 120.
- ↑ Lothar Schreiner. 1994. Adat dan Injil: perjumpaan adat dengan iman Kristen di tanah Batak. Jakarta: BPK Gunung Mulia. Alaman 189.
- ↑ 3.0 3.1 3.2 3.3 Nalom Siahaan. 1982. Adat: Dalihan Na Tolu: Prinsip dan Pelaksanaannya. Jakarta: Grafina. Alaman 35. 97, 98
- ↑ 4.0 4.1 4.2 4.3 John B. Pasaribu. 2003. Adat Batak Saluran Kasih Sesama Umat Tuhan. Jakarta: Yayasan Obor. Alaman 42, 60-61, 114
- ↑ 5.0 5.1 5.2 J.C. Vergouwen. 2004. Masyarakat dan Hukum Adat Batak Toba. Yogyakarta: LKIS. Alaman 103, 112, 113