Masjid Godang Al-Mashun
Masjid Agung Al-Mashun[1] (bahasa Arab: مسجد جامع المشون) ataudumenggan ditanda songon Masjid Agung Medan (abjad Jawi: مسجد رايا ميدان) (bahasa Arab: مسجد الجامع ميدان) ima sada masjid na adong di Kota Medan , Provinsi Sumatera Utara , Indonesia . Masjid on ipajongjong i taon 1906 dot sidung i taon 1909. Tingki parjolo dipajongjong, masjid on bagian sian kompleks Istana Maimun. Gaya arsitekturna padomuhon unsur Timur Tengah, India dohot Spanyol. Masjid on marbentuk segi ualu dot adong habongna i selatan, timur, utara dot barat.
Turi-Turian
[patota | patota mualna]Sultan Ma'mun Ar-Rasyid songon pamimpin Kasultanan Deli mamulai pambangunan masjid on tanggal 21 Agustus 1906 sanga na bertepatan dohot 1 Rajab 1324 Hijriah. Sude pambangunan i sidung i tanggal 10 September 1909 dot itandai dohot sumbayang Jumat parjolo i masjid on. Keseluruhan anggaran pembangunan ima sajuta gulden.[2]
Ma'mun Ar-Rasyid mambaen masjid on manurut prinsipnia bahaso masjid on angkon lobi ponting tingon Istana sandiri ima Istana Maimun. Pembangunan masjid on dibiayai Kesultanan Deli, Deli Maatschappij, dohot Tjong A Fie, pengusaha terkayo di Medan hatiha i.