Motor

Patota pangait
Sian Wikipedia
Motor Nissan Leaf, sada motor elektrik, nadipatandahon tu umum bulan Desember 2010

Motor (hata Indonesia: mobil; Inggeris: car) ima sada kendaraan na mamangke bahan bakar miak (bensin sanga solar) pangoluhon manang padalanhon mesinna. Hata motor di bahasa Indonesia ima mobil nadipapendek sian hata otomobil, bahasa asalna sian bahasa Junani ima ' αυτοs ' dijaha 'autos', astuanna sendiri, dohot Latin 'movére', astuanna bergerak.

Panjouan di Batak[patota | patota mualna]

Hata na somal mandok "motor" on, molo di bahasa Indonesia didok mai mobil. Molo "motor" na di hata Batak Toba, astuan ma mandok tu sepeda motor di hata Indonesia, biasana dijou motor. Jadi, "motor" di hata Batak Toba ima mobil dihata Indonesia, dung i, motor di hata Indonesia diastuanma i gabe kareta di hata Batak Toba. Molo angka jolma na so mangantusi hata Batak Toba (sanga di Sumatra Utara), ingkon haduk mangantusi diparjolo mambegena.

Angka motor marjojor di dalan, di Singapura
Batak Toba Indonesia Inggeris
Motor Mobil Car
Kareta Sepeda motor
(Motor)		 Motorcycle
Lereng
(Kareta angin)		 Sepeda angin
(Sepeda)		 Bike

Turiturian[patota | patota mualna]

Tiruanna (replika) "Benz Motorwagen" taon 1886.

Kendaraan motor naparjolo ima mamangke uap, hira-hira didesain parjolo halina Ferdinand Verbiest taon 1672. Si Ferdinand mandesain kendaraaan parmainan na marsuhat 65 cm dipangke harajaon ni Sina, alai dang boi dipangke mamboan panumpang.[1][2][3] Dang adong jamita, molo motor sisongoni saut di bahen si Verbiest manangna daong saut.[2]

Di taon 1752, Leonty Shamshurenkov, sada parkarejo sian bangso Rusia, mambahen sada konstruksi kendaraan naboi dipadalan manisia. Dungi, si Leonty mambahen kendaraan i dohot odometer. Kendaraan nabibahen i suman tu kareta salju.[4]

Taon 1769, Nicolas-Joseph Cugnot mambahen kendaraan roda tolu. Dungi, kendaraan parjolo mamangke masin uap, hira-hira dipadalanhon di kota Birmingham, Inggoris, nadibahen si Lunar Society. Motor namamangke bensin, tong parjolo dihaben di Birmingham, taon 1896, dikarejohon si Frederick William Lanchester. Si Frederick tong namanjumpnaghon rem sakram. Dung i, lewat taon 18906, alai totop ditaon 1890-an, etanol dipangke padalanhon motor di Amerika Serikat.

Turpuk ni Motor[patota | patota mualna]

Nobuhiro Tajima tingki ro di Pikes Peak International Hill Climb dohot motor sport listrik.
Motor sport listrik OSCar eO di Dakar taon 2012.
Isi ni Sasis Tesla Model S chassis[5]

Ditoru on ma angka turpuk (bagian-bagian utama) ni motor. Bahat hata totop mamangke bahaso Inggoris sanga Indonesia, dang boi dipauba tu hata Batak Toba;

Pustaha[patota | patota mualna]

  1. ↑ 1679-1681–R P Verbiest's Steam Chariot, History of the Automobile: origin to 1900, Hergé, diakses 8 Juni 2021
  2. ↑ 2.0 2.1 A brief note on Ferdinand Verbiest, Curious Expeditions (2 Juli 2007), diakses 8 Juni 2021
  3. ↑ Setright, L. J. K., Drive On!: A Social History of the Motor Car, Granta Books (2004), ISBN: 1-86207-698-7, diakses 8 Juni 2021
  4. ↑ Коляски Шамшуренкова и самокатка Кулибина / The carriages of Shamshurenkov and samokatka of Kulibin (hata Rusia), www.152mm.ru, diakses 8 Juni 2021
  5. ↑ Ted, Dillard. Rare Look Inside A Tesla Model S Battery Pack, InsideEVs, diakses 8 Juni 2021
Dijalo sian "https://bbc.wikipedia.org/w/index.php?title=Motor&oldid=9287"