Nainggolan

Nainggolan (Surat Batak: ᯉᯤᯰᯎᯬᯞᯉ᯲) ima sada marga Batak Toba na ro sian Nainggolan, Samosir.

Tarombo

Tarombo sian Si Raja Batak

Si Raja Batak i marianakkon 2 halak, ima:

1. Guru Tatea Bulan na ditanda jala digoari gabe Naimarata
2. Raja Isumbaon

Guru Tateabulan i marianakkon 5 halak baoa jala 5 halak boru, ima:

1. Raja Biakbiak
2. Tuan Sariburaja
3. Limbongmulana
4. Sagalaraja
5. Silauraja
6. Siboru Biding Laut
7. Siboru Pareme
8. Pungga Haomasan
9. Anting Haomasan
10. Nan Tinjo

Sian Tuan Sariburaja dohot Si Boru Pareme ima sorang sada anak ima si Raja Lontung. Hot dope Tuan Sariburaja marianakkon dua anak baoa sian donganna saripe na asing, ima si Raja Borbor dohot si Raja Galeman.

Raja Lontung mangalap inongna sandiri ima Siboru Pareme jala marianakkon pitu anak jala sada boru. Pitu anak baoa i, ima:

1. Toga Sinaga
2. Tuan Situmorang
3. Toga Pandiangan
4. Toga Nainggolan
5. Toga Simatupang
6. Toga Aritonang
7. Toga Siregar

Molo boruna sasada sian Raja Lontung dohot Siboru Pareme ima digoari Siboru Panggabean Br. Lontung na marripe dohot Toga Sihombing na marianakkon opat anak ima:

1. Borsak Jungjungan (Silaban)
2. Borsak Sirumonggur (Lumbantoruan)
3. Borsak Mangatasi (Nababan)
4. Borsak Bimbinan (Hutasoit)

Jala Siboru Panggabean Br. Lontung mangoli (singkat rere siala monding siadopanna, Toga Sihombing) muse tu angkang ni Toga Sihombing, ima Toga Simamora jala marianakkon tolu anak ima:

1. Toga Purba
2. Toga Manalu
3. Debataraja

On ma na gabe mullop sada pandokan ima "Lontung si Sia Marina (ualu anak (dohot ma Raja Lontung) jala sada boru), na pasiahon boruna Sihombing - Simamora"

Tarombo sian Toga Nainggolan

Toga Nainggolan ima marianakkon dua anak baoa ima:

1. Sibatu
2. Sihombar

Sibatu nampuna dua anak ima:

1. Sibatuara
2. Parhusip

Adong do marragam pandapot ise do na gabe anak nomor sada sian dua anak i. Adong pandapot sian pomparan ni Si Batu songon on:

Persi 1: Sibatuara ima anak siangkangan.

Persi 2: Sian turiturian

Molo sian turiturian), Parhusip jala Sibatuara hot do nasida mangoli tu sada boru ni Raja Sijorat Panjaitan. Pomparan ni Parhusip ima digoari Lindi Niaek mangoli tu ibotona ima Pintaomas Br. Panjaitan. Pomparan ni Sibatuara ima Panguluraja mangoli tu anggina ima Sampulu Br. Panjaitan. Sibatuara mangelek tu Parhusip asa jadi pangolionna anggina i. Ima sidalian sian pomparan ni Sibatuara gabe dasor margantina panggoaran tu marga Parhusip.

Parhusip marianakkon dua anak baoa ima:

1. Tuan Marnaning
2. Manahan Laut

Manahan Laut na gabe Silali sian marga Siregar, na gabe gantina ima boru ni Siregar na margoar Sitatap Birong gabe boru ni Parhusip. Sitatap Birong muli tu marga Sihotang Sorganimusu anak ni Raja Sigodang Ulu. Ganti ni anak i gabe sada padan di adaran ni marga Nainggolan dohot marga Siregar, pomparan nasida diorai mangoli manang dipangoli. Ia padan on torus do dipadalan sahat tu saonari.

Sihombar marianakkon tolu naka baoa ima:

1. Raja Nahor (marga Lumbannahor jala Sirumahombar)

2. Tungkup Raja (marga Lumbantungkup jala Lumbanraja)

3. Raja Padot (marga Lumbansiantar jala Hutabalian)

Turunan Marga

• Batuara
• Siampapaga
• Parhusip
• Siahaan
• Lumbannahor
• Lumbantungkup
• Pusuk
• Buaton
• Mahulae
• Lumbanraja
• Lumbansiantar
• Hutabalian

Pangituai

Adong piga-piga pangituai di halak batak na nampuna marga Nainggolan, ima:

• Azas Tigor Nainggolan
• Boyke Nainggolan
• Cassanova Alfonso Nainggolan
• Derby Romero Nainggolan
• Elfin Elyas Nainggolan
• Framly Nainggolan
• Jafar Nainggolan
• Marlon Renaldy Nainggolan
• Pantas Nainggolan
• Parman Nainggolan
• Radja Nainggolan
• Restika Pardamean Nainggolan
• Rony Parulian
• Rustam Effendy Nainggolan
• Suwondo Nainggolan
• Syahganda Nainggolan
• Yohanna Nainggolan