Naniura
Naniura i ma sipanganon tradisional khas sian Batak Toba. Naniura jongjong sian dua hata ima Na dohot Niura namararti cara pamasakkon sipanganon dohot asom jungga. Dengke naniura on parjolo mamakke ikkan jahir, nungi dipakke muse tu ikkan mas nadidia godang didapot i Tao Toba. Ikkan na dipangke ikkon do ikkan aek tawar, alana diboan sian Tao Toba na aekna tawar. Nuaeng sonarion ikkan mas Naniura boido diallangi akka jolma, alai ikkan mas Naniura on tong dope jarang hian tarida di rumah makkan khas Batak umumna. Alani pambahenanna na maol i, laho mandapot sada pingganan ikkan mas Naniura, hita ikkon paimahon hira hira 5 jom lelengna. Alani i, ikkan mas Naniura on disediahon pas waktu natentu dohot pas na hombar tu ari na rikkot i halak batak manang i nalain.
Sarita[patota | patota mualna]
Nunga sian leleng naniura itanda gabe tandi sipanganon ni halak Batak Toba, dang adong nian na mamboto andigan do tangkasna naniura dibahen parjolo hali. Naniura parjolo hali dipatudu sian halak partoba, alai dang adong na mamboto ise do tangkasna na mambahen naniura on. Mulana, naniura hoding do tu angka raja-raja, padohot Raja Sisingamangaraja. Angkup alana ni, dang saluhut jolma boi mambaen naniura, holan pande lompa harajaon do na boi. Naniura jotjot diparade di angka ulaon halak Batak Toba, songon bona taon, pajongjonghon bale bale, haugamoon, mangokal holi jala manaikkon saring-saring natua-tua (alai sasintongna rio do dipatupa di ulaon pardongan saripeon huhut hamamate na jolo), sulang-sulang pahompu, dohot angka ulaon adat halak Batak na asing.[1] Alai mansai maju jaman, sonari on nunga gabe siallangon saluhut angka halak Batak be naniura.
Haru tu hasomalon mangallang ponggolon sibuk sogar sopola dilompa nunga dos lelengna dohot turiturian jolma, ale hasomalon on boi do marudut, marsadi, manang maruba dohot luat namasa. Mampariama huhut mamangan dengke tao/laut nunga sian na buruk na pinomat mutmut ombas Paleolitikum, Uhalni na malo mida isotop di dasardasar jolma Tianyuan, Habinsaran Asia sian 40.000 taon na salpu patuduhon jolma mangallang dengke sogar na so dilompa do.[2] Molo pamurpuri sandiri, sian abat tu-6 nunga ditanda di Barus.[3]
Pustaha[patota | patota mualna]
- ↑ Hasairin Ashar. (Maret 2014). "Variasi, Keunikan dan Ragam Makanan Adat Etnis Batak Toba Suatu Kajian Prospek Etnobotani". Jurnal Pengabdian Kepada Masyarakat. 20: 22. ISSN 2502-7220. Diakses tanggal 19 Juli 2021.
- ↑ Yaowu Hu Y, Hong Shang H, Haowen Tong H, Olaf Nehlich O, Wu Liu W, Zhao C, Yu J, Wang C, Trinkaus E and Richards M (2009). "Stable isotope dietary analysis of the Tianyuan 1 early modern human". Proceedings of the National Academy of Sciences, 106 (27) 10971-10974.
- ↑ Nugroho, Bagus P. "Mengenal Barus, Pusat Peradaban Islam Tertua di Nusantara". Diakses tanggal 19 Juli 2021