Pante Parbaba

Pante Parbaba ima sada inganan laho marwisata na adong di huta Bolon, Kecamatan Pangururan, Kabupaten Samosir, Provinsi Sumatera Utara, Indonesia. Alani inganan ni pante on pas do di Tao Toba umbahen gabe godang akka jolma naro marwisata tu luat on. Dipiga piga inganan tempat wisata na adong aek na, adong do lobi ni pante parbaba on, ima horsik ni pante on na sai uli jala ias idaon, suang songoni nang dohot akka pamandangan na di jonok ni Pante on, ima kka buhit buhit na gelleng, mambahen pante on lam sosok molo dibahen gabe inganan laho marwisata dohot akka dongan soang songoni dohot akka si solhot.^[1]

Na adong di Inganan Marwisata

Songon akka inganan na asing, songo ni nang inganan on, ima sada sian piga piga i inganan marwisata di Tao Toba, inganan on nungga boi dohonon nga adong akka dia dia na hombar tu na di porluhon ni akka na marwisata, songon na somal di pake, Kamar Mandi, inganan laho mangan manang minung, ingana maradi na bagak, songoni dohot akka parmeaman na boi di ulahon di aek tao na jolok tu Pante Parbaba on. Nion ma piga piga akka parmeaman naung adong di inganan marwisata on, ima:

Marmean di aek pakke Ban jala marragam do balga ni Ban na na adong, boi pakkeon ni akka dakdanak songoni nak akka jolma naung magodang, Sepeda Aek, Odong-odong aek, Banana Bot suang songoni dohot pameaman di aek pake Jetski nunga adong di inganan on.

Tung pe godang akka massam ni parmeaman na adong, alai dong pola gabe ma biar akka na ro marwisata tu inganan on, ala taringot tu ha selamaton ni na marwisata nungga be denggan di baen akka pangelolah inganan on asa gabe pos rohani nasida na ro marwisata tu inganan on.^[2]

Somal ni baga ni sigararon

Tu akka na sida na ro marwisata tu Pante Parbaba on, somal na manggarar ma nasida hepeng masuk balga na Rp. 5.000 sada jolma^[3], jala songoni dohot akka na mangihuttun massam ni parmeaman di Pante Parbaba on, solma na sian Rp. 50.000 sahat tu Rp. 100.000 sada jolma di sada parmeaman na di ihuthon. Piga piga na somal na di garar akka na ro marwisata tu inganan on, ima:

Inganan ni Parkir, Toilet dohot kamar mandi, Inganan marganti pahean, Inganan Mangan, Inganan Modom, manewa tikkar, manewa pondok, manuhor silua ni tangan dohot akka na asing, somal na molo jam bukka ni inganan on, ima sian pukkul 05.00 sahat tu pukkul 00.00 Wib.^[4]