Patung Dewi Kwan Im Siantar
Patung Dewi Kwan Im di Pematangsiantar, Sumatera Utara, ima patung tartimbo di Asia Tenggara dohot timbo na 22,8 meter dohot boratna hirahira 1.500 ton. Maringanan di komplek Avalokitesvara Vihara, patung on diresmihon tanggal 15 Nopember 2005 dung dibangun saleleng tolu taon jala diimpor sian China.[1][2][3] Patung on ma gabe ikon wisata agama na manarik bahat partandang, mancerminkon toleransi agama i luat i. Patung on gabe ikon wisata agama na manarik bahat partandang, na mancerminkon toleransi agama i luat i.[4] Di taon 2008, patung on mandapot rekor MURI manjadi napaling timbil ginjang di Asia Tenggara.[2]
Turiturian
[patota | patota mualna]Patung Dewi Kwan Im di Pematang siantar terinspirasi sian turiturian anak boru Miao Shan, na sorang di tingki Dinasti Zhou. Miao Shan na so olo marhasohotan, mamillit gabe biarawati jala marsitutu mangurupi hajolmaon. Di bagasan proses i, dapotna ma huaso laho paluahon jolma sian sitaonon. Turiturian on manggombarkon Kwan Im gabe bodhisattva na gok asi ni roha dot asi ni roha, mambaen ia gabe pangituai na mansai ihormati i ajaran Buddha.Patung on manggombarhon nilai-nilai holong dohot panghophopon na adong di sarita i.[5]
Proses Pambahenan
[patota | patota mualna]Proses pambahenan Patung Dewi Kwan Im di Pematangsiantar dimulai taon 2002 jala sidung di taon 2005. Patung on diimpor langsung sian China jala timbo na 22,8 meter jala boratna hira-hira 1.500 ton. Hira-hira tolu taon do lelengna pajongjongkon patung on, jala dibahen angka tukang na marpangalaman do teknik pambahenan na manat jala rinci. Dung sae, patung on diresmihon tanggal 15 Nopember 2005 jala gabe ikon wisata agama di luat i.[2][6]
Ikon Pariwisata Agama
[patota | patota mualna]Patung Dewi Kwan Im di Pematangsiantar gabe ikon pariwisata agama alani piga-piga sidalian:
- Timbo jala Megah (Balga) : Timbona 22,8 meter, patung on ma na tumimbo di Asia Tenggara, jala godang do halak na ro.[1][2]
- Lokasi na Strategis: Maringanan di Vihara Avalokitesvara, na gabe pusat ibadah ni halak Buddha, gabe inganan na libur laho martandang.[4][6]
- Tanda Toleransi Agama: Patung on patuduhon tingkat toleransi agama na timbo di Pematangsiantar, manarik partandang sian marmansam latar belakang.[2][4]
- Manarik Wisata: Dihaliangi porlak na uli dohot patung-patung na gelleng na asing, mambahen suasana na menarik tu wisatawan.[7][1]
Haunggulon
[patota | patota mualna]Patung Dewi Kwan Im di Pematangsiantar adong piga-piga bongka na unik dibandinghon dohot patung-patung na asing di Asia Tenggara:
- Timbo: 22,8 meter, patung on ma na tumimbo di Asia Tenggara, mamonsahon rekor MURI taon 2008.[8][2]
- Bahan dohot Asal: Patung on diimpor sian Cina jala dibahen sian batu granit, mambahen patung on unik sian segi kualitas dohot desain.[1][5]
- Humailang: Dihaliangi porlak na uli dohot opat patung panjaga, mambahen suasana na lam manarik tu angka partandang.[1][5]
- Partanda : Songon parmutmutan ni Dewi Kwan Im, patung on manggombarhon holong dohot parasinirohaon, mambahen i gabe pusat ibadah dohot pariwisata agama na ringkot.[2][9]
Patung Dewi Kwan Im di Pematangsiantar manghorhon abahan lokal dohot piga-piga cara:
- Tanda Toleransi Agama: Patung on nunga gabe tanda toleransi antar agama, na manarik angka partandang sian marragam latar belakang laho manomba jala marsiajar taringot ajaran Buddha.[4]
- Pusok Partondion: Dipangke halak Chkna na maragama Budha do patung on gabe inganan mangalualu partondion, mangurupi nasida mangadopi parsoalan di ngolu.[1]
- Wisata Agama: Songon sipareakan wisata agama, patung on manarik wisatawan, manambai kesadaran dohot pangantusion taringot tu budaya Buddha di tongatonga ni masarakat na lumbang.[2][6]
- Parsiajaran dohot hasunggulon abahan: Godang do angka murid dohot tamu na ro laho marsiajar taringot turiturian dohot nilai-nilai na diajarhon Dewi Kwan Im, na pamorahon parbinotoan abahan lokal.[5][7]
Pustaha
[patota | patota mualna]- ↑ 1.0 1.1 1.2 1.3 1.4 1.5 Sindo News (18 Januari 2021).Patung Dewi Kwan Im Tertinggi di Asia Tenggara, Pesona Wisata Religi di Pematangsiantarportal sindonews.com diakses pada 27 November 2024
- ↑ 2.0 2.1 2.2 2.3 2.4 2.5 2.6 2.7 Merdeka (2020).Dibangun Selama 3 Tahun, Ini 5 Fakta Menarik Patung Dewi Kwan Im di Pematangsiantarportal merdeka.com diakses pada 27 November 2024
- ↑ 2o Detik (11 Januari 2023).Patung Dewi Kwan Im Pematang Siantar, Terbesar dan Tertinggi di Indonesiaportal 20.detik.com diakses pada 27 November 2024
- ↑ 4.0 4.1 4.2 4.3 Diskominfo Pematang Siantar (4 Februari 2024).Patung Dewi Kwan Importal diskominfo.pematangsiantar.go.id diakses pada 27 November 2024
- ↑ 5.0 5.1 5.2 5.3 Liputan 6 (29 Januari 2011).Patung Dewi Kwan Im Tetap Memesonaportal liputan6.com diakses pada 27 November 2024
- ↑ 6.0 6.1 6.2 Pojok satu (9 Januari 2024).Tempat Wisata Religi di Pematang Siantar, Ada Patung Dewi Kwan In Tertinggi di Asia Tenggaraportal pojoksatu.id diakses pada 27 November 2024
- ↑ 7.0 7.1 Banyuwangi Viva (30 Oktober 2024).Menelisik Vihara Avalokitesvara: Jejak Sejarah dan Pesona Spiritual di Kota Pematang Siantarportal viva.co.id diakses pada 27 November 2024
- ↑ RCTI+ (20 Desember 2022).3 Fakta Patung Dewi Kwan Im, Patung Tertinggi di Asia Tenggara yang Berada di Pematang Siantarportal rctiplus.com diakses pada 27 November 2024
- ↑ Merdeka (2021).4 Fakta Menarik Pematangsiantar, Ada Patung Dewi Kwan In Tertinggi di Asia Tenggaraportal merdeka.com diakses pada 27 November 2024