Persatuan Lutheran Sedunia
Persatuan Dunia Lutheran na idokon juo manjadi Persekutuan Dunia Lutheran (LWF) ima sada parsaoran na tardiri tingon gareja-gareja Protestan na markembang tingon tradisi Lutheran. Dipajongjong do i di taon 1947 di Lund, Swedia, jala nuaeng on adong do hira-hira 140 huria ruasna na tarserak di 78 negara di liat portibi on, jala mewakili hampir 66 juta halak Kristen sian 69,5 juta halak Lutheran di portibi on.
Dasar pangajarion
[patota | patota mualna]Dirajumi LWF do Buku Nabadia na terdiri sian Padan na Robi dohot Padan na Imbaru songon sada-sadana sumber ni poda, ngolu dohot panghobasionna. LWF pe mangarajumi tolu Haporseaon Oikumene -- Haporseaon Nicea, Haporseaon ni Apostel, dohot Haporseaon Athanasius dohot angka pangakuan ni Huria Lutheran, tarlumobi Pangakuan Augsburg na so muba, songon i nang Pangakuan ni Debata na Metmet ni si Martin Luther.
Huria ruas LWF mananda Debata Sitolusada i, satolop di parjamitaon ni Hata ni Debata jala marsada ni roha di parsaoran di mimbar dohot langgatan. Dirajumi LWF do adong sada Huria na badia, na badia, jala na marasul, jala diusahahon do asa lam tu dengganna hasadaon ni halak Kristen di sandok portibi on. Marpangalaho do i mewakili huria ruasna di bidang na sarupa, isara ni komunikasi, hubungan oikumene dohot antar agama, HAM, bantuan kemanusiaan, teologi, dohot ragam ni aspek misi dohot pembangunan.
Badan pengambilan keputusan na tumimbo
[patota | patota mualna]Badan pengambilan keputusan na tumimbo di LWF ima Majelis Umum, na somal dipatupa ganup onom taon. Di holangholang ni angka Majelis Umum LWF diatur Dewan na marrapot ganup taon dohot Pangurus Harian, na laos marfungsi songon Dewan Kurator LWF dohot Panitia Personalia LWF. Dewan i ma Uluan, Bendahara, dohot 48 halak ruas na pinillit ni Majelis Godang.
Sekretariat Jenderal
[patota | patota mualna]Sekretariat Jenderal LWF maringanan di Pusat Oikumene di Jenewa, Swiss, di 150, jalur de Ferney, P.O. Jenewa 2, Swiss.
On ma na memastikan kerjasama na erat dohot Dewan Gereja Sedunia (WCC) dohot angka parsaoran Kristen na asing di portibi on songon i nang angka organisasi sekuler internasional.
Jungjungan
[patota | patota mualna]Uluan ni LWF saonari ditiop Henrik Stubkjær, uskup Lutheran ni Gereja Denmark, dohot Sekretaris Umumna Anne Burghardt, sian Gereja Lutheran Evangelis di Estonia.