Porlak Wisata Alam Sicike cike
_Kecamatan_Parbuluan,_Dairi.svg)
Porlak Wisata Alam Sicike cike ima sada porlak na adong di huta Lae Hole, Kecamatan Parbuluan, Kabupaen Dairi, Provinsi Sumatera Utara, Indonesia. Molo sian Kota Sidikalang, dao na mar 21 Kilometer, hurang lobi mar 30 menit ma leleng ni pardalanan asa sahat tu sada inganan lahot di patorus annon muse mardalan pat mar 2 satongan kilometer nai. Molo sian Kota Medan, hira hira mar 4 sahat tu 5 jom ma leleng ni pardalanan, jala di patorus ma muse mardalan pat tu Porlak on.[1]
Tolu Tao di Bagasan
[patota | patota mualna]Molo lao hita tu Porlak Wisata Alam Sicike cike on, tung lambok jala ngali do di inganan on, jala on do muse umbahen gabe bagak laho inganan pahabis tikkin sian akka ula ula siganup ari. Adong do tolu (3) tao dibagasan Porlak on, di tikki logo ari, manang di pari udan pe, dang hea tabba manang moru molo godang ni aek di bagasan tao na tolu i, jala on do umbahen gabe tongam do molo tao on di akka jolma na tinggal jolok ni porlak i, tar lumobi ma akka halak Pakpak, Dairi.[2]
Sarita Taringot tu Porlak on
[patota | patota mualna]
Di dok Cike cike di bahasa Pakpak, molo di bagasan Bahasa Indonesia idok ma i Rumput Ilalang. Jala Porlak on dibahen gabe sada Porlak Wisata Alam sian taon 1989, ima na di tanggal 7 buan dua na, bolak na hira hira 575 Haktar, di akka halak Pakpak mandok, luat on ma na gabe inganan haroro ni oppung si jolo jolo tubu nasida, ima Marga Silima (Marga Ujung, Marga Angkat, Marga Bintang, Marga Kudadiri dohot Marga Sinamo). Godang do boi jumpang ta akka binatang dibagasan Porlak on, songon Pidong Enggang, Ulok, Siamang, Itik na liar, anggrek Pabihiopedilum tonsum, anggrek Dendrobium cannatum, Anggrek Eria sp, Anggrek Bulbopholyum sp, Calanthe pulchara, Tahul tahul dohot akka na asing na.[3]
Sampuran dohot Ingan margombar
[patota | patota mualna]Akka na ro tu Porlak on na mar dongan pemandu, somal na di boan do mangida sampuran na adong di porlak on, boi ma gombar gombar di piga piga inganan na adong di porlak on, alai asa boi sahat tu inganan ni Sampuran i, ikkon jolo to bolus do harangan, asa lam tabo hita mandalani akka inganan na adong di porlak on, denggan ma molo taboan akka na hombar tu pardalan na ta, songoan siallangon dohot si minumon, akka obat obatan dohot akka na asing, molo adong na aneng marborgin, boi do marborngin di boan ma tedda na. [4]
Na Diorai di Porlak on
[patota | patota mualna]Sahat tu nuaeng, Porlak on di dok do sada inganan na tongam, akka na somal mandongani akka wisatawan (pemandu) sai tongtong do pabotohon asa mangihutton akka boa boa na dibahen nasida, on ma piga piga na diorai di porlak on, Na parjolo, majjaga Adab, alana di gijad ni parbinotoan, adong dope adab, na paduahon majjaga hata na haruar sian pamangana asa unang madok akka naso hata, na patoluhon, jala na parpudi, ima pantun.[5]
Pranala Ruar
[patota | patota mualna]Pustaha
[patota | patota mualna]- ↑ KSDAE (21 Februari 2018). TWA Sicike-Cike Jadi Destinasi Wisata Sumatera Utara. (Diida: 21 November 2024 - 22.18)
- ↑ Viva.co.id (09 November 2024). Danau Sicike-Cike Dairi Sumatera Utara, Tiga Danau Dalam Satu Danau Namun Tetap Tiga Danau. (Diida: 12 November 2024 - 22.27 Wib)
- ↑ Mogabay (03 Juni 2023). Pesona Huta Sicike-cike. (Diida: 12 November 2024 - 22.43 Wib)
- ↑ Visit Dairi. Keelokan Taman Wisata Alam Sicike-cike yang Sungguh Memikat Hati. (Diida: 12 November 2024 - 22.52 Wib)
- ↑ IDNTimes Sumut (01 Februari 2024). Ada Danau Keramat di Sitinjo Dairi, Ini Rute dan Pantangannya (Diida: 12 November 2024 - 23.04 Wib)