Sampuran Sipisopiso

Sampuran Sipisopiso, manang somal ma di dok goar na holan Sipisopiso, ima sada sampuran na adong di Sumatra Utara, na di Huta Tongging, Kecamatan Merek, Kabupaten Karo. Timbo ni Sampuran on hira-hira mar 120 meter, jala tung bagak do pardabu ni aek di Sampuran on, sian gijang sahat tu toru na, pittor do jala dang adong na mangambati aek na di tingki pardabuna sian gijang tu toru, ido umbaen Sampuran Sipisopiso on massai uli mono di ida.

Haroro ni aek ni Sampuran dohot habaoran na

Haroroan ni aek na adong di Sampuran on, ima na sian huta na diatas ni Sampuran i, adong ma namargoar Huta Merek, adong muse ma namarhoar Huta Pangambatan. Anggo molo habaoran ni Aek na Sampuran i, tangkkas ma i mardomu tu Tao Toba marhite-hite sada binanga na marujung di huta Tongging.

Inganan dohot goar Ni Sampuran

Sampuran Sipisopiso maringanan di Huta Tongging, Kecamatan Merek, Kabupate Karo, Dao na hira hira tolu satonga jom sian Huta Medan, boi ma markareta manang marmotor mamolus sian Huta Kabenjahe, jala boi do muse hita mamolus sian huta Siantar. Dung sahat di inganan laho manadingkon kareta manag motor, ikkon mardalan do tu toru jala ikkon ta bolus do hira hira saratus lobi akka tangga-tangga na metmet tu toru, asa sahat hita hu hadabuar ni Sampuran on.

Taringot tu goar ni Sampuran, ragam do sarita na adong di akka jolma taringot tu si, alai na somal na i boto ni akka jolma, gaor ni sampuran i dibaen sian Piso manang Raut molo dibahasa Indonesia idok ma i Pisau (Inggirs: Knife), dibaen pe goar na songoni alani hadabuan ni aek ni sampuran na songon piso, tajom.^[1]

Parbadaan taringot tu hepeng Ritribusi

Na di taon 2024 na bulan opat, adong do sada parbadaan na ribut di Sosial media, ima na marbossir alani taringot tu hepeng ritribusi ni akka na ro marwisata tu Sampuran on. Sarita na, adong ma na sajabu lao ruppak nasida sada motor (opat ban na) mamolus aneng hu bagas parkiran ni sampuran i, ro ma sada naposo majjalo hepeng parkir nasida, godang na Rp. 10.000, alai di pudi ni i, ro ma muse dongan nasida na ruppak borhat, pilit ma songon nasida, dongan na na di pudi i, di jalo naposo i ma hepeng Rp. 20.000 sada halak jolma.^[2]

Hepeng harotas Rp 1.000 (1992) i poto jonok sian Sampuran Sipisopiso

Hepeng harotas Rp 1.000 ima na di haruarhon pamaretta toan 1992, na margobbar Tao Toba i poto ma i sian pinggir ni Sampuran Sipisopiso on, di poto ma tutu tao toba sian on, hala bolak ma haidaan tao toba i sian gijang, songon na tarida di hepeng i^[3]

Pranala ruar

Pustaha

[1] ttps://wisatakita.com/wisata/Sumatera.Utara/Karo/Air.Terjun.Sipiso-piso

[2] ttps://medan.tribunnews.com/2024/04/17/viral-wisatawan-jadi-korban-dugaan-pungli-berkedok-retribusi-di-kawasan-air-terjun-sipisopiso?page=all

[3] ttps://travel.detik.com/cerita-perjalanan/d-5393563/danau-toba-dipotret-dari-titik-ini-untuk-uang-1-000-lawas/2

[1]

[2]

[3]