Sampuran Situmurun
_Kecamatan_Lumban_julu,_Toba_Samosir.jpg)
Sampuran Situmurun ima sada sampuran na asing sian akka sampuran na asing, somal na, molo sada sampuran, pardabu ni aek na ima tu sada inganan na gabe parpungunan ni aek, na somal ma i songon kolam na metmet / na etek, alos somal na boi ma maridi disi, alai anggo Sampuran Situmuron on, hadabuan ni aek na datung gabe dabu tu sada inganan ba, alai aek na langsung ma dabu jala mardomu tu aek ni Tao Toba, Timbo ni aek Sampuran Situmurun on, hira hira mar 70 meter. [1][2][3]
Anung pe jotjot di dok inganan on Sampuran Situmurun, molo di akka jolma par luat i, adong do muse goar na asing na somal di dok nasida laho manggoari inganan on, ido ma inganan on Sampurang Binagalom, Binangalom on dibuat ma sian dua hata, Binanga manang Sungen dohot lom manang sejuk.[4]
Inganan ni Sampuran Situmurun
[patota | patota mualna]Taringot tu inganan, Sampuran on pas ma adong di pingging ni Tao Toba, ima na di Huta Situmurun, Kecamatan Lumban Julu, Kabupaten Toba, Provinsi Sumatera Utara. Akka jolma na ro marwisata tu Sampuran on, nion ma dalan na aneng si dalanon asa boi sahat tu Sampuran Situmurun on :[3][5]
Sian Medan
Sian kota Medan, hira hira mar 4 sahat tu 5 jom ma pardalan tu inganan on, sian Medan mamulus ma sian huta Siantar, di patorus ma muse tu Parapat, jala markapal ma sian i tu Sampuran Situmurun on., molo mar kala hita, hira hira ar 45 menit ma leleng na hita di bagasan kapal.
Sian Bandara Silangit
Molo Sian Bandara Silangit, mar 2 jom ma hita asa boi sahat hita tu Inganan on, sarupa dohot na sian Medan, ala inganan ni Sampuran dang songon sampuran na asing, ikkon mar kapal do hita asa boi sahat tu inganan on.
Sigararon tu Sampuran Situmurun
[patota | patota mualna]Molo Nungga sahat hita di Parapat, Somal na adong do Kapal na borhat tu inganan on, alai asa unang pa balga tu sigararon ta, nian tu menggan ma molo borhat hita hu luat on rappak rombongan, alana olo do sahat mar sajuta manang dua juta sewa ni sada kapal molo aneng tu inganan on, umbahen i asa lam ura sigararon ta, borhat ma hita marrombongan tu inganan on. Somal na, boi do siat mar saratus halak jolma di bagasan sada kapal. [1][2]
Na asing na boi di Ulahon di Inganan on
[patota | patota mualna]Molo ro hita tu inganan on, dang holan mangida Sampuran on sajo na boi ta ulahon, ias ni aek Tao Toba dohot pardabu ni aek na sian Sampuran on, mambahen akka jolma na ro sae aneng marlage do roha na. Somal na, akka na mabboan wisatawan to tu inganan on, di lehon nasida do baju pengaman asa boi mumbang akka wisatawan i di bagasan aek, di lehon do baju pelampun asa unang adong masa di akka wisatawan i naso na di halomohon roha. Akka nasida na marlange, di pangidohon do asa unang pa jolok tu tu pardabu ni aek na sian Sampuran i, ala gogo do par putar ni aek di toru i.
Songoni dohot akka na asing, ia anggo so taronjar rohana aneng marlae, boi do nasida hundul hundul sajo, manang makkail nasida di topi ni tao i, taringot tusi, dang sude akka parkapal ma newa hon alat alat na hombar tu akka pakkail, di pangidohon molo aneng ro tu inganan on jala adong rohana aneng makkail, dumenggan ma molo di boan nasida be akka alat alat na hombar tusi.[1]
Pranala Ruar
[patota | patota mualna]Pustaha
[patota | patota mualna]- ↑ 1.0 1.1 1.2 IDNTimes Sumut. (28 Juli 2024) - Indahnya Air Terjun Situmurun, Mengalir Langsung ke Danau Toba (Diida : 10 November 2024)
- ↑ 2.0 2.1 Atourin - Air Terjun Situmurun (Diida: 10 November 2024)
- ↑ 3.0 3.1 Kompas Medan (22 Mei 2020) - Keindahan Air Terjun Situmurun yang mengalir Turun ke Danau Toba (Diida: 10 November 2024)
- ↑ Detik Sumut (26 Juli 2022) - Wisata Air Terjun Situmurun, Air Terjun Ke Dana Toba. (Diida: 10 November 2024)
- ↑ Kumparan (4 Mei 2024) - Daya Tarik & Lokasi Air Terjun Situmurun yang ada di Danau Toba (Diida: 10 November 2024)