Jump to content

Singapura

Patota pangait
Sian Wikipedia
Republik Singapura
Republic of Singapore
新加坡共和国
சிங்கப்பூர் குடியரசு
Mandera Partanda
Logu habangsoan :
Majulah Singapura
Peta ni Singapura

Singapura, goar ojakna Republik Singapura (hata Inggeris : Republic of Singapore; hata Malayu : Republik Singapura; hata Mandarin : 新加坡共和国, pinyin : xīnjiāpō gònghéguó; hata Tamil : சிங்கப்பூர் குடியரசு, Surat Latin : Ciṅkappūr kuṭiyaracu) ima nagara pulo na maringanan di Asia Anggoni. Nagara pulo on maringanan diholangholang Indonesia di sabola Dangsina (Pulo Bintan, Pulo Batam dohot Pulo Karimun) dohot Malaysia di Utara na (Johor).

Bidang ni Sinngapura holan 721,5 kilo meter persegi, jadi nagara naumenekan di Asia Anggonia muse di portibi on.[1][2] Bahat ni halak di Singapura taon 2024, 6,04 juta halak.[1]

Etimologi

[patota | patota mualna]

Hata "Singapura" dienet sian hata Melaiu namarastuan "Kota Singa". Dijaman saonari, nagara on somal do dijou Kota Singa. Alai, sian turiturian angka napistar mandok molo ndang hea dipajumpang Singa di tano Singapura on. Adong dugaan molo nadibereng ni si Sang Nila Utama, napajonjongkon Singapura on, mamaereng babiat (harimo) do ndang Singa.[3][4]

Geograpi

[patota | patota mualna]

Adong hira 63 pulo di Singapura. Pulo nagodang diingani halak Singapura ima pulo Singapura namargoar ojakna Pulo Ujung, dienet sian hata Melaiu namarastuan dihata Indonesia "pulau ujung semenanjung Melayu". Adong opat pulo naumbalgaan sian pulo-pulo nametmet, ima pulo Jurong, pulo Tekong, pulo Ubin dohot pulo Sentosa. Inganan nagabe utimboan di Singapura ima buhit Timah Hill, hira-hira 166 meter sian bohi ni laut.[5]

Ekonomi

[patota | patota mualna]
Pelabuhan Singapura, sada pelabuhan na sibuk di portibi on

Singapura gabe sada nagara na maju di Asia Anggoni muse di portibi on. Singapura masuk ma mangihut Hong Kong, Korea Dangsina, dohot Taiwan gabe dijou dihata Indonesia didok "Empat Macan Asia", angka nagara maju napartubu ekonomina nalobi denggan sian nagara asingna.[6] Pasar ekonomi Singapura margantung tu ekspor dohot mangola barang impor, khususna manupaktur, mangola bahan natata gabe sada produk jadi naboi dipangke dihalouan ni jolma gano ari. Di taon 2025, hira-hira 15% Produk Domestik Bruto (PDB) ni Singapura ro na sian manupatur.[7] Ditaon 2005, dapot dope 20% PDB Sipngapura sian manupaktur.[8] Angka na diola i masuk ma barang elektornik, kimia, miak, teknik mekanik, dohot ilmu biomedis.[9]

Demograpi

[patota | patota mualna]

Populasi

[patota | patota mualna]

Bahat ni populasi Singapura taon 2025 ima 6.111.200 halak, data on diahut sian data pamarinta tson 2026.[10] Mamereng sian data 2024, adong martamba populasi on hira-hira 1,2%. Dung i, parsosot ni populasi dison bahatna 8.300 halak per meter persegi. Gabe Singapura ma sada bangso naunsosotan ruas na di portibi on.[10]

Suku bangso

[patota | patota mualna]

Halak Singapura ro sian marragam suku bangso. Data pamarinta taon 2025, tolu suku bangso na somal di nagara on ima halak Tionghoa, Melaiu dohot halak India. Bahat ni halak Tionghoa taon 2025 ima 73,95%, diihuti muse halak Melaiu bahatna 13,54%. Halak India bahatna 9,02%, dung i suku bangso na asingna bahatna 3,49%.[11]

Ugamo

[patota | patota mualna]

Marragam museng do ugamo ni halak Singapura. Data naimbaru taon 2026 sian pamarinta, halak Singapura namarugamo Buddha ma naumbahatan ima 30,9%. Mangihut muse marugamo Hakristenon bahatna 17,10%, dung i marugamo Islam bahatna 15%, mangihut marugamo Taoisme bahatna 7,30% dohot naparpudi marugamo Hindu bahatna 5,4%. Marugamo na asingna bahatna 0,4%.[12] Adong 23,9 halak na somarugamo manang dijou halak atheis. Bahat ni on martamba sian taon 2020 bahatna 20%.[12]

Pustaha

[patota | patota mualna]
  1. 1 2 "Singapura". setnasasean.kemlu.go.id. Diakses tanggal 10 Agustus 2026.
  2. ↑ Aisyah, Novia (21 Juli 2021). "Luas Negara Singapura yang Beda Tipis dengan DKI Jakarta". www.detik.com. Diakses tanggal 10 Agustus 2026.
  3. ↑ "Studying In Singapore". Search Singapore. Diarsipkan dari versi asli tanggal 2011-05-21. Diakses tanggal 10 Agustus 2026.
  4. ↑ "Sang Nila Utama" (PDF). 24hr Art. Diarsipkan dari versi asli (PDF) tanggal 2006-08-19. Diakses tanggal 10 Agustus 2026.
  5. ↑ "Heritage Trails: Bukit Timah Hill". Heritage trails. Diarsipkan dari versi asli tanggal 2010-02-05. Diakses tanggal 10 Agustus 2026.
  6. ↑ "Four Asian Tigers". studysmarter.co.uk. Diakses tanggal 10 Agustus 2026.
  7. ↑ "Q4 2025, Ekonomi Singapura Tumbuh 5,7% YoY Ditopang Manufaktur". indonesiasatu.co. Diakses tanggal 10 Agustus 2026.
  8. ↑ "Gross Domestic Product by Industry" (PDF). Singapore Department of Statistics. 2007. Diarsipkan dari versi asli (PDF) tanggal 2007-08-01. Diakses tanggal 10 Agustus 2026.
  9. ↑ "Singapore Manufacturing". www.trade.gov. Diakses tanggal 10 Agustus 2026.
  10. 1 2 "Population and Population Structure". www.singstat.gov.sg. Diakses tanggal 15 Agustus 2026.
  11. ↑ "Jumlah penduduk tetap di Singapura per Juni 2025, menurut kelompok etnis (dalam ribuan)". www.statista.com. Diakses tanggal 15 Agustus 2026.
  12. 1 2 "Report on the General Household Survey 2025" (PDF). www.singstat.gov.sg. Diakses tanggal 15 Agustus 2026.
Dijalo sian "https://bbc.wikipedia.org/w/index.php?title=Singapura&oldid=17902"