Stadion Teladan maringanan di Teladan Barat, Desa Kota Medan, Kota Medan, Sumatera Utara. Stadion Teladan dipajongjong di taon 1952 jala sidung di taon 1953 manomu-nomu ni Pekan Olahraga Nasional III. Stadion i dibahen asa boi manampung 40.000 halak. PSMS Medan dohot Pro Titan torop dope mamake stadion on tu partandingan bagasna di Liga 2. I taon 1996, Sampdoria, salah sada klub bola Liga Seri A, hea do mamakke stadion on laho partandingan persahabatan mangalo PSSI. Marluap ma natorop i sahat tu na masuk tu lapangan i.
Laho pajongjonghon stadion tu PON 1953, dipajongjong ma Badan Stadion Sumatera Utara tanggal 30 Juni 1952. T. M. Daudsjah gabe ketua jala E. D. Damanik gabe sekretaris. R. S. Danunegoro, na saonari martugas gabe kepala Dinas Pekerjaan Umum Provinsi Sumatera Utara, martanggung jawab tu proses pembangunan stadion i sandiri. Lokasi i dipillit Sultan Hamengkubuwono IX, ketua Komite Olimpiade Indonesia hatiha i. Di tanggal 17 Agustus 1952, ari ulang tahun kemerdekaan RI, gubernur Sumatera Utara mameakkon dasar pembangunan stadion i. Sasintongna stadion na baru i dipajongjong di bulan Desember 1952, ualu bulan dungkon i. Anggo stadion tu PON III, Liem Bwan Tjie ma perancang, jala ibana do na laos martanggungjawab tu desain ni Stadion Ikada di Jakarta di tikki PON II. Stadion on dipajongjong dohot biaya Rp6.000.000 tikki i. Pembangunan stadion on bahatan ibiayai tingon dana na ipapungu alak Sumatera Utara sacara kolektif. Baik parhauma, parkarejo, parsingkola, PNS, pengusaha, dohot na asing. Dung dipajongjong, Stadion Teladan adong lapangan bola na bolakna 70 x 75 meter di taon 1953[1]. Adong do lintasan marlojong na ganjangna 414 meter di humaliangna. Stadion on adong dua jenis tribun panonton. Tribun na so martarup i boi do disi 25.000 halak. Tribun utama na ganjangna 125 meter jala bidangna 15 meter, boi do disi 10.000 halak. Di toru ni tribun utama adong ruang wartawan, kantin, WC, ruang marganti, ruang khusus pemadam hagoran dohot polisi, ruang khusus petugas medis P3K, dohot ruangan na asing[2].
Stadion on gabe tuan rumah partandingan sepak bola internasional targodang, tarmasuk Piala Marah Halim (MHC) na taon 1972 sampe 1995. Gubernur Sumatera Utara Marah Halim Harahap, na manjabat tingon taon 1967 sampe 1978, ima pancipta MHC. Di mulana, marsiadu do angka klub nasional. Alai, acara on dibahen tu agenda FIFA taon 1974, jala klub-klub sian luar negeri pe mangihuthon i. Piala na dipertandingkan ima piala 1,5 meter na ditutupi dohot 6 kilo mas na ditongos langsung sian London. Di taon 1972, nunga sahat arga ni i tu Rp6.000.000 rupiah[3]. PSMS monang di partandingan i dua nol, i taon 1972 dohot 1973. Klub Jepang, Japang XI mambuat hamonangan di taon 1974. Australia Barat dungi monang, dungi Australia XI. Persija Jakarta Pusat dungi na monang, dungi Burma XI (1978 dohot 1979). Di taon na mangihut, nasida dipadomu dohot Bolanda XI, Korea Selatan XI, Jerman Barat XI, Al-Jaish (Baghdad), Korea Selatan XI, Yugoslavia Ameteur, Jepang XI, FC Wageningen, Cina XI, jala parpudi Medan Jaya.
Dung jongjong saleleng 70 taon, Stadion Teladan ingkon lengkap do direnovasi di taon 2024. Renovasi on diulahon marhite pangurupion ni Kementerian PUPR dohot Pamaretta Kota Medan, dohot anggaran Rp 510 miliar. Dipauli ma muse stadion i asa boi hombar tu standar FIFA. Tagamon do pembangunan Stadion Teladan on boi sae di bulan Oktober 2024. Kapasitas stadion on ditambai sian 15.000 gabe 20.000 panonton dohot kursi tunggal. Pembangunan ulang stadion on ndang holan pamagohon lintasan atletik di bagasanna, alai dohot do manamba godangna halak da boi di stadion i[4][5].
Guus Hiddink1971, PSV Eindhoven na pemainna hatiha i ima Guus Hiddink. PSMS Medan vs PSV Eindhoven ima partandingan perdonganon tanggal 14 Juni 1971 di Stadion Medan Teladan. Di partandingan i, gok do Stadion Teladan ala adong 40.000 halak na manonton. Jala ingkon unduk do PSMS Medan marhite na mangaloas lima gol tu PSV Eindhoven.[6]
1975, ro ma Ajax dohot skuad utamana tarmasuk bintang na mamboan Ajax tu Piala Juara UEFA 3 hali marturut-turut sian taon 1971 sahat tu taon 1973 songon kiper Heinz Stuy, Barry Hullshoff, Gerie Muhren, Arie Haan, Ruud Re Krol, Jhonp Wim Suurbier, Ruud Gels, Horst Blankenburg dohot Jan Mulder. Asing ni i, Ajax pe mamboan kiper timnas Bolanda, Piet Schrijvers. Skuat Ajax taon 1975 ipelatih ni Bob Haarms dot tim Ajax totop talu tu tim PSMS Medan.
1996, klub Sampdoria pe dohot do martanding di Stadion Teladan mangalo Timnas Indonesia. Di partandingan on Timnas Indonesia monang dohot skor 2-1.
16 September 1979, tingki Adi Bing Slamet di iringi angka artis muda, ima Iyut Bing Slamet dohot Ira Maya Sopha, patupahon konser di Stadion Teladan. Ndang tarhalang be angka panonton na marlojong i. Stadion i robung, saotikna 9 halak mate ala marsigulut.[7]
Hira na ditutupi atap do sude tribun di stadion on. Alai, holan di Tribun Pastina dohot Tribun Purba do dapot atapna. Tagan na i, molo idaon sian bagasan, Stadion Teladan tarida songon na dirancang songon godangan stadion klub bola Liga Inggris (EPL). On martudutudu tu jonok ni panonton dohot adaran. Tagan na i muse, songon na binoto, saonari on jarak ni lapangan dohot panonton songon lintasan lari manang infrastruktur olahraga atletik do idaon. Jala menara na gabe ciri khas Stadion Teladan on maringanan di pintu utama. Dung i, desain luar Stadion Teladan adong onom tikungan, polana songon porngis na marpungu, adong filosofi nai, i ma hasadaon dohot kerjasama. Asing ni i, onom tikungan on laho paingothon komitmen ni onom klub na margabung gabe PSMS Medan. Di stadion on boi do warga Medan menikmati ruang terbuka umum di area di jolo ni Stadion Teladan[8].
,_p703.jpg)
.jpg)