Sunge Asahan

Sunge Asahan ima sada Sunge na gajjang na 147 Kilometer, maringanan ma di Kecamatan Bandar Pulau, Kabupaten Asahan on di Provinsi Sumatera Utara, Indonesia. Haroro ni aek na adong di Sunge Asahan ima na sian aek Tao Toba jala ma molus ma i sian Huta Porsea, na di Kabupaten Toba sahat ma i di ujung na ima na di Teluk Nibung na di Kabupaten Asahan.^[1]

Dao ni pardalan tu Sunge Asahan

Alani nungga godang akka jolma di luat portibi on na mannada Sunge on, tar lumobi akka na marlomo ni roha tu Olah Raga Arumjerem, tab baen ma barita pardalan sian bandara sahat tu Sungen on, Asa sahat tu sunge on, molo sian Medan adong dua dalan na somal di dalani ima, na parjolo Sian Bandara Kualanamu na di Medan, manorus ma tu Bandar Pulau, jala di uduti ma muse tu Huta Tangga na dao na hira hira 90 kilo meter, molo sian Bandara i, hira hira 4 sahat tu 4,5 jom ma pardalanan.

Na paduahon, Sian Kota Medan ma molus tu huta Porsea, leleng na 5 sahat tu 6 jom, saleleng di pardalanan hita, boi ma ta ida akka akka pamndangan na uli jala bagak ima akka huta di pinggir ni Tao Toba.^[1]

Olah Raga Arum Jeram di Sunge Asahan

Alani balga ni aek na, ima aek na ro sian Tao Toba, Sunge on nungga be godang di tadda akka jolma na sian akka bangso na asing, tarlumobi nasida na marlomo ni roha di olah raga Arumjerem, dang na sahali dua hali be Sungen Asahan on di bahen gabe inganan lao marlubba, alai nunnga tung jotjot be on dibaen laho inganan marlubba, sampe parohon akka bangso na asing, songon na i baritahon, Sungen on nomor tolu ma na umbagak laho inganan mar arum jeram di sandok portibi on.^[2]

Piga piga Impola ni Sunge Asahan

Mabbaen Arus ni Listrik

Songon na di baritahon, Aek ni sunge asahan on nungga di pakke laho mammbaen Arus ni Listrik na boi laho di pakke akka jolma di parngoluan nasida siganup ari. Marhite hite PLTA ima na di Sigura-gura na di karejoi par PT. Inamum, boi ma adong arus ni listrik sahat 286 MW^[3]^[4]

Inganan Marwisata

Hahaadaongan ni Sungen on, adong do piga piga inganan na gabe inganan marwisata, songon Sampuran Ponot, alai molo na gumodang di tadda ni akka par bangso na asing, ima wisata Arum Jeram Sunge Asahan.

Inganan Mabuat Dekke

Alani godang ni aek na umbahen gabe godang do muse Dekke na boi di dapot sian Sunge on, adong do piga piga dekke na jotjot di dida jala di dapot sian Sunge on, songon dekke Jair, Kepala Tima, Dekke Saribu, Dekke Sepat, Dekke Mas, Dekke Haruting, dohot akka dekke dekke na asing.^[5]

Bereng muse

Pranala Ruar

iNews
HumasIndonesia.id
Website Resmi Kabupaten Asahan^[6]

Pustaha

[:0-1] 1.0 ^1.1 https://www.inews.id/travel/read/terbaik-3-dunia-dinginnya-arung-jeram-sungai-asahan-menusuk-tulang?sub_slug=destinasi

[2] ttps://www.inews.id/travel/read/terbaik-3-dunia-dinginnya-arung-jeram-sungai-asahan-menusuk-tulang?sub_slug=destinasi

[3] ttps://www.liputan6.com/bisnis/read/3187817/jadi-jantung-inalum-plta-siguragura-bakal-lebih-efisien

[4] ttps://humasindonesia.id/berita/energi-berkelanjutan-dari-sungai-asahan-2393

[5] ttps://medan.tribunnews.com/2014/02/15/ada-22-spesies-ikan-di-sungai-asahan

[6] ttps://portal.asahankab.go.id/tempat-wisata-di-kabupaten-asahan/

[1]

[2]

[3]

[4]

[5]

[6]