Tapian Pariban
Tapian Pariban i ma sala sada inganan laho marwisata na tarbarita di Berastagi, Sumatera Utara, Maringanan di toru ni Dolok Sibayak. Inganan on menawarhon bitik marsonang na imbar dohot panatapan lung na somal.
Halobian
[patota | patota mualna]Tapian on menawarhon lima ambar aek na mohop na marragam suhu, jala boi do partandang mamillit hombar tu lomo ni rohana. Hadirion ni aroma belerang di ambar lange na mangalehon panambahan hasehaton, songon na paholanghon ketegangan otot dohot paturehon sirkulasi ni mudar. sing ni i, boi do angka partandang mangatimi pasilitas na pungu isara ni inganan parmeaman, pondok-pondok laho marnonang, taman, kantin dohot inganan parbornginan.[1][2]
Pasilitas
[patota | patota mualna]Tapian Pariban menawarhon marmansam pasilitas na dibahen laho patuginjang hamenakon dohot bitik ni partandang. Pasilitas na adong dison:
Pasilitas na lopok
- Ambar Aek Mohop : Adong lima ambar lange na marasing suhuna, na mambahen partandang boi mamillit hombar tu lomo ni rohana.[3]
- Waterboom: Inganan marmeam aek na dame di angka dakdanak, dipungui dohot marragam wahana marmeam aek.[3][2]
- Ruang Gonti dohot WC Umum: Adong do pasilitas dasar songon kamar gonti, WC dohot ruang bilas asa mura diida angka partandang.[3][4]
- Mushola : Tarsadia do di angka partandang na naeng patupahon ibadah.[3][4]
Pasilitas angkup
- Kode : Diparade do ragam ni sipanganon khas Medan, tarmasuk ma i angka pinilitan kuliner na asing.[3][2]
- Parkir na balga: Gabe mura ma angka partandang na mamboan kendaraan pribadi.[3][4]
- Porlak Parmeaman Dakdanak : Inganan Marmeam na pas tu dakdanak, tarmasuk inganan marmeam dohot kelinci.[3][2]
- Sewa ATV: Boi do disewa partandang ATV laho mardalani di inganan paridian jala mura do dijalo.[3][4]
Inganan parbornginan
Balebale : Adong do inganan na denggan di angka partandang na naeng marborngin di inganan on, jala marragam do argana.[2][4]
Rute Pardalanan
[patota | patota mualna]Asa boi sahat tu Tapian Pariban sian Medan, boi do diihuthon hamu:
- Mulai sian Medan : Buat dalan laho tu Jl. Jamin Ginting.
- Laho tu Berastagi : Pardalanan sian Medan tu Berastagi hira-hira 1-2 jom, targantung kondisi dalan lalulintas. Jarakna hira-hira 58-70 km.
- Torus tu Pariban: Dung sahat di Berastagi, ditorushon ma pardalanan hira-hira 30 menit tu Tapian Pariban na maringanan di Desa Dolok Tondi, Kecamatan Merdeka, Kabupaten Karo. Luat ni tapian on di sabola siamun dalan molo ro sian Medan.[3]
Transportasi
- Kendaraan Pribadi: Manggunahon motor manang kareta do cara na ummura jala jenges laho sahat tu inganan on.
- Transportasi Umum : Boi do muse mamangke transportasi umum tu Berastagi dung i torus ma martaksi manang marojek tu Tapian Pariban.
Suratan
- Pastihon ma asa diida hamu dalan dohot cuaca andorang so borhat, tarlumobi ala dalan laho tu paridian i, dalan na manaek jala na marliku-liku.
- Dibuka do tapian on 24 jom, jadi boi do hamu merencanahon kunjunganmuna hombar tu tingki na dihalomohon rohamuna.[4]
Siulaon tu angka dakdanak
[patota | patota mualna]Tapian Pariban paradehon ragam ni ulaon na dibahen khusus tu dakdanak, mambahen inganan i gabe inganan na denggan tu keluarga. On ma pigapiga ulaon na boi diulahon dakdanak di inganan on:
- Waterboom: Adong do inganan waterboom na marragam wahana marmeam aek na aman di dakdanak. Aek di taman waterboom on aek na tawar do, jadi aman do i dipangke laho marmeam dohot marlange Adong do paniroi ambar lange laho memastihon parhorasan ni dakdanak tingki marmeam.[1][3]
- Luar Parmeaman Dakdanak : Di tapian on, adong do inganan manang inganan parmeaman na dibahen hoding tu dakdanak, asa boi nasida marlas ni roha huhut menikmati suasana alam suasana lung.[3]
- Marsair dohot Kelinci: Boi do dakdanak marmeam jala marsaor dohot kelinci na dipalua di lung na liar di humaliang ni inganan paridian. On mambahen nasida gabe marsiajar jala marlas ni roha.[3]
- Marmeam ATV: Molo dakdanak na magodang, adong do pasilitas sewa ATV. Ulaon on menawarhon bitik mangusung di trek na menantang, mangasangi siingoton na pinasonang.[3]
Jam Bungka dohot Arga Karsis
[patota | patota mualna]Dibuka do inganan tapian i 24 jom sadari, jala boi do angka tamu mangatimi pasilitas i manang sadihari pe. Arga ni karsis bogot na mansai mura do, i ma Rp 15.000 par halak di ari minggu jala Rp 20.000 tingki akhir pekan. Ongkos panambai aho manyewa balebale i ma sian 25.000 rupiah sahat tu 60.000 rupiah, jala ongkos sewa ATV 25.000 rupiah saleleng dua putaran husoron.[1]
Tapian Pariban dang holan menawahon marsonang alai dohot do bitik na tabo di lingkungan lung na jenges, mambahen i gabe pilihan na denggan laho marnonang jala mangatimi hajengesan lung Sumatera Utara.
Pustaha
[patota | patota mualna]- ↑ 1.0 1.1 1.2 Detik Sumut (9 Mei 2024). Nikmatnya Berendam Air Panas dengan Pemandangan Alam Di Pariban portal detik.com diakses pada 26 November 2024
- ↑ 2.0 2.1 2.2 2.3 2.4 Gramedia (23 Janurari 2024). Pemandian Air Panas Pariban, Destinasi Wisata Favorit di Sumut!portal gramedia.com diakses pada 26 November 2024
- ↑ 3.00 3.01 3.02 3.03 3.04 3.05 3.06 3.07 3.08 3.09 3.10 3.11 3.12 Medan 88 (5 Maret 2024).Pariban Medan : Daya Tarik, Lokasi, Jam Buka, dan Fasilitas portal medan88rentcar.com diakses pada 26 November 2024
- ↑ 4.0 4.1 4.2 4.3 4.4 4.5 DnD SandyRa (23 Oktober 2022). Pariban, Pemandian Air Panas Berlatar Gunung Sibayakportal dndsandyra.com diakses pada 26 November 2024