Terminal Amplas
Terminal Amplas ima sada Terminal Bus Tipe A na adong di Kecamatan Medan Amplas, Kota Medan, Provinsi Sumatera Utara, Indonesia. Adong tolu pambagian ni jenis Terminal, ima Terminal Tipe A, Terminal Tipe B, dohot Terminal Tipe C. Na di dok na Terminal Bus Tipe A, ima terminal na haroro na laho mangaladeni panumpang umum Angkutan Antar Kota Antar Provinsi manang idok ma i AKAP, jala mangaladeni angkutan lintas batas antar negara, angkutan antar kota dalam Provinasi manang AKDP, dohot mangaledeni angkutan kota manang AK songoni nang dohot angkutan pedesaan ADES. Sian na tolu tipe i, akutan Tipe A ma na umbalga sian na tolu i.[1]
Naniju Hasahatan Sian Terminal Amplas
[patota | patota mualna]Akka Bus na adong di Termina Amplas on somal ma i marhalado pardalanan Antar Provinsi, songon Riau, Sumatera Barat, Jambi, Sumatera Selatan, nang dohot Lampung. Jala Terminal amplas on marhalado do muse trayek to kota kota na balga na adong di Pulo Jawa marhite hite laut gonting Sunda, songon Kota Banten, Jakarta, Jawa Barat, Jawa Tengah, Yogyakarta nang dohot kota Jawa Timur. Terminal Amplas on nuaeng nungga be di tiop BPTD manang idok ma i Badan Pengelolah Transportasi Darat, ima na di uluhon ama Eben Ezer Haposan,SE songon na gabe Pengawas Satuan Pelayanan TTA Amplas di Terminal Amplas on.[2]
Dipadenggan Pamaretta
[patota | patota mualna]Terminal Amplas on sanga do di pature / di padenggan pamaretta asa lam tu bagak na akka fasilitas na adong bibagasan terminal on, dibaen do akka bahen bahen na denggan asa boi Terminal Amplas on dos tu Bandar Udara, godang ni hepeng ni pamaretta na di haruar hon laho padenggan hon Terminal on, ima Rp. 42,8 Milliar, jala di karejoi ma hi leleng na tolu taon, mulai na sian taon 2020 sahat tu taon 2022 naung salpu.
Dipaojok Presiden Jokowidodo
[patota | patota mualna]Dung sae di padenggan Pamaretta Terminal on, diojakkon ma di na taon 2023 naung salpu, di tanggal 9 Februari, ima na dipaojak amang Presiden Jokowidodo na rappak pangojakonon na dohot Terminan na adong di Kota Siantar, ima Terminal Tanjung Pinggir Tipe A. Bolak ni Terminal Amplas on, hira hira 20.162 Meter persegi, alana holan balga ni bagunan na pe bolak na hira hira mar 15.037 meter persegi.[3]
Pranala Ruar
[patota | patota mualna]Daptar Pustaha
[patota | patota mualna]- ↑ AcehProv.go.id (31 Januari 2018). Taukah kamu perbedaan Terminal Tipe A, Tipe B, dan Tipe C? (Diida: 21 November 2024 - 09.00 Wib)
- ↑ DepHub.go.id. Terminal Terpadu Amplas (Diida: 21 November 2024 - 09.11 Wib)
- ↑ Kompas.com (09 Februari 2023). Jokowi Resmikan Terminal Amplas di Medan, Ketahui 7 Faktanya. (Diida: 21 November 2024 - 09.34 Wib)