Jump to content

The Plaza Millenium

Tamba pangait
Sian Wikipedia

The Plaza Millenium i ma pusok parbalanjoan na tarampe di Jl. Kapten Muslim No. 111, Medan Helvetia, Medan, Sumatera Utara. Ditanda songon salah sada mall na timbil matua di Medan, Plaza Millennium dibungka di tanggal 9 Desember 1999 jala di mulana digoari Millennium ICT Center. Di taon 2022, plaza on di bahen merek na imbaru jala saonari digoari do Plaza Milenium dohot tema "Now You Can Eat, Meet & Shop Beyond Your Imagination".[1][2]

Parubaon

[patota | patota mualna]

Proses parubaon sian Millenium ICT Center tu The Plaza Millenium mangalibathon pigapiga langka na strategis dohot partahian na manat. Di toru on ma rincian ni prosesna:

Millenium ICT Center dipajongjong di taon 2000 ansiat pusok pangurupion tu gadget dohot elektronik. Taon 2013, goar ni plaza i diganti gabe MICT asa boi patuduhon pokus tu tehnologi surirang dohot komunikasi.[3][2] Dohot parhambangon era digitalisasi hamubaon haporluon pasar, manajemen manyadari ringkot ni parumbukhon asa tongtong relevan.[2][3] Pandemi on pe mambahen lam hatop porlu manguba dohot mambahen inovasi di bisnis. Goar "Millenium" mampunai nilai turiturian di angka halak Medan, ala ni i diputushon manajemen ma mampartahanhon unsur on di parubaon.[2][3]

Proses Parubaon :

  • Tanggal 27 Oktober 2022, dibahen ma ulaon boaboa tu paojakhon logo na imbaru ni The Plaza Milenium. Siulahon on gabe pananda mula ni pargontion merek dohot konsep na baru.[3][1]
  • Plaza on di patandahon dohot tema "Now You Can Eat, Meet & Shop Beyond Your Imagination," na mangondolhon bitik partobo na dumenggan dohot pokus tu sipanganon, parpunguan dohot balanjo. Laos tarmasuk do i tu pangambangon luat digital na menarik tu masyarakat na malo marteknologi.[2][3]
  • Asing ni perubahan goar dohot logo, Plaza on pe mandalani parubaon desain bagas dohot luar, songon i nang tamba ni fasilitas na imbaru songon inganan parmanganan na modern, ruang rampak karejo, inganan parmeaman dohot tehnologi VR, dohot ruang na balga kapasitasna laho bahenon ulahon MICE (Meetings, Incentives, Conventions & Exhibitions).[1][3]
  • Manajer mambungka peluang asa boi rap karejo dohot marmansam punguan dohot instansi laho patupahon ulahon dohot promosi na rutin, asa lam godang partandang, tarlumobi generasi milenial.[1][2]

Rangrangan

[patota | patota mualna]

The Plaza Millenium di rangrangi songon luat digital na mangalehon :

  • Produk Elektronik: Pokus utama ni plaza on ima panjualan ulaula elektronik dohot ulaula komputer.
  • Haporluon Sadari Ari : Plaza on pe paradehon ragam ni haporluan siganup ari songon habagakon dohot sipanganon
  • Angka Ulaon : Plaza on jotjot dipangke laho mangatur marragam siualon, na manarik angka partandang sian marragam halak.

Angka Siulaon

[patota | patota mualna]

The Plaza Millenium jotjot patupahon ragam ni ulaon na manarik laho mangai partandang dohot patoguhon parpunguan. Di toru on ma pigapiga ragam ulaon na hea dipatupa:

  • Ganup taon, Plaza Milenium mamestahon ari ulang tahunna dohot rangkaian siulaon songon di parayaan ulang taon na pa 23 hon di bulan Desember 2023, Marragam do ulaon dipatupa songon Pangurupion sosial, lumba mawarnai, dohot lumba K-POP dance.[4]
  • Plaza on pe jotjot mambahen lumba tu angka dakdanak dohot naposo songon mawarnai, kolase, dohot angka ulaon na lain.[2]
  • Plaza Millenium on pe mambahahen angka ulaon na mangolophon sosial songon donor mudar, pamaresaon hasehaton gratis, rap karejo dohot angka organisasi hajolmaon.[4]
  • Ulaon songon turnamen game Mobile Legend dohot lumba cosplay jotjot do dipatupa laho manarik partandang sian angka naposo dohot na lomo margame.[4][2]
  • Mall on jotjot gabe inganan patuduhon produk na baru sian panyewa naung adong, tarmasuk gadget na baru, dohot kuliner na tabo.[2][3]

Angka Panyewa na Bongal

[patota | patota mualna]

Pangkean dohot Aksesoris

  • Zara : Merek Internasional na tarbarita alani koleksi pahean na bergaya.
  • H&M: Menawarkan pahean dohot aksesoris na mardesain modern jala arga na tardungdung.
  • Matahari Department Store : Sala sada toko na balga di Indonesia, na paradehon marmansam produk.

Kuliner

  • KFC: Restoran hatop saji na tarbarita alani menu manuk gorengna.
  • Pizza Hut: Diparade do pizza na marragam pinilitan topingna.
  • Starbucks: Kafe na tarbarita na mangalehon marragam kopi dohot jajanan.
  • Es Teler 77: paradehon marmansam menu kuliner lokal.

Elektronik dohot Gadget

  • iBox: Toko resmi ni produk Apple, na menawarhon marragam alat dohot aksesoris.
  • Elektronic City : Paradehon marragam barang elektronik sian marragam merek.

Apulan

  • Milenium XXI: Bioskop na patuduhon film na baru.
  • Zona Waktu: Pusok parmeaman na adong marragam parmeaman arcade.

Habagakan dohot Hasehaton

  • Guardian: Apotek na paradehon produk hasehatan dohot habagakan.
  • Johnny Andrean: Salon habagakan na tarbarita di Indonesia.

Toko Swalayan

  • Transmart Carrefour: Toko swalayan na balga na paradehon angka na porlu siganup ari.

Pustaha

[patota | patota mualna]
  1. ↑ 1.0 1.1 1.2 1.3 Pergi Yuk. Informasi Plaza Millenium portal pergiyuk.com diakses pada 24 November 2024
  2. ↑ 2.0 2.1 2.2 2.3 2.4 2.5 2.6 2.7 2.8 Harian SIB (29 Oktober 2022). MICT Rebranding Jadi The Plaza Millennium portal hariansib.com di akses pada 24 November 2024
  3. ↑ 3.0 3.1 3.2 3.3 3.4 3.5 3.6 Sumut pos (24 November 2024). The Plaza Millenium, Konsep Eat, Meet & Shop Bertema Digital Segera Hadir di Medanportal jawapos.com diakses pada 24 November 2024
  4. ↑ 4.0 4.1 4.2 Waspada (9 Desember 2023). 23 Tahun The Plaza Millennium Bertransformasi Menjadi Mall Lebih Modernportal waspada.id diakses pada 24 November 2024
Dijalo sian "https://bbc.wikipedia.org/w/index.php?title=The_Plaza_Millenium&oldid=10851"