Tortor
Tortor (hata Indonesia: Tari Tortor) ima sada tortot sanga tumba (tarian) purba na adong di halak Batak Toba namaringanan di tano Batak sanga Tapanuli, lumobi di kabupaten Tapanuli Utara, Humbang Hasundutan, Toba, Samosir, Tapanuli Tonga dohot kota Sibolga di propinsi Sumatera Utara, Indonesia. Totor muse dipangke halak Batak Angkola dohot Batak Mandailing na adong di kabupaten Tapanuli Dangsina, Padang Lawas, Padang Lawas Utara, kota Padang Sidempuan, dohot Mandailing Natal.[1]
Astuan[patota | patota mualna]
Dibagasan Kamus Bahasa Indonesia, Tortor, diartihon " tarian suku Batak yg dilakukan pd upacara menggali tulang-belulang leluhur, diiringi musik dengan gendang, seruling, dan sebagainya " astuanna tu hata Batak Toba, sada tumba sian halak Batak dipangke tingki paradaton mangongkal holi ni ompung sijolojolo tubu. Di Tortor i, diihuthon musik dohot gondang, suling, dohot naasing na.[2]
Tanda halobianna[patota | patota mualna]
Tortor gabe sada tumba dibahat horja adat na diihuthon marhite-hite musik gondang. Tortor on dohot musik gondang gabe sada paket na daong boi dipaasing, adong gondang jala ingkon disi adong muse tortor na. Molo padalanhon tortor on, parjolo-jolo, tuan rumah manang sipambahen horja na dijou Hasuhutan, ingkon adong marhobas ima na na nidok Tua ni Gondang.[3]
Dibagasan tortor on ma, sada parwakilan sian hasuhutan namabahen horja, mangido tu parmusik gondang asa padalanhon musikna i. Adongma hata na ingkon didok hasutuan tu parmusik. Umumna, hata nanidok ima parjolo didok "Amang pardoal pargonsi", mangihut ma hata satorusna:
- "Alualuhon ma jolo tu ompungta Debata Mulajadi Nabolon, na Jumadihon nasa na adong, na jumadihon manisia dohot sude isi ni portibion."
- "Alualuhon ma muse tu sumangot ni ompungta sijolojolo tubu, sumangot ni ompungta paisada, ompungta paidua, sahat tu papituhon."
- "Alualuhon ma jolo tu sahala ni angka amanta raja na liat nalolo."
Poda[patota | patota mualna]
Pandok ni Togarma Naibaho, ima napajongjong Sanggar budaya Batak, Gorga, ingkon adong tolu poda nadidapot sian tari Tortor. Poda na didapot i ima:[4]
- Poda parjolo ima marhabiaraan dohot pangoloion tu Debata. Tingki tari dang dope dipungka, ingkon adong musik pelean tu Debata Mula Jadi Nabolon.
- Poda paduahon ima ritual tu ompunta sijolojolo tubu dohot angka namangolu nadihormati.
- Poda patoluhon ima tu angka jolma na ro tu paradaton i.
Pustaha[patota | patota mualna]
- ↑ Tari Tortor, Tarian Tradisonal Sumatera Utara, www.kompas.com, Diakses tanggal 22 Januari 2022
- ↑ Arti Kata "tortor" Menurut KBBI, www.kbbi.co.id, diakses 27 Mei 2021
- ↑ Tari Tortor, Sejarah, Jenis dan Gerakannya, www.bobo.grid.id, Diakses tanggal 22 Januari 2022
- ↑ Mengupas Sejarah dan Makna Tari Tortor, www.nationalgeographic.grid.id, Diakses tanggal 22 Januari 2022