Ulos Ragi Hotang

Ulos Ragi Hotang ima sada ulos ni bangso batak, somal na di pasahat / di lehon di tingki pesta pangolian na somal di dok Ulos Hela.

Impona ni ulos na di pasahat

ia di tingki di lehon / di pasahat Ulos Hela, massam do ragam ni olos na di pakke na gabe ulos hela, alai somal na Ulos Ragi Hotang ma na di baen na gabe Ulos Hela. impola ni di pasahat ulos i, ima asa lam hot jala togu ma songon hotang (rotan) tondi ni halak na dua gabe sada dibagasan ni pesta pangolian i.

sara pasahathon ulos

somal na di pesta pangolian ni bangso batak, tarlumobi ma batak toba, molo aneng pasahathon Ulos Ragi Hotang on, di erbanghon ma sian siamun ni bawa na mangoli sahat tu bariba ni borua na gabe parsinonduk na di pesta pangolian i, jala somal na di erbanghon ma ulos on tibbo sa abara ni na mangoli.

ujung ni ulos na di siamun di tiop sipangoli bawa pakke tangan siamun na, jala ujung ni ulos na di hambirang di tiop sipangoli boru pakke tangan hambirang na jala di padomu ma di tongan ni andora (somal na di ikkat ujung ni ulos i).

ia tikki na jolo, hotang (rotan) do na somal dibahen akka sijolo-jolo tubu na gabe pangikkat ni sada sada si ikkaton, ala takka do taboto ia hotang tung massai gogo do jala bagak molo ibane gabe pangikkat, on do na di gombarhon ni Ulos Ragi Hotang on di bagas ni hangoluan ni bangso batak toba.