Buhit Cinta Huta Silalahi II
Wisata Bukit Cinta Huta Silalahi II, manang Buhit Cinta Silalahi i ma sada inganan laho marwisata na maringanan di huta Silalahi II, Kecamatan Silahisabungan, di Kabupaten Dairi, Sumatera Utara.
Inganan ni Bukit Cinta Huta Silalahi II
[patota | patota mualna]Bukit Cinta on sahira dolok-dolok na metmet do, martubuan do ilalang hot angka gajut-gajut dibagasan na, jala adong do piga piga batu na balga di bagasan Bukit Cinta on, On do asa jadi jala olo mambahen angka roha ni naposo sai mian naeng to son. Pamandangan dolok do di pudina molo manatap hita tu tao, sian Bukit Cinta on boi do muse hita mangida Tao Toba jala mansai uli do rupa ni tao i molo ta ida sian Bukit Cinta on. Alogo na mangullus mansai lambot bagak ma i tingki na molo ro hita tu inganan on. dua jom do pardalanan sian Kabupaten Dairi, Sidikalang lao tu inganan on, jala holan sahira satonga jom do molo sian huta na mare di Kecamatan Silahisabungan.[1]
Mula ni goar ni luat on
[patota | patota mualna]Taringot tu goar ni luat on, dang adong sada pe na boi si tiopon sada sada barita sian dia mula ni goar ni luat on, molo di angka parhuta Silalahi, jotjot do di dok goar ni inganan on Simangallu manang goar na asing, alai molo taringotton tu goar Bukit Cinta, dang adong na tota mana binoto sitohona sian dia mula ni goar i. Alai angka na ro marwisata mandok goar na i dibahen ala bagak ni luat i, jala tabo pakkilalaan molo ro marwisata do si.
Dibahen gabe Inganan Margombar pra-wedding
[patota | patota mualna]Tung mansai godang do ro angka naposo na aneng marsangkap aneng mambahen ruma tangga naibbaru ro tuson lao marpoto-poto, ima na aneng mar poto Prawedding nasida, ai dang hinata tutu mansai uli do inganan on lao dibahen inganan marfoto, Sian taon 2022 sahat tu taon 2024 tung mansai godang do angka naposo ro tu inganan on, adong ma i na sian huta na asing, huta na dao, songon par huta Kabenjahe, par huta Simalungun, par huta Lubuk Pangkam, suang songoni dohot angka parkota Medan. Adong do sada artis ni halak toba, ima parende mar marga Hutasoit na margoar si Osen Hutasoit na mambahen logu "Ganjang Ma Umur mi" dohot logu "Tarpaima", hea do mambahen sada sada pidio di Bukit Cinta on lao gabe pidio ni logu na naimbaru tingki i. Lam go situtu ma na umbotosa inganan Wisata Bukit Cinta on alani pidio ni lagu na i. Inganan on boi dohonon songon silajolo dope, dang dope moderen alana memang so piga dope adong dison angka bangunan na adong, adong pe angka parjual siallangon dohot simunumon, na boi kiraon dope anggo nasida, on do muse ubbaen asa songon na tabba bagak inganan on.[2]
Sigararon laho mangida Bukit Cinta Huta Silalahi II
[patota | patota mualna]Sampe hu si sonari on, ima di bulan sabolas taon 2024, dang adong dope boa boa na tota sian manang ise pe, manang angka naposo parhuta i, manang pamarenta di luat i, manang pamarenta sian Kabupaten Dairi taringotton tu sigararon molo aneng ro hita tu Wisata Bukit Cinta Huta Silalahi II on, sahat tu sanari on, bohi ma dohonon dang adong sigararon manang aha pe taho molo ro tu inganan on, molo dihata Bahasa Indonesia, idok ma i Gratis.[2]
Pangidoan ni pamarenta tu angka namarwisata
[patota | patota mualna]Siala ni dang adong manang aha sigararon molo ro hita tu luat on, arop do rohani angka pamarenta, tarlumobi ma i pamarenta ni Huta Silalahi II marhite hite kampung na asa sude angka na ro marwisata tu luat Wisata Bukit Cinta Silalahi II on asa dohot nasida saluhut na paiasson angka sisa sisa siallangan na iboan nasida, jala rade ma rohana papunguhon dohot mabbalokkon sisa sisa na i hu inganan na denggan.
Pranala ruar
[patota | patota mualna]Pustaha
[patota | patota mualna]- ↑ DairiKab.go.id Silalahi II (Diida: 29 November 2024 - 09.03 Wib)
- 1 2 TimeSumut.com Bukit Cinta Silalahi Destinasi Instagramable yang Menyimpan Keindahan Alam di Sumatera Utara (Diida: 29 November 2024 - 09.04 Wib)