Andaliman

Andaliman

Andaliman, tuba manang itir-itir (Latin: Zanthoxylum acanthopodium DC) ima bumbu tandi sian Asia na marasal sian sisik ruar ni parbue sasadia suansuanan Zanthoxylum (suku jeruk-jerukan, Rutaceae). Di Indonesia, Andaliman on holan adong di tano Batak jala itanda holan lompalompaan Batak. Alani i, jotjot do Andaliman on didokhon merica batak. Marnangon do Andaliman on pamagohon angir ni dengke na tata mambahen andaliman on gabe bumbu ambulan lompalompaan ni halak Batak songon arsik, saksang dohot na asing. Anganggoanggo ni Andaliman hera unte alai ris siak do molo didai jala mambaen maniak. Di Indonesia, godang do Andaliman on tubu riar di harangan dohot ramba songon di Kabupaten Toba, Kabupaten Samosir, Kabupaten Tapanuli Utara, dan Kabupaten Dairi. Molo di Simalungun holan adong 3 kecamatan penghasil andaliman ima kecamatan Raya, Dolog Masagal dohiot Purba.

Karakteristik ni Bona

Bona ni andaliman boi tubu olat ni lima meter. Tu parkaro partumbuhanna, bona ni andaliman boi tubu di surduk ruas holangholang 15°C - 18°C di hatimboon 1.200 - 1.500 meter di ginjang ni sisik laut. Sasara morfologi, bona ni andaliman digoki suga di sude bona dohot bulung na mampar, bahat menyirip gasal, martampuk huhut marisi kelenjar miak. Borna bulung danakna pe tuk unik, dibuha sian borna ijo di turpuk ginjang sahat tar kemerahan di turpuk toru. Bona ni andaliman marboras dohot boi digotil dung marumur sada satonga taon.

Panggoarion

Di bahasa Mandarin andaliman diboto songon huājiāo. Molo halak Jepang mandok andaliman sanshō (山椒), alai dianggo halak Korea diboto songon sanchonamu (산초나무, Z. schinifolium) manang chopinamu (초피나무, Z. piperitum). Halak Tibet, Nepal, Bhutan, dohot India di tanda do andaliman. Di bahasa Inggris goar na tarbarita ima Sichuan pepper. Goar na asing sian andaliman ima Szechwan pepper, Chinese pepper, Japanese pepper, aniseed pepper, Sprice pepper, Chinese prickly-ash, fagara, sansho, Nepal pepper, dohot Indonesian lemon pepper.

Sahat tu sadarion godang do goar ni andaliman mangihuthon huta. Alai goar ni andaliman ima goar na tarbariita di huta halak Batak Toba, di huta Simalungun, Karo, dohot Dairi diboto do songon Tuba, alai molo di Tapanuli Pardangsina di jou do goar na Siyarnyar.

Patar Na Mangendat

• Marupahon sala sada rempah na mangarihon jojak turiturian parmasak Indonesia jala tarsurat di bagas peta parmasak ni portibi
• Andaliman na horing, na so tonu, dohot marbau na manorop ima na tarpillit gabe parmasak ni lompalompa
• Panimpanan ni Andaliman sadengganna manggunahon toples na kedap alogo manang horing asa tongtong denggan
• Andorang pariama sada batang bona ni Andaliman boi mamparbuehon 5 kg - 7 kg Andaliman
• Andaliman boi torus marparbue sahat tu 10 - 15 taon

Hagunaon Ni Andaliman

Di sipanganon halak Batak, andaliman dipalamot pas torhis manang mahiang dibahen gabe bumbu siallangon songon: sambal na tinombur, arsik, saksang, dengke mas na niura, sambal tuktuk, ayam pinadar, mi gomak, dohot na asing. Dang holan gabe bumbu, andaliman pe gabe ramuan dang tergantihon pas mambaen sambal, songon: sambal andaliman, sambal na tinombur dan sambak tuktuk.

Pustaha

• [1] Templat:Webarchive
• Siregar, BL. 2003. Andaliman (Zanthoxylum acanthopodium DC.) di Sumatra Utara:Deskripsi dan Perkecambahan. Hayati 10:38-40
• Deskripsi di Gernot's spices